skol
Kigali
startimes

MINALOC yasabye Abanyarwanda kureka kwitwaza Covid-19 bagatanga ubwisungane mu kwivuza

Amakuru   Yanditswe na: Dusingizimana Remy 5 June 2020 Yasuwe: 3326

Umunyamabanga wa Leta muri Minisiteri y’Ubutegetsi bw’Igihugu (MINALOC), Nyirarukundo Ignatienne yasabye Abanyarwanda kureka kwitwaza ihungabana ry’ubukungu ryatewe na Covid-19,bakishyura ubwisungane mu kwivuza.


Minisiteri y’Ubutegetsi bw’Igihugu[MINALOC] n’Ikigo cy’igihugu cy’Ubwiteganyirize [RSSB] batangiye ubukangurambaga bugamije gukangurira abaturage gutanga umusanzu wo kwivuza wa 2020/2021 cyane ko kugeza ubu, abamaze gutanga uyu musanzu ari 18%.

Umunyamabanga wa Leta muri MINALOC. ushinzwe imibereho myiza y’abaturage, Nyirarukundo Ignatienne, yatangaje ko kugeza muri Gicurasi uyu mwaka,hasozwa umwaka wa 2019/ 2020,ubwitabire bwo gutanga Mutuelle de Santé bwari kuri 79.6 %.

MINALOC na RSSB, basabye Abanyarwanda kwitabira gutanga ubwisungane mu kwivuza nibura buri wese akaba abufite bitarenze tariki ya 30/6/2020.

Minisitiri Nyirarukundo Ignatienne, yavuze ko nta munyarwanda ukwiriye kwitwaza Coronavirus ngo yange gutanga ubwisungane mu kwivuza bwa 2020/2021.

Yagize ati “Nta muturage ugomba kwitwaza ihungabana ry’ubukungu ryatewe na Covid-19 ngo areke kwishyura ubwisungane mu kwivuza. Abavuga ngo “Uzamfasha, ntabwo ibyo bishoboka, ntawe utaragizweho ingaruka na Covid-19, ngira ngo Leta twese yadufasha, kandi ntabwo ibyo yabishobora”.

Ashingiye ku kuba uturere tw’icyaro ari two ngo dufite abaturage benshi batanze ubwisungane mu kwivuza muri uyu mwaka urangira wa 2019-2020,Minisitiri Nyirarukundo yavuze ko nubwo mu mujyi hashobora kuba harabaye ihungabana ry’ubukungu, hadakwiriye kubera umutwaro Leta ahubwo nabo bagomba gushyiramo imbaraga bakishyura ubwisungane.

Umunyamabanga wa Leta avuga ko abakuru b’amasibo agize imidugudu batanze amakuru y’abagomba gufashwa, abo ngo barazwi.

Ubwitabire mu kwishyura ubwisungane muri uyu mwaka w’Ingengo y’Imari urimo kurangira wa 2019-2020, bwageze ku mpuzandengo ya 79.6%, ariko by’umwihariko uturere twa Gisagara na Gakenke twageze ku rugero rwa 90%.

Kwishyura ubwisungane bwo kwivuza biracyarimo gushingira ku byiciro by’ubudehe bisanzweho, kuko ibindi ngo bikirimo kwigwaho n’inzego za Leta, harimo no kuzabanza kunyuzwa mu Nteko Ishinga Amategeko.

RSSB ivuga ko kuri ubu imiryango 42,777 ihwanye na 18%, ari yo imaze kwiyandikisha no kwishyura ubwisungane mu kwivuza bw’umwaka wa 2020-2021.

Umuyobozi Mukuru wa RSSB, Regis Rugemanshuro avuga ko hagiye gutangizwa ubukangurambaga budasanzwe buzifashisha itangazamakuru, itumanaho rya telefone n’indangururamajwi mu baturage, kugira ngo abantu bose bitabire gahunda y’ubwisungane muri ibi byumweru bitatu bisigaye kugira ngo umwaka w’Ingengo y’Imari urangire.

Uturere twa Gisagara, Gakenke na Gicumbi nitwo 3 turi ku isonga mu gutanga Mitiweli. Gisagara bari kuri 92%, Gakenke ni 91% naho Gicumbi ni 87.9 %.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urujya n’uruza muri Gare ya Nyabugogo ni rwose ruhunga Guma mu rugo ya...

Nyuma y’aho Inama y’abaminisitiri isubije muri Guma mu rugo kubera...
19 January 2021 Yasuwe: 6785 0

Prof.Shyaka yahumurije Abanyarwanda batewe ubwoba n’inzara muri Guma mu...

Mu gihe Kigali yose yashyizwe muri Guma mu Rugo bikaba bituma hari ababura...
19 January 2021 Yasuwe: 3569 0

Covid-19: Hapfuye abandi bantu 4 mu Rwanda, abanduye bashya ni...

Minisiteri y’Ubuzima yatangaje ko uyu munsi tariki ya 18 Mutarama...
18 January 2021 Yasuwe: 3928 0

Abantu 02 bahitanwe na Covid-19 mu Rwanda abandi 182 barayandura

Minisiteri y’Ubuzima yatangaje ko uyu munsi tariki ya 17 Mutarama...
17 January 2021 Yasuwe: 4081 1

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3720 0

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4425 0