skol
Kigali
startimes

RIB yaburiye abanyamakuru bakoresha ibiganiro Barafinda kandi afite uburwayi bwo mu mutwe bwamubanye karande

Amakuru   Yanditswe na: Dusingizimana Remy 29 July 2020 Yasuwe: 1726

Umunyamabanga mukuru w’Urwego rw’igihugu rw’Ubugenzacyaha,Col.Jannot Ruhunga yabwiye abanyamakuru ko Barafinda Sekikubo Fred afite uburwayi bwo mu mutwe bwa karande bityo abanyamakuru bakwiriye guhagarika kumukoresha ibiganiro.


Ku munsi w’ejo tariki ya 28 Nyakanga 2020, nibwo uyu muyobozi wa RIB yatangarije Abanyamakuru ko uburwayi bwo mu mutwe bwa Barafinda ari karande ndetse abamuha ibiganiro baba bica amategeko ndetse bashobora kubihanirwa.

Yagize ati "Tumufashe dutangiye kumubaza, dusanga ko afite ibibazo mu mutwe, ko ibyo avuga ubona ko hari ikibazo kirimo. Twifashisha ibitaro bishinzwe gusuzuma indwara zo mu mutwe, agezeyo baramwakira, baramusuzuma, batubwira ko koko afite ikibazo kigendanye n’indwara yo mu mutwe amaranye igihe, abaganga baza kutubwira ko indwara ari karande, ko ari ukumugabanyiriza ubukana gusa ariko ari ibintu amaranye igihe kandi bishobora kuzakomeza.”

Ku banyamakuru bakoresha ibiganiro Barafinda RIB yababuriye iti “Mushobora no kugera ku rwego namwe mushobora gukurikiranwa n’amategeko…..nabyita gushyinyagura, umuntu niba muganga yavuze ko arwaye, kuki ushaka kujya kumukoresha muri ubwo burwayi bwe ngo umucuruze?".

Urwego rw’Igihugu rw’Ubugenzacyaha, RIB, rwahamagaje Barafinda Sekikubo Fred ngo azarwitabe ku cyicaro gikuru cyarwo kuwa 10 Gashyantare 2020 ntiyitaba.
Nyuma y’ uko RIB ihamagaje Barafinda ngo agire ibyo abazwa ntiyitabe, yagaragaye mu bitangazamakuru byo kuri You Tube atangaza ko atazitaba ngo kereka ahamagajwe na Perezida w’Urukiko rw’Ikirenga.

Ku wa 12 Gashyantare 2020, nibwo RIB yafashe Barafinda ahatwa ibibazo nyuma haza guhita hafatwa umwanzuro wo kujya kumusuzumisha mu Bitaro by’indwara zo mu mutwe, Caraes Ndera.

Uyu mugabo w’imyaka isaga 50 y’amavuko,yamaze amezi 6 avuzwa hanyuma kuwa 17 Nyakanga 2020 arataha.

Barafinda yibukwa cyane ubwo yatangaga kandidatire yo kwiyamamaza mu matora y’umukuru w’igihugu yabaye muri Kanama 2017, ariko Komisiyo y’Igihugu y’Amatora igasanga atujuje ibisabwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugabo w’imyaka 58 yabaye umuntu wa 27 wishwe na Covid-19 mu...

Kuri uyu Mbere tariki ya 21 Nzeri 2020, Minisiteri y’Ubuzima yatangaje ko...
21 September 2020 Yasuwe: 1701 0

Abantu 51 bakize Coronavirus mu Rwanda mu gihe abandi 21 bayanduye

Minisiteri y’Ubuzima yatangaje ko uyu munsi tariki ya 20 Nzeri 2020,mu...
20 September 2020 Yasuwe: 1341 1

Umunyarwandakazi w’imyaka 26 yabaye umuntu wa 26 uhitanywe na Covid-19 mu...

Kuri uyu Gatandatu tariki ya 19 Nzeri 2020, Minisiteri y’Ubuzima yatangaje...
19 September 2020 Yasuwe: 3894 1

Tuyisenge w’imyaka 23 yishe umugore we Claudine w’imyaka 32 bapfa...

Mu Mudugudu wa Mikingo, Akagari ka Mudakama, Umurenge wa Gataraga mu Karere...
19 September 2020 Yasuwe: 7685 0

Abandi bantu 2 bahitanwe na Covid-19 mu Rwanda handura abandi...

Kuri uyu Gatanu tariki ya 18 Nzeri 2020, Minisiteri y’Ubuzima yatangaje ko...
18 September 2020 Yasuwe: 2183 0

Umugabo w’imyaka 48 yabaye umuntu wa 23 Covid-19 yahitanye mu...

Kuri uyu Kane tariki ya 17 Nzeri 2020, Minisiteri y’Ubuzima yatangaje ko I...
17 September 2020 Yasuwe: 2280 0