Kigali

Abanyarwanda barasabwa kwitwararika MARBURG, icyorezo kimeze nka Ebola cyongeye kwanduka muri Uganda

Amakuru   Yanditswe na: Nsanzimana Ernest 22 October 2017 Yasuwe: 1912

Minisiteri y’ ubuzima mu Rwanda yatangaje ko hari icyorero cya Marburg cyagaragaye muri Uganda igasaba abaturage kwirinda gukora ingendo zitari ngombwa mu gihugu cyagaragayemo icyo cyorezo no gukomeza umuco wo kwivuza hakiri kare.

Nk’ uko byemejwe n’ ishami ry’ Umuryango w’ abibumbye ryita ku buzima OMS, iki cyorero cyagaragaye mu burasizuba bwa Uganda hafi ya Kenya. Iki cyorero kimaze guhitana abantu babiri.

Iki cyorero gifite ibimenyetso nk’ iby’ icyorero cya Ebola kandi bijya kwandura kimwe.

Kimwe na Ebola, Virusi itera indwara ya Marburg yandurira mu matembabuzi nk’amaraso, amacandwe, ibirutsi, amarira, n’ibindi by’uyirwaye. Umuntu ashobora kandi kwanduzwa no gukora ku nyamaswa zirwaye cyangwa zapfuye zifite iyo ndwara, cyane cyane uducurama, inkende n’izindi.

Nk’ uko biri mu itangazo Minisiteri y’ ubuzima yageneye abanyamakuru , “Mu gihe cyo gushyingura umuntu wishwe na Marburg abantu bashobora kuhandurira mu gihe bakoze ku murambo" . Marburg ntabwo yandurira mu mwuka.

Uwanduye Marburg ashobora kugaragaza ibimenyetso by’iyo ndwara hagati y’iminisi 2 na 21, harimo kugira umuriro mwinshi, kuribwa umutwe, kubabara mu mikaya, guhitwa, kuruka cyane kandi kenshi, kuribwa mu nda no kuva amaraso ahantu hose hari umwenge ku mubiri w’umuntu.

Iyi ndwara nk’uko bitangazwa n’Ishami ry’Umuryango w’Abibumbye rishinzwe Ubuzima ishobora guhitana abayirwaye kugeza kuri 88% by’abayanduye. Kugeza ubu nta muti cyangwa urukingo igira.

Minisiteri y’Ubuzima irasaba Abaturarwanda n’abanyamahanga bagenderera u Rwanda. Kwirinda gukora ingendo zitari ngombwa ahagaragaye Marburg;Umuntu wese ufite ibimenyetso bya Marburg byavuzwe haruguru agomba
kwihutira kujya ku ivuriro rimwegereye; Gukomeza umuco mwiza wo kwivuza hakiri kare igihe cyose wumva urwaye, no guhamagara umurongo utishyuzwa 114 igihe ukeneye ibindi bisobanuro

Minisiteri y’Ubuzima ivuga ko isanzwe ifite ingamba zo gukumira icyo cyorezo. Marburg yagaragaye bwa mbere mu migi wa Marbourg na Frunkfurt yo mu gihugu cy’ Ubudage. Icyo gihe hari mu mwaka 1967. Icyo gihe abantu 31 barayanduye muri 7 irabahitana.

Nk’ uko Umuryango ubikesha Wikipedia, iki cyorero kwitwa Marburg kibikomora ku mugi wa Marbourg cyagaragayemo bwa mbere.

Mu myaka itandukanye iki cyorero cyagaragaye mu bihugu bitandukanye birimo Angola, Repubulika iharanira Demukarasi ya Congo, Kenya, Uganda, Ubudage, Afurika y’ Epfo .... Muri Angola niho hantu hambere Marburg yishe abantu benshi. Muri 2004 na 2005, Abanya Angola 252 banduye Marburg ihitana 227 bahanye na 90 by’ abari banduye bose.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amayaga: Hatangiye kubakwa urwibutso rwa jenoside ruzimurirwamo imibiri...

Kuri uyu wa gatandatu taliki 13/01/2018 mu murenge wa Muyira hakozwe...
17 January 2018 Yasuwe: 237 0

Polisi n’abafatanyabikorwa bayo barateganya gutera ibiti ku buso burenga...

Muri gahunda zo kongera ubuso buteweho amashyamba hagamijwe kongerwa...
17 January 2018 Yasuwe: 80 0

Bugesera: Kubera ubukene abaturage ntibacyemerera abashyitsi...

Mu karere ka Bugesera ho mu ntara y’iburasirazuba abaturage batandukanye...
15 January 2018 Yasuwe: 249 1

Ngoma: Polisi ifunze umugabo wafatanwe ibiro 140 by’urumogi abandi...

Minani Emmanuel w’imyaka 30 ari mu maboko ya Polisi y’u Rwanda ikorera mu...
12 January 2018 Yasuwe: 120 0

Umuyobozi mukuru wa WHO Dr. Tedros yasuye urwibutso rwa Jenoside rwa...

Umuyobozi Mukuru w’Ishami ry’Umuryango w’Abibumbye ryita ku buzima ku rwego...
12 January 2018 Yasuwe: 175 0

Rubavu: Min.Kaboneka yashishikarije abaturage kwirinda no kwitandukanya...

Mu rwego rwo gukomeza gushishikariza abanyarwanda kwirinda, gukumira no...
11 January 2018 Yasuwe: 91 0