Kigali
startimes

RBC yahumurije Abanyarwanda batewe ubwoba n’umubare w’abanduye Covid-19 waraye ubonetse

Amakuru   Yanditswe na: Dusingizimana Remy 30 June 2020 Yasuwe: 1112

Umuyobozi w’Ikigo cy’Igihugu gishinzwe Ubuzima(RBC), Dr. Sabin Nsanzimana, aravuga ko nubwo i Kigali hakomeje kuboneka abarwayi benshi ba COVID-19 ndetse hakaba hari n’abandi benshi baraye babonetse mu bafunzwe, bidakwiye gutera impungenge, kuko babonetse ahantu hamwe batarakwirakwira mu bantu benshi.



Mu kiganiro yagiranye na RBA mu gitondo cyo kuri uyu wa Kabiri tariki 30 Kamena 2020, Dr Sabin Nsanzimana yasobanuye ko abantu 72 bagaragayeho COVID-19 bamwe bagakeka ko bari muri Gereza atari byo, ahubwo ngo ni abari bafungiye muri Kasho.

Yagize ati “Nagira ngo nasobanure neza ko atari muri Gereza, ahubwo ni ahantu hacumbikirwa abafungwa mu gihe baba bagikurikiranwaho ibyaha baba barengwa cyangwa se n’andi makosa baba baregwa. Ni izo bita za kasho mu rurimi rworoshye kumva neza.

Dr.Sabin Nsanzimana yavuze ko icya mbere bari gukora ari ugushaka aho ubwo burwayi bwaba bwaraturutse kugira ngo n’abandi bahuye n’abo banduye bakurikiranwe bataranduza abandi.

Yakomeje avuga ko ingamba ari ugukomeza gupima abantu benshi bashoboka bakagera hirya no hino hacumbikirwa imfungwa no muri za kasho kugira ngo iki cyorezo kidakwirakwira.

Yavuze ko bagiye gupima muri kiriya gice cyo mu ntara y’Iburasirazuba cyegereye umupaka wa Rusumo hari kuva abarwayi benshi ba Coronavirus.

Ku munsi w’ejo tariki ya 29 Kamena 2020,Minisiteri y’ubuzima mu Rwanda yatangaje ko abanduye coronavirus ubu bageze ku 1,001, ku nshuro ya mbere habonetse abanduye benshi, 101, ku munsi umwe.

Abanduye bashya babonetse mu bipimo 2,498 byafashwe, barimo abafungwa 72 bo mu karere ka Ngoma, ni bwo bwa mbere iki cyorezo kivuzwe ahafungirwa abantu mu Rwanda.

Minisiteri y’ubuzima ivuga ko abo bafunze banduye bifitanye isano n’abamaze iminsi batangazwa banduye bo mu gace ka Rusumo kari ku mupaka w’u Rwanda na Tanzania.

Kuri Twitter, umuvugizi w’inzego z’amagereza mu Rwanda, Hilary Sengabo, yasubije minisiteri y’ubuzima asa n’usobanura ko abanduye bavugwa atari abo mu magereza.

Yanditse ati: "Iri tsinda ry’abagororwa muvuga aha, nizereko habayeho kwibeshya mu inyito ngirango mwashatse kuvuga abafungwa bakiri muri za kasho za police atari gereza".

Dr Nsanzimana Sabin ukuriye ikigo cy’ubuzima mu Rwanda nyuma yatangaje ko abo bantu ari abafungiye muri ’cachot’ za polisi.

Mu bwandu bushya bwagaragaye ejo harimo 22 bo mu mujyi wa Kigali. Ni mu gihe uduce tumwe ku musozi wa Gikondo n’uwa ’Mont Kigali’ duherutse gusubizwa mu ngamba za ’guma mu rugo’ (lockdown).

Bwana Nsanzimana Sabin yatangarije RBA ko mu banduye bashya babonetse i Kigali kimwe cya kabiri babonetse muri utu duce turi mu kato.

Kuva iki cyorezo cyatangazwa mu Rwanda tariki 21 z’ukwezi kwa gatatu, umubare munini w’abanduye Covid-19 ku munsi wari warabonetse ku wa mbere w’icyumweru gishize ahabonetse abanduye 59, muri bo 33 bari ab’i Kirehe.

Mu minsi irindwi ishize mu Rwanda habonetse abantu 214, biganjemo abo mu bice bya Rusumo na Kirehe mu burasirazuba bw’u Rwanda, hamwe na Rusizi mu burengerazuba.

Leta y’u Rwanda yazamuye ubushobozi bwo gupima iyi ndwara aho kuva tariki 14 z’uku kwezi bwa gatandatu ku munsi hafatwa ikigereranyo cy’ibipimo hagati ya 3,000 na 4,000.

Kuva tariki 14 z’uku kwezi minisiteri y’ubuzima igaragaza ko hafashwe ibipimo byose hamwe 52,593 muri byo habonetse abanduye 460.

Biteganyijwe ko ejo taiki 01 z’ukwezi kwa karindwi leta y’u Rwanda itangaza izindi ngamba, ugereranyije n’iziriho, mu kurwanya iki cyorezo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Habonetse abantu 38 banduye Coronavirus mu Rwanda hakira abandi...

Uyu munsi tariki ya 12 Nyakanga 2020, abanduye Coronavirus mu Rwanda...
12 July 2020 Yasuwe: 1553 0

Covid-19 yahitanye umuntu wa Kane mu Rwanda, yari umusaza w’imyaka...

Uyu munsi tariki ya 11 Nyakanga 2020,habonetse undi muntu wa Kane...
11 July 2020 Yasuwe: 11086 0

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1700 0

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1587 0

Perezida Kagame yavuze ku ifunguro akunda n’ukuntu ajya asiba amafunguro ya...

Nyakubahwa Perezida wa Repubulika,Paul Kagame yavuze ko atagira ibyokurya...
10 July 2020 Yasuwe: 7747 0

Zawadi na Mugenzi bahishuye uburyo umugabo udatera akabariro aheranwa...

Umutoni Zawadi wize amashuri makuru mu gihugu cya Cameroon aminuriza mu...
10 July 2020 Yasuwe: 3756 1