addresiya
Kigali
startimes

Nyabihu: Inkuba yakubise ababaji babiri bahasiga ubuzima

Amakuru   Yanditswe na: Dusingizimana Remy 31 March 2020 Yasuwe: 2060

Abagabo 2 bakoraga akazi k’ububaji basanzwe bapfuye, kuri uyu wa Mbere tariki 30 Werurwe 2020, mu kagari ka Basumba, umurenge wa Bigogwe ho mu karere ka Nyabihu aho bikekwa ko bakubiswe n’inkuba.



Nkuko amakuru dukesha ikinyamakuru IGIHE abitangaza,imirambo ibiri y’aba bagabo yabonetse ku munsi w’ejo ariko bapfuye kuwa Gatandatu w’icyumweru gishize bakubiswe n’inkuba.

Umunyamabanga Nshwingwabikorwa w’akagari ka Basumba, Gashegu Justin,yabwiye iki kinyamakuru ko imirambo yabonetse kuri uyu wa Mbere kandi ko bigaragara ko ari inkuba yabakubise kuko umwe muri abo bagabo ngo yari ari kuvugira kuri telefone .

Yagize ati: “Aba bagabo bari basanzwe baza kubaza ibiti hano bavuye mu murenge wa Kabatwa. Kuwa Gatandatu baraje ntibataha, ejo nibwo abagore babo baje kubashakisha nuko dusanga imirambo yabo mu kiraro iruhande rwaho bakoreraga.

Turakeka ko bakubiswe n’inkuba mu mvura yaguye kuwa Gatandatu kuko yanatwitse mubazi zose z’amashanyarazi muri kariya gace.”

Uyu muyobozi avuga ko icyatumye imirambo y’abo bagabo iboneka itinze ari uko abaturage basabwe kuguma mu ngo birinda coronavirus.

Inkuba ni uruhurirane rw’ingufu zihurira mu kirere maze ikubitana ryazo rigatanga izindi ngufu zo mu bwoko bw’amashanyarazi; aribyo twumva cyangwa tubona bikubita nk’inkuba n’imirabyo. Ibi nibyo bikomeretsa cyangwa bikica uwo bihuye nawe.

Mu gihe hagwa imvura ivanze n’inkuba n’imirabyo abaturage basabwa kwirinda kugama munsi y’igiti kiri cyonyine, Kwirinda kugama ahantu hari inzu za telefoni rusange cyangwa ku misozi hejuru kuko ibyo byose byagira uruhare mu gukubitwa n’inkuba.Hari kandi kwirinda gukorakora no gutwara ibintu bizwiho gutwara umuriro vuba.

Muri aka karere hari kugwa imvura ivanze n’umuyaga aho ku munsi w’ejo wasambuye inzu 10 zirimo n’ibiro by;akagari ka Batikoti muri Kabatwa.


Imvura mu karere ka Nyabihu ikomeje kwangiza byinshi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Hamazwe impungenge ku bibazaga kuba hagiye gufungurwa ingendo hagati...

Umuyobozi w’ikigo cy’igihugu cy’ubuzima Dr. Nsanzimana Sabin yatangaje ko u...
30 May 2020 Yasuwe: 4172 0

Covid-19: Abantu 6 banduye Coronavirus mu Rwanda hakira 2 kuri uyu wa...

Minisiteri y’Ubuzima mu Rwanda yatangaje ko Kuri uyu wa Gatanu tariki 29...
29 May 2020 Yasuwe: 515 0

COVID-19 Habonetse abantu 3 bashya banduye Coronavirus mu Rwanda nta wakize...

Minisiteri y’Ubuzima mu Rwanda yatangaje ko Kuri uyu wa Kane tariki 28...
28 May 2020 Yasuwe: 460 0

RURA yahaye abamotari amabwiriza mashya bagomba gukurikiza mu kurwanya...

Urwego Ngenzuramikorere mu Rwanda, RURA, rwahaye amabwiriza mashya abatwara...
28 May 2020 Yasuwe: 1729 0

Covid-19: Habonetse abantu 7 bashya banduye Coronavirus mu Rwanda hakira...

Minisiteri y’Ubuzima mu Rwanda yatangaje ko Kuri uyu wa Gatatu tariki 27...
27 May 2020 Yasuwe: 599 0

Polisi y’u Rwanda yatangaje impamvu 4 zatumye ifunga igitaramo cyo kuri You...

Umuvugizi wa Polisi y’u Rwanda,CP John Bosco Kabera,yatangaje ko yafunze...
27 May 2020 Yasuwe: 942 0