skol
Kigali
startimes

Polisi y’u Rwanda yashyikirije ya mafaranga Umunyarwandakazi wayataye

Amakuru   Yanditswe na: Dusingizimana Remy 23 November 2020 Yasuwe: 6780

Polisi y’u Rwanda uyu munsi yatangaje ko yashyikirije amafaranga yatoraguwe n’umupolisi wayo,hagafatwa umwanya wo kurangisha nyirayo.


Ku itariki ya 12 Ugushyingo 2020, Uwizeyimana Claudine yataye amafaranga ku muhanda KCC- Remera.

Ku wa 19 Ugushyingo Polisi y’u Rwanda yashyize hanze itangazo rigira riti “Polisi y’u Rwanda iramenyesha umuntu waba yarataye amafaranga ku wa Kane tariki ya 12 Ugushyingo 2020 mu muhanda KCC-Remera hagati ya 9:30 na 10:00 ko hari umupolisi wari mu kazi wayatoraguye.”

Iri tangazo ryakomeje risaba uwaba warataye aya mafaranga kugana ku cyicaro gikuru cya Polisi y’u Rwanda kugira ngo ayasubizwe.

Uyu munsi umuvugizi wa Polisi y’u Rwanda CP JB Kabera yasubije amafaranga uyu Uwizeyimana wari wayataye gusa ntihavuzwe umubare wayo.

Sgt Muremyangabo niwe mupolisi watoye aya mafaranga ku muhanda,yiyemeza kuyasubiza kubera ubunyangamugayo bwe.

Umuvugizi wa Polisi, CP John Bosco Kabera, yashimiye ubunyamwuga bwe kandi yifuza ko ari umuco ugomba kuranga abapolisi bose mu Rwanda.

Uwizeyimana Claudine we yashimye ubunyamwuga bwa polisi y’u Rwanda avuga ko bigaragaza indangagaciro nyazo z’Abanyarwanda.

Abanyarwanda benshi bakozwe ku mutima n’iri tangazo rya Polisi y’u Rwanda rirangisha aya mafaranga ndetse kuri Twitter ubutumwa buyishimira burisuka ari nako benshi bibaza ku bunyangamugayo bw’uyu mupolisi utoragura amafaranga akayarangisha.

Uwitwa Karinganire Hass yagize ati “Ni intangarugero muri Polisi zikora neza ku Isi ubu ni ubudasa n’urukundo batozwa n’ubuyobozi bwiza bwa Polisi bukomora ku nama nziza za Nyakubahwa Paul Kagame, usibye mu Rwanda nta handi wasanga umuco mwiza nk’uyu mukomerezaho muheshe ishema u Rwanda n’umuyobozi wacu natwe tubari inyuma.”

Uwitwa Olivier Ngendahayo we yagize ati “Byiza kabisa, uwo mu polisi wayatoraguye rwose akwiye gushimwa, (gutoragura amafaranga muri iki gihe ukayarangisha?)”

Eddy Shema nawe yunze mu bashimaga ubunyamwuga bwa Polisi y’u Rwanda ati “Mbega ubupfura, ubunyangamugayo ubwitonzi n’ubushishozi RNP ikorana weeee! Ndumiwe pe! Murakabyara, ntimugasaze mubeho cyane. Ibi nta handi wabisanga atari i wacu i Rwanda.”


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble akimana

    Uyu mupolisi Imana izamuhemba kuba muli paradizo.Kereka wenda niba hari ibindi byaha akora.Urugero,nubwo sergeant major Robert yitondaga,twese tumushima,ntibyamumujije gukora icyaha cyo gusambana.

    1 month ago

Inzindi nkuru

Urujya n’uruza muri Gare ya Nyabugogo ni rwose ruhunga Guma mu rugo ya...

Nyuma y’aho Inama y’abaminisitiri isubije muri Guma mu rugo kubera...
19 January 2021 Yasuwe: 7844 0

Prof.Shyaka yahumurije Abanyarwanda batewe ubwoba n’inzara muri Guma mu...

Mu gihe Kigali yose yashyizwe muri Guma mu Rugo bikaba bituma hari ababura...
19 January 2021 Yasuwe: 3740 0

Covid-19: Hapfuye abandi bantu 4 mu Rwanda, abanduye bashya ni...

Minisiteri y’Ubuzima yatangaje ko uyu munsi tariki ya 18 Mutarama...
18 January 2021 Yasuwe: 4003 0

Abantu 02 bahitanwe na Covid-19 mu Rwanda abandi 182 barayandura

Minisiteri y’Ubuzima yatangaje ko uyu munsi tariki ya 17 Mutarama...
17 January 2021 Yasuwe: 4099 1

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3726 0

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4428 0