Kigali

Rusizi: Umugabo yasambanyije abana be abangiza imyanya myibarukiro

Amakuru   Yanditswe na: Nsanzimana Ernest 2 October 2018 Yasuwe: 3414

MURWANASHYAKA Gaspard usanzwe ari umushoferi wa Taxi Voiture,utuye mu murenge wa Nzahaha mu karere ka Rusizi , abana be babiri b’abakobwa umwe w’imyaka 11 undi afite imyaka 8,bavuga ko iyo yazaga yasinze yabasambanyaga,akaba yarabitangiye nko mu mezi umunani ashize ubwo umugore we yabasigaga mu rugo akajya kubyara kwa muganga.

Aba bana bavuga ko mu gihe se yabasambanyaga, ngo yabihanangirizaga ababwira ko nibaramuka babivuze azabica.

Umwana umwe w’imyaka 11 ubyarwa n’umugore wa mbere wa Gaspard kuri ubu batandukanye,ni we wahoraga abwira mukase ko se ajya abasambanya maze uyu mugore akanga kubyemera ngo kuko yakekaga ko uyu mwana w’umukobwa yaba ari guharabika umugabo we.

Mu ijoro ryo ku cyumweru tariki ya 30 Nzeli 2018 ni bwo uyu mugore ngo yaje gufatira mu cyuho umugabo we ari gusambanya aba bana maze aramwikanga, maze uwo Gaspard ahita afata umugore we ashaka kumufungirana mu cyumba baragundagurana ari na bwo yahise atoroka nk’uko byashimangiwe n’uyu mugore mu mvugo yuje ikiniga n’agahinda dore ko yivugira ko nyuma yo gufata umugabo we asambanya abana yibyariye yabaye nk’ukubiswe n’inkuba nk’ uko TV1 yabitangaje.

Nk’ uko bigaragara ku mpapuro z’ibizamini byo kwa muganga ku kigo nderabuzima cya Islamic Bugarama aho aba bana bahise bajyanwa by’igitaraganya,bigaragaza ko aba bana bafashwe ku ngufu ndetse bakanakomeretswa mu myanya ndangagitsina, ibyo mu ndimi z’amahanga muganga yise "Violence sexuel avec urcelation genitale".

Umuvugizi w’agateganyo w’ubugenzacyaha mu Rwanda (RIB) Mbabazi Modeste yavuze ko uyu mugore yaje gutanga ikirego umugabo we yamaze gucika,gusa kuri ubu uru rwego rukaba ruri gushakisha uwo mugabo Murwanashyaka Gaspard kugira ngo ashyikirizwe ubutabera.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imodoka yavaga mu mugi yerekeza Nyabugogo yataye umuhanda igonga abantu 7...

Polisi y’ u Rwanda ishami rishinzwe wo mu muhanda yavuze ko imodoka yo mu...
11 January 2019 Yasuwe: 4903 1

Umunyamideli w’umunyarwandakazi witeguraga gukora ubukwe vuba yapfuye...

Umunyamideli wari warabigize umwuga Alexia Uwera Mupende yitabye Imana ku...
9 January 2019 Yasuwe: 4795 0

Mukangendahayo Joselyne arwaye uburwayi budasanzwe butuma aruka ibikeri,...

Mukangendahayo Joselyne, umukobwa utuye mu mudugudu wa Rusasa mu kagari ka...
31 December 2018 Yasuwe: 4976 0

Uyu mubyeyi arashinja abaganga bo mu bitaro bya Muhima kumurangarana...

Ibitaro bya Muhima mu Mujyi wa Kigali birimo gukurikirana ikibazo cy’umugore...
26 December 2018 Yasuwe: 3005 1

Musanze: Hari imiryango yaboneje urubyaro igirwaho Ingaruka n’uburyo...

Mu Karere ka Musanze mu ntara y’Amajyaruguru hari imiryango itifujwe...
22 December 2018 Yasuwe: 1316 0

Komisiyo y’Abakozi ba Leta yasabye Minisante kwirukana abakozi bayo batanze...

Mu ibaruwa yo ku italiki 5/11/2018 Komisiyo y’abakozi ba Leta yandikiye...
20 December 2018 Yasuwe: 10894 6