Kigali

Nyamirambo: Ahahoze irimbi ry’ abayisilamu hagiye kubakwa ibitaro bya Nyarugenge

Amakuru   Yanditswe na: Nsanzimana Ernest 22 October 2017 Yasuwe: 2843

Kwimura imibiri n’ abaturage batanu bari batuye hafi y’ irimbi ry’ abayisilamu I Nyambirambo byarangiye, mu kwezi gutaha akarere ka Nyarugenge karatangira kuhubaka ibitaro.

Ni mu Kagari ka Kivugiza, Umurenge wa Nyamirambo, ni imbere ya Stade ya Kigali munsi y’inyubako ndende yakoreragamo “Electrogaz”.

Ubuyobozi bw’ akarere ka Nyarugenge buvuga ko aka karere nta bitaro by’ akarere kagiraga. Ibitaro byifashishwaga nk’ ibitaro by’ akarere ni ibitaro bya Muhima. Ibitaro bya Muhima ni ishami ry’ ibitaro bya CHUK, ryakabaye rikorerwamo ibijyanye no kubyaza gusa.

Umunyamabanga nshingwabikorwa w’ akarere ka Nyarugenge Fred Hategekimana avuga ko kubaka ibi bitaro bizakorwa mu byinshiciro bibiri.

Ikiciro cya mbere kigizwe n’ ibyumba 180 kizatangira kubakwa mu kwezi gutaha k’ Ugushyingo, kirangire mu mezi 18 gitwaye miliyari ebyiri na miliyoni 212.

Hategekimana avuga ko kuri gahunda bafite, imirimo yo gutangira kubaka ibi bitaro itaringirana n’ukwezi gutaha kw’Ugushyingo, ibitaro bizakaba byuzuye muri mu 2019.

Umuyobozi w’Akarere wungirije ushinzwe ubukungu n’ iterambere Vedaste NSABIMANA, avuga ko ibi bitaro ni byuzura bizakemua ikibazo cy’ imitangire mibi ya serivise ivugwa mu bitaro bya Muhima.

Ati “Ubu tuzaba dufite ibitaro by’akarere, ku Muhima hagume ari ibitaro “referral” byihariye ku bijyanye na “Training” ku ndwara z’abagore no kubyaza, n’ibindi by’umwihariko ku bagore.”

Aba bayobozi bavuga imitangire mibi ya serivise no gufunga abarwayi bivugwa mu bitaro bya Muhima biterwa n’ uko ibitaro bya Muhima ari bito kandi bikaba biganwa na benshi biganjemo abatishoboye.

Bavuga ko bitashoboka kongera abaganga mu bitaro bya Muhima kuko ntaho gukorera babona. Igisubizo kuri ibi bibazo ni ibitaro by’ akarere bigiye kubakwa kuko bizaba ari binini. Bizorohereza abatuye akarere ka Nyarugenge bose kuko bizaba byubatswe mu karere hagati.

Ibitaro bya Muhima biberewemo n’ abaturage miliyoni 37 z’ amafaranga y’ u Rwanda. Iri deni ni abaturage bahawe serivise bagenda batishyuye, arinaho ubuyobozi bw’ akarere ka Nyarugenge buvuga ko haturuka gufunga abarwayi ngo basohoke mu bitaro ari uko bamaze kwishyura.

Hategekimana avuga ko ibitaro bya Muhima kuri ubu bikifashishwa nk’ ibitaro by’ akarere ka Nyarugenge biri ku ruhande rwegera Gasabo.

Ibitaro bya Nyarugenge phase ya mbere n’ iya kabiri bizuzura zitwaye amafaranga y’ u Rwanda agera kuri miliyari 6,6.

Inkuru bifitanye isano: Bakoreye rwiyemezamirimo none bamaze ibyumweru bibiri mu irimbi batarahembwa

Iyi nyubako y’ umuhondo ikorerwamo n’ akarere ka Nyarugenge n’ umugi wa Kigali

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Karongi: Ku myaka 50, intoki, amano n’ikirenge byatobowe n’amavunja-AMAFOTO

Umugabo witwa Iribanje Ildefonse uri mu kigero cy’imyaka 50 y’amavuko utuye...
14 February 2018 Yasuwe: 1663 2

Kigali: Umugore yafatanywe uruhinja yibye

Polisi y’u Rwanda yataye muri yombi umugore wari wibye uruhinja rw’amezi...
11 February 2018 Yasuwe: 2885 0

2019 abarenga ibihumbi 3 bazatangira kwivuriza mu bitaro by’ akarere ka...

Kuri uyu wa Gatanu tariki 9 Gashyantare nibwo abayobozi barimo na...
9 February 2018 Yasuwe: 828 0

14 bafatiwe mu bikorwa byo kurwanya ikorwa n’icuruzwa ry’inzoga...

Ku cyumweru tariki ya 4 Gashyantare, abantu 14 bo mu turere twa Huye na...
6 February 2018 Yasuwe: 253 0

Ruhango: Batandatu batawe muri yombi bangiza ishyamba rya Leta

Kuri uyu wa kabiri tariki ya 30 Mutarama , abantu 6 baterewe muri yombi mu...
1 February 2018 Yasuwe: 260 0

Iwawa: 989 bakoreshaga ibiyobyabwenge barasubizwa mu buzima...

Umujyi wa Kigali, Polisi y’u Rwanda n’izindi nzego zishinzwe umutekano ndetse...
31 January 2018 Yasuwe: 383 0