Kigali
startimes

Minisitiri w’Ubuzima yatangaje amazina yahawe za Robo zigiye kwifashishwa mu kurwanya ikwirakwira Covid-19 n’akazi zigiye gukora mu Rwanda

Amakuru   Yanditswe na: Dusingizimana Remy 9 May 2020 Yasuwe: 2727

Minisitiri w’Ubuzima Dr Daniel Ngamije, yatangarije Abaturarwanda ko u Rwanda rwiyemeje gukoresha za robo [robots] zifasha mu kurwanya ikwirakwira rya Coronavirus yaba mu bitaro bivurirwamo abarwayi b’iki cyorezo ndetse no hirya no hino mu gihugu hahuriramo abantu benshi.



Minisitiri Ngamije yatangaje ko izi mashini zije gutanga umusanzu wunganira ibindi bikoresho byabonetse bwo gupima no kurwanya ikwirakwira rya Coronavirus ndetse ngo Abanyarwanda bagiye kubona muri za gare, mu masoko n’ahandi hahurira abantu benshi hari robots zibapima Coronavirus.

Yagize ati “Izi robo turi kuzifashisha tuzishyira ahari abantu banduye.Iyi robo ushobora kuyishyiramo gahunda ikajya ahari umurwayi igafata ibipimo by’umurwayi bisanzwe umuganga atagombye kujyayo.Uyiha porogaramu y’ibyo igomba gukora,ikajya mu cyumba kirimo umurwayi igafata ibipimo yaba umuriro,yaba uko umuntu ahumeka,ishobora no gufata umuvuduko w’amaraso.Hari ibikorwa ishobora gukora byatuma umuforomo cyangwa umuganga atagera ku murwayi inshuro nyinshi bikamurinda kwandura.

Ubundi buryo tuzazifashisha mu minsi iri imbere,ahantu hahurira abantu benshi ku buryo izajya ifata ibipimo by’umuriro,nko muri gare,mu mangazini manini abamo abantu benshi izajya ishyirwa aho binjirira,mu masoko aho umuntu ufite umuriro mwinshi izajya ihita imubona uwo muntu tugahita tumushyira ku ruhande tukamukorera ibindi bipimo tukareba niba ataranduye.

Minisitiri Ngamije yavuze ko mu Rwanda hamaze kugera robo 5 ariko hari n’izindi ziri mu nzira zizagera mu Rwanda mu cyumweru gitaha ndetse avuga ko zanahawe amazina y’ikinyarwanda harimo iyitwa Urumuri,,Icyizere,Kazuba,Ngabo iya nyuma yitwa Mwiza.

Minisiteri y’Ubuzima(MINISANTE) ikomeza ivuga ko gukoresha robot mu gupima Covid-19 bizajya byorohereza abantu kubona ibisubizo mu buryo bwihuse.

MINISANTE ikomeza ivuga ko muri iki gihe abantu boroherejwe bagasohoka hanze, atari umwanya wo kwirara, iyo Minisiteri ikaba isaba abantu gukomeza amabwiriza yo kwirinda.

U Rwanda rwageze ikirenge mu cya bimwe mu bihugu byinshi byo ku Isi birimo Ubushinwa,Thailand n’ibindi byinshi,nabyo byifashisha ama Robots yaba mu gupima umuriro w’abarwayi, mu gukora isuku mu byumba byabo n’ibindi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 703 0

Perezida Kagame yavuze ku ifunguro akunda n’ukuntu ajya asiba amafunguro ya...

Nyakubahwa Perezida wa Repubulika,Paul Kagame yavuze ko atagira ibyokurya...
10 July 2020 Yasuwe: 3411 0

Zawadi na Mugenzi bahishuye uburyo umugabo udatera akabariro aheranwa...

Umutoni Zawadi wize amashuri makuru mu gihugu cya Cameroon aminuriza mu...
10 July 2020 Yasuwe: 2384 1

Habonetse abarwayi 16 ba Coronavirus mu Rwanda hakira abantu...

Kuri uyu wa Kane tariki ya 09 Nyakanga 2020,mu Rwanda habonetse abarwayi...
9 July 2020 Yasuwe: 1150 0

COVID-19:Umuryango nyarwanda uharanira uburenganzira bwa muntu wishimiye...

Umuryango nyarwanda utari uwa Leta uharanira Uburenganzira bwa Muntu...
9 July 2020 Yasuwe: 241 0

Ngoma: Imfungwa 4 zari zirwaye Coronavirus zacitse ibitaro ziburirwa...

Imfungwa enye zari ziri kwitabwaho mu kigo ASPEK kiri kuvurirwamo abarwayi...
9 July 2020 Yasuwe: 1187 0