startimes
Kigali
startimes

Perezida Kagame yategetse ko ibendera ry’igihugu n’irya EAC yururutswa mu kunamira Mkapa

Amakuru   Yanditswe na: Dusingizimana Remy 25 July 2020 Yasuwe: 1456

Nyakubahwa Perezida wa Repubulika, Paul Kagame yategetse ko ibendera ry’u Rwanda n’iry’Umuryango wa Afurika y’Iburasirazuba (EAC) yururutswa kugeza hagati mu gihe kingana n’iminsi itatu, mu rwego rwo kunamira uwahoze ari Perezida wa Tanzania, Benjamin William Mkapa witabye Imana kuwa Kane.


Sponsored Ad


Itangazo ryashyizweho umukono na Minisitiri w’Intebe, Dr Edouard Ngirente, rivuga ko icyemezo cyo kururutsa ibendera ry’u Rwanda n’icya EAC kizatangira gushyirwa mu bikorwa guhera ku wa Mbere tariki 27 Nyakanga 2020 kugeza ku wa Gatatu tariki 29 Nyakanga 2020.

Iri tangazo rikomeza rivuga ko iki cyemezo cyafashwe"mu rwego rwo kwifatanya n’igihugu cy’abavandimwe cya Tanzania mu bihe by’akababaro byo kubura uwahoze ari Umukuru w’Igihugu.

U Rwanda rwanzuye iri tangazo ruti "Dukomeje kwihanganisha abavandimwe, inshuti, umuryango wa Nyakwigendera ndetse n’igihugu cya Tanzania muri rusange muri ibi bihe by’akababaro".

Ku munsi w’ejo nibwo Perezida Kagame yihanganishije igihugu cya Tanzania kubera ibyago cyagize byo gupfusha uwahoze ari Perezida wacyo Benjamin William Mkapa kuwa 23 Nyakanga 2020.Yavuze ko urupfu rwe ari igihombo gikomeye kuri Afurika yose.

Mu butumwa yatanze mu ijoro ryo kuwa Kane, Perezida Magufuli yavuze ko ababajwe cyane no gutangaza ko perezida wa gatatu wa Tanzania "yapfiriye mu bitaro bya Dar es Salaam aho yari arwariye".

Perezida Magufuli ntabwo yatangaje indwara yishe Benjamin Mkapa, wari ufite imyaka 81.

Yagize ati: "Tugize ibyago bikomeye, dukomeze kumusengera. Amakuru arambuye arakomeza gutangazwa ariko mzee Mkapa ntawe tugifite".

Mkapa wagiye ku butegetsi asimbuye Ali Hassan Mwinyi, yayoboye Tanzania kuva mu 1995 kugera mu 2005, asimburwa na Jakaya Mrisho Kikwete.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umusaza w’imyaka 77 yabaye umuntu wa 7 wahitanwe na Coronavirus mu...

Bwa mbere kuva icyorezo cya Covid-19 kigeze mu Rwanda kuwa 14 Werurwe 2020,...
9 August 2020 Yasuwe: 2112 0

Kigali:Amasibo 4 muri Kicukiro yakuwe muri Guma mu rugo imidugudu 3 ya...

Minisiteri y’Ubutegetsi bw’Igihugu yakuye muri gahunda ya Guma mu Rugo...
9 August 2020 Yasuwe: 413 0

Rwamagana:Umugore yapfiriye mu buvumo yari yagiye gusengeramo...

Mu gitondo cyo ku munsi w’ejo tariki ya 8 Kanama 2020 ahagana saa mbiri za...
9 August 2020 Yasuwe: 3537 0

Umugabo wo mu mujyi wa Kigali yabaye umuntu wa 06 wahitanwe na Coronavirus...

Minisiteri y’Ubuzima yatangaje ko kuri uyu waa Gatandatu tariki ya 08 Kanama...
8 August 2020 Yasuwe: 3420 0

Habonetse abantu 17 banduye Coronavirus mu Rwanda hakira abandi...

Uyu munsi tariki ya 07 Kanama 2020, mu Rwanda habonetse abantu 17 banduye...
7 August 2020 Yasuwe: 1261 0

Covid-19: Abantu 21 bakize mu Rwanda abandi 7 bashya barayandura

Minisiteri y’Ubuzima yatangaje ko kuri uyu wa Kane tariki ya 06 Kanama 2020,...
6 August 2020 Yasuwe: 873 0