Kigali

Rubavu: Umunyeshuli wa ULK bivugwa ko yari atwite yiyahuje umuti w’imbeba

Amakuru   Yanditswe na: Iyamuremye Janvier 26 October 2017 Yasuwe: 1672

Mu gitondo cyo kuwa 25 Ukwakira 2017 Umukobwa witwa Umutoni Alice w’imyaka 20 y’amavuko yasanzwe mu murima w’ibariyi arembye nyuma yo kunywa umuti wica imbeba.

Ibi byabereye Kagari ka Nyamirango, mu Murenge wa Kanzenze, mu karere ka Rubavu. Uyu mukobwa yigaga mu mwaka wa kabiri muri Kaminuza ya ULK (Kigali Independent University) akaba yitabye Imana aho bikekwa ko yazize umuti wica imbeba yanyweye.

Ibi byabereye mu Kagari ka Nyamirango, mu Murenge wa Kanzenze, aho ababyeyi be batuye, kuri uyu wa Gatatu.

Aganira na UMURYANGO Umuvugizi wa Polisi mu Ntara y’Iburengerazuba IP Eulade Gakwaya yemeje aya makuru avuga ko atahamya neza niba koko uwo mukobwa yari atwite kuburyo aribyo byaba byatumye afata icyemezo cyo kwiyahura.

Yavuze kandi ko bagitegereje ibizamini bya muganga kugirango bemeze neza niba koko yari atwite.Ngo uyu mukobwa yasanzwe mu murima ajyanwa ku Kigo Nderabuzima cya Kabari ari naho yaje gupfira.

IP Gakwaya,ati “Yajyanywe ku kigo nderabuzima ari naho yapfiriye.Ntabwo nahita nemeza neza niba koko yari atwite kuko tugitegereje ibizamini bya muganda ari nabyo tuzashingiraho twemeza ayo makuru koko.”

Hari amakuru avuga ko mbere y’uko uyu mukobwa yiyahura ngo yabanje kwandikira musaza utuye I Kigali abimumenyesha.

Umurambo w’uyu mukobwa wajyanywe ku bitaro bya Gisenyi gukorerwa isuzuma, bikaba biteganyijwe ko ushyingurwa kuri uyu wa Kane.

Umuti wica imbeba wasanzwe mu murima w’ibariyi

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kigali: Abagore batatu bafunzwe bacyekwaho ubwambuzi bushukana

Hope Nyiraneza, Musabwa Sarah na Uwihanganye Elizabeth bafungiwe kuri...
12 December 2017 Yasuwe: 245 0

Kamonyi: Imbwa zariye ihene eshanu z’umuturage

Abatunze imbwa baributswa gufata ingamba zo kuzirinda kuzerera ku gasozi...
10 December 2017 Yasuwe: 284 0

Mu isoko rito rya Kigarama barasaba kugabanyirizwa amafaranga bishyura ku...

Abacururiza mu isoko rito rya Kigarama ryahoze ari irya Gikondo barasaba...
8 December 2017 Yasuwe: 371 0

Karongi: Polisi yafashe batanu bakoreshaga abana imirimo ivunanye

Polisi y’u Rwanda irakangurira Abaturarwanda kwirinda gukoresha abana...
8 December 2017 Yasuwe: 318 0

J.Kagame yasabye urubyiruko gukomera ku rugamba rwo guteza igihugu...

Madam wa Perezida wa Repubulika, Jeannette Kagame arasaba urubyiruko...
7 December 2017 Yasuwe: 121 0

Ukuri ku makuru avuga ko Dr Leon Mugesera ufunze yarembye agatereranwa

Urwego rw’ igihugu rushinzwe imfungwa n’ abagororwa RCS rwanyomoje amakuru...
6 December 2017 Yasuwe: 934 0