Kigali

‘Ntabwo dufora niyo mpamvu dukora ubushakashatsi’ Dr Ndimubanzi

Amakuru   Yanditswe na: Nsanzimana Ernest 10 October 2018 Yasuwe: 500

Minisiteri y’ ubuzima yirinze gutangaza niba ifite icyizere ko ubushakashatsi bwa RPHIA buzasanga SIDA mu Rwanda iri munsi ya 3%.

Kuri uyu wa Gatatu tariki 10 Ukwakira 2018 nibwo Minisiteri y’ ubuzima yatangije ku mugaragaro ubushashatsi bugamije kumenya umusaruro umaze kuva muri gahunda zo kurwanya Virusi Itera SIDA mu banyarwanda(RPHIA).

Ni ubushakashatsi bugiye kuba mu gihe u Rwanda rumaze imyaka myinsHi rushyizeho gahunda zo kugabanya ubwandu bushya bwa Virusi itera SIDA . Izo gahunda zirimo gutanga udukingirizo, gufasha ababyeyi banduye kubyara abana bazima, guha imiti ifasha umuntu wakorewe imibonano mpuzabitsina kugahato kudandura Virusi itera SIDA n’ izindi.

Imyaka 10 irashize mu Rwanda umubare rusange w’ abarwayi ba SIDA ari 3% kadahinduka.

Umunyamakuru yabajije Umunyamabanga wa Leta muri Minisiteri y’ ubuzima ushinzwe ubuvuzi rusange Dr Patrick Ndimubanzi niba bafite icyizere ko basanga umubare w’ abarwaye SIDA mu Rwanda waragiye munsi ya 3% biturutse kuri gahunda zo kuyirwanya.

Dr Ndimubanzi yavuze ko mu bushakashatsi ntagufora kubamo.

Yagize ati “Abashakashatsi turavuga ngo reka turebe imibare tuzabona. Ntabwo dufora niyo mpamvu dukora ubushakashatsi”

Muri ubu bushakashatsi bwa RPHIA abashashatsi bazagera mu ngo 10 800 zatoranyijwe mu gihugu hose. Abagize urugo n’ umushyitsi waharaye iryo joro bazajya bapimwa birusi itera SIDA na umwijima wo mu bwoko bwa B, C bahabwe ibisubizo ako kanya banahabwe banagirwe inama.

Ubushakashatsi nk’ ubu bwakorewe mu bihugu birimo Tanzania, Kenya, Lesotho, Malawi, Swaziland, Uganda, Nambia, Ethiapia n’ ibi.

Umuyobozi w’ ubu bushakashatsi David Hoos yavuze ko aho bagira babukorera imbagamizi bahuye nazo harimo abaturage bashatse gupimwa kuko serivise iba yabegereye, n’ ikibazo cy’ indimi mu bihugu bifite abaturage bavuga indimi zitandukanye. David avuga ko muri mbogamizi iyo biteza kutazahura nayo ari iya abaturage bavuga indimi zitandukanye ku buryo bagombera umusemuzi.

Ubu bushakashatsi byitezwe ko buzatwara miliyoni ziri hatati 10 na 11 z’ amadorali y’ Amerika.

Gukusanya amakuru muri ubu bushakashatsi bizatangirira mu Ntara y’ Amajyarugu tariki 12 Ukwakira 2018 mu gihugu hose bizasonzwa muri Gashyantare 2019. Ibyavuye mu bushakashatsi bizatangazwa hagati mu mwaka utaha wa 2019.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ese ikibazo cyangwa indwara yo kunanirwa gutera akabariro no kubaka urugo...

Ubusanzwe Libido ni imbaraga zisunika umuntu zimwerekeza ku kumva ashaka...
27 March 2019 Yasuwe: 3211 1

Indwara za karande zigera kuri 95% ziravurwa zigakira burundu...

Dr. Peter Murugu Dr. Peter Murugu, umuganga uturuka muri Kenya ubu...
12 March 2019 Yasuwe: 2065 0

Dr Murugu yafunguye amarembo mu Rwanda, arasaba kumwizera ubundi amibe...

Dr Peter Murugu ukomoka muri Kenya ni umuvuzi ukoresha ibimera, akavura...
2 March 2019 Yasuwe: 2372 1

Mu gahinda kenshi Dr Byamungu wakoraga muri BRD n’abana be 4 bapfiriye mu...

Dr Byamungu wari Umuyobozi ushinzwe ishoramari muri Banki y’Igihugu...
12 January 2019 Yasuwe: 12123 2

Imodoka yavaga mu mugi yerekeza Nyabugogo yataye umuhanda igonga abantu 7...

Polisi y’ u Rwanda ishami rishinzwe wo mu muhanda yavuze ko imodoka yo mu...
11 January 2019 Yasuwe: 5458 1

Umunyamideli w’umunyarwandakazi witeguraga gukora ubukwe vuba yapfuye...

Umunyamideli wari warabigize umwuga Alexia Uwera Mupende yitabye Imana ku...
9 January 2019 Yasuwe: 5203 0