Kigali

Nyamasheke: Umusore yagwiriwe n’ikirombe ahita yitaba Imana

Amakuru   Yanditswe na: Iyamuremye Janvier 24 February 2018 Yasuwe: 217

Ku itariki ya 20 Gashyantare, mu karere ka Nyamasheke mu murenge wa Kanjongo, akagari ka Kibogora umusore witwa Niyitanga Habineza w’imyaka 19 yagwiriwe n’ikirombe, ubwo yajyaga gucukura amabuye y’agaciro mu ikompanyi yitwa Rama mu buryo butemewe n’amategeko ahita yitaba Imana.

Nk’uko bitangazwa n’umuvugizi wa Polisi y’u Rwanda mu Ntara y’Uburengerazuba Chief Inspector of Police (CIP) Innocent Gasasira, avuga ko ubusanzwe iki kirombe gisanzwe ari icya kompanyi yitwa “Rama” isanzwe ikora imirimo y’ubucukuzi bw’amabuye y’agaciro muri aka gace ku buryo bwemewe n’amategeko.

CIP Gasasira yavuze ko hari abaturage bamwe bafite umuco mubi wo kwitwikira ijoro cyangwa bagakoresha ubundi buryo bakajya gucukura amabuye, nyamara nta burenganzira babifitiye. Yagize ati:” uyu Niyitanga Habineza yagiye mu bujura bwo gucukura aya mabuye yo mu bwoko bwa Gasegereti. Yinjiyemo imbere asanga haranyerera harimo n’amazi kubera ko imvura yari imaze iminsi iguye, abura uko asubira inyuma yikubitamo abura umwuka arapfa, amakuru aza kumenyekana ko yaguyemo bamukuramo, umurambo ujyanwa mu bitaro bya Kibogora.”

Yongeyeho ati:” izi ni ingaruka zo kutumva inama dusanzwe duha abaturage zo kwirinda kwishora mu bikorwa nka biriya. Buri gihe dukangurira ndetse tukanigisha abantu kwirinda ubucukuzi bw’amabuye y’agaciro bukorwa mu buryo butemewe n’amategeko, ni nako tunigisha buri wese kwirinda kujya mu kirombe ari wenyine, kuko bimaze kugaragara ko usanga ugerageje kujyayo mu buryo nk’ubwo, ahura n’ikibazo akabura umutabara cyangwa ngo amutabarize akagwayo.”

CIP Gasasira yakomeje abwira abaturage ko abemerewe ubucukuzi bw’amabuye y’agaciro, ari amakompanyi azwi abifitiye uburenganzira ahabwa n’amategeko, afite ibikoresho bihagije byabugenewe ndetse n’abakozi bayo bafite ubwishingizi.

Yibukije ababyeyi inshingano zabo agira ati:” mugomba kujya mwita ku bana banyu, bakajya mu ishuri aho kwirukira gushaka amafaranga bakiri bato no gukira vuba, bakareka kwishora mu bikorwa nka kiriya cyo kujya mu bucukuzi bw’amabuye y’agaciro”.

Ingingo ya 438 yo mu gitabo cy’Amategeko ahana ibyaha mu Rwanda, ivuga ko umuntu wese wiha gukora imirimo y’ubushakashatsi cyangwa iy’ubucuruzi bw’amabuye y’agaciro bitemewe n’amategeko, ahanishwa igifungo kuva ku mezi atandatu (6) kugeza ku mwaka umwe (1) n’ihazabu y’amafaranga y’u Rwanda kuva kuri miliyoni eshatu (3.000.000) kugeza kuri miliyoni icumi (10.000.000).

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Guverineri Gatabazi yagize icyo avuga ku mugore wabaye abana 3 avuye gutora...

Umuyobozi w’ Intara y’ Amajyaguru Jean Marie Vianney Gatabazi yasuye umugore...
4 September 2018 Yasuwe: 1696 1

‘Kwirinda Ebola birasaba isuku no gutanga amakuru ku gihe’ – Minisitiri...

Minisitiri w’ Ubuzima Dr Diane Gashumba yatangaje ko ku Rwanda gukumira...
7 August 2018 Yasuwe: 595 0

Umubyeyi utwite yemerewe gukomeza konsa umwana yazavuka agasangira ibere na...

Inzobere nyarwanda mu bijyanye no konsa zivuga ko umubyeyi ugize ibyago byo...
5 August 2018 Yasuwe: 1525 0

MINISANTE irizeza Abanyarwanda ko Ebola itazinjira mu Rwanda

Minisiteri y’ Ubuzima mu Rwanda MINISANTE yaburiye Abanyarwanda ko Icyorezo...
2 August 2018 Yasuwe: 248 0

Kamuzinzi, hashize imyaka 3 avumbuye agafoto yafotorewe mu nkambi...

Kamuzinzi Eric wo mu Karere ka Rusizi mu myaka itatu ishize nibwo yabonye...
1 August 2018 Yasuwe: 4018 0

MINISANTE yasubije mu kazi umuforomo wahaye umurwaza amaraso ngo age...

Minisiteri y’Ubuzima (Minisante) yasubije mu kazi umuforomo wo mu bitaro bya...
29 July 2018 Yasuwe: 4779 1