Kigali

Mme J.Kagame avuga ko buri wese akwiye guhagurukira kurwanya Kanseri

Amakuru   Yanditswe na: Iyamuremye Janvier 7 November 2017 Yasuwe: 149

Madamu wa Perezida wa Repubulika Jeannette Kagame avuga ko kurwanya indwara za Kanseri bisaba ubufatanye bw’ inzego zinyuranye, abantu bigishwa uko bakwirinda izi ndwara ndetse n’ abarwaye bakitabwaho.

Ibi Madamu Jeannette Kagame yabivugiye I Kigali atangiza inama ya 11 yiga kuri Kanseri ku mugabane w’Afurika, International conference on Cancer in Africa, akaba ari ku nshuro ya mbere ibereye mu Rwanda.

Imibare itangwa n’ishami ry’Umuryango w’ Abibumye ryita ku buzima OMS, Igaragaza ko ku isi, mu mwaka wa 2015 abantu bagera kuri miliyoni 8 n ’ ibihumbi 800 bapfuye bazize Kanseri, 70% byabo bari abo mu bihugu bikennye n’ ibiri mu nzira y’ amajyambere.

Afurika igaragazwa nk’ikomeje kugarizwa na Kanseri z’ubwoko bunyuranye. Iki ni ikibazo gihangayikishije kuko impuguke zaturutse mu mu bihugu 60 birimo iby’ Afurika nibyo hirya no hino ku isi, zirimo kungurana ibitekerezo ku ngamba zo kurwanya Kanseri. Madamu wa Perezida wa Repubulika y’u Rwanda Jeannette Kagame yashimye imbaraga ibihugu bishyira mu kurinda abaturage Kanseri.

Yagize ati, "Mu Rwanda, kimwe no mu bindi bihugu, aho abaturage bashyiriweho uburyo bwo guzusumwa Kanseri, bituma abayirwaye bamenyekana. Kuri ubu abagabo basuzumwa ’cancer ya Prostate’, abana bafashwa kurwanya Kanseri yo mu maraso na Kanseri y’ impyiko kuva bakiri bato, Kanseri y’ ibere na Kanseri y’ inkondo y’umubare nizo zikomeje kugariza abagore. Ikidutera imbaraga nuko ubushakashatsi bamaze imyaka myinshi bukorwa bugaragaza ko 1/3 cya Kanseri zishobora kwirindwa. Niyo mpamvu dufite inshingano yo gushyiraho ingamba zihamye kandi zifatika zo kwirinda."

Umuyobozi mukuru w’ikigo nyafurika kigamije ubushakashatsi kuri Kanseri (African Organisation for Research and Training in Cancer) Professor Jean Marie Kambogo Mpolesha avuga ko guhura nk’ abakora mu bijyanye na Kanseri, bizafasha umugabane w’ Afurika mu rugamba urimo rwo kurwanya Kanseri.

Nubwo nta bushakashatsi burakorwa ngo bugaragaze imibare y’abafite Kanseri mu Rwanda, ubuyobozi bw’ ibitaro bya Butaro buvuga ko kuva bwatangira kuvura Kanseri mu mwaka wa 2012 bumaze kwakira abarwaye Kanseri basaga ibihumbi 6000.

Nk’uko bitangazwa na Ministeri y’ubuzima mu Rwanda, Kanseri zigaragara mu Rwanda, ku isonga hari Kanseri y’ibere, iy’inkondo y’ umura, Kanseri ya Prostate, izifata mu rwungano ngogozi n’ izindi. Kuva mu mwaka wa 2012, mu Rwanda abana b’abakobwa bafite imyaka 12 bakingirwa kanseri y’inkondo y’umura.

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubuhamya bw’ Umukobwa watewe inda na se wabo agiye gusura nyirakuru

Umukobwa w’ imyaka 18 yatanze ubuhamya avuga uko se wabo yamufashe ku ngufu...
11 December 2018 Yasuwe: 2317 0

Leta y’ u Rwanda yahagaritse imiti yavaga mu Buhinde n’ Ubushinwa itujuje...

Ikigo gishinzwe kugenzura Ibiribwa n’Imiti mu Rwanda (FDA) cyahagaritse...
11 December 2018 Yasuwe: 929 0

Iki nicyo kigero cy’inzoga ushobora kunywa utwaye imodoka mu Rwanda...

Polisi y’u Rwanda yatangaje ibipimo by’inzoga umuntu arenza akaba yahanwa...
6 December 2018 Yasuwe: 2933 0

WhatsApp: Hari Gukusanywa inkunga ya Ndahimana wambaye kambambili agiye...

Abakoreshwa Whatsapp bashyizeho uburyo bwo gukusanya inkunga yo gufasha...
3 December 2018 Yasuwe: 4105 3

Mudugudu wafashwe asambana agacibwa ururimi yoherejwe ku bitaro bya...

Ibitaro bya Nyamata byatangaje ko umuyobozi w’ umudugudu bya Mububa Migambi...
29 November 2018 Yasuwe: 3127 0

Rev.Karangwa umuvugizi wungirije wa ADEPR yakoze impanuka y’imodoka yo mu...

Rev.Karangwa John usanzwe ari umuvugizi wungirije w’itorero rya ADEPR...
28 November 2018 Yasuwe: 4019 1