Kigali

Rwamagana: Abarimu n’abaturage barimo gukubitwa bazira mitiweli

Amakuru   Yanditswe na: Iyamuremye Janvier 14 December 2017 Yasuwe: 361

Benshi mu baturage batuye mu kagari ka Gishore mu murenge wa Nyakariro mu karere ka Rwamagana bataratanga umusanzu w’ubwisungane mu kwivuza baravuga ko bari gukubitwa bikomeye n’umunyamabanga nshingwabikorwa w’aka kagari.

N’ubwo ngo ari umugore uyobora aka kagari ariko ngo inkoni ye iravuza ubuhuha,uyu muturage yabwiye Radio 1 ducyesha iyi nkuru ati “Naramanutse nsanga Gitifu arimo guhondagura abantu hari kuwa kabiri ushize.Nsanga ari gukubita abantu birantangaza kweli, Umuntu niba abuze amafaranga bivuze ngo ajye akubita abantu.”’

Uyu muturage yakomeje avuga ko iyo Gitifu ari gukubita abaturage aba avuga ko bakwiye kubyara abo bashoboye kurera niba gutanga mitiweli binaniranye.

Undi muturage nawe ati “Ko yabakubise ku manywa se wumva ari nijoro?N’abarimi ndetse yarabicaje arabakubita.”

Bamwe mu baturage bavuga ko bidakwiye kugirango abaturage bakubitwe ngo n’uko nta musanzu wo kwivuza batanze.Bamwe mu bakubiswe n’uyu muyobozi bavuze ko bakubiswe inkoni batibuka neza ndetse ko uyu muyobozi yari kumwe n’umu-DASSO n’ushinzwe umutekano muri ako Kagari.

Hari n’uwavuze ko yakubiswe igikantu kigahengama.Ku murongo wa Telefone,uyu muyobozi w’aka kagari yavuze ko ahuze cyane kandi ko umunyamakuru yinjiye mu kagari ke atabimumenyesheje.

Uyu muyobozi yavuze ko aba baturage babivuga ari abamusebya ko ntacyo yabivugaho.

Umunyamabanga nshingwabikorwa w’umurenge wa Nyakariro we yavuze ko atari ubwa mbere abaturage bavuga ko bakubitwa n’uyu muyobozi ndetse ko yakiriye ikirego cy’abagabo babiri ubu bikaba bigeze mu bugenzacyaha.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble issay

    Uyumuyobozi ntakigenda wagirango ntiyageze mwishuri bafashe abantu babiriza Kukagari inzara irahabicira abantu barakubitwa Ushinzwe Umutekano wumudugudu wagishore bita yuvenari yashingishaga amaboko hasi amaguru hejuru wagirango nigihe cya genocide cyagarutse ikibabaje nuko akomeje gusebya umurenge wa nyakariro kd nubundi warusanzwe uvugwa utavugwa neza

    December 2017
  • chat_bubble mahoro jack

    Ariko ibi bintu byo gukubita umuturage bizacika ryari muri iki gihugu? Ni kimwe no kumva ko ikibaye cyose ari ugufunga! Wagirango nta bundi buryo buhari bwo kurangiza ibibazo umuturage adahohotewe. Bikwiye guhinduka pe.

    December 2017

Inzindi nkuru

Guverineri Gatabazi yagize icyo avuga ku mugore wabaye abana 3 avuye gutora...

Umuyobozi w’ Intara y’ Amajyaguru Jean Marie Vianney Gatabazi yasuye umugore...
4 September 2018 Yasuwe: 1698 1

‘Kwirinda Ebola birasaba isuku no gutanga amakuru ku gihe’ – Minisitiri...

Minisitiri w’ Ubuzima Dr Diane Gashumba yatangaje ko ku Rwanda gukumira...
7 August 2018 Yasuwe: 595 0

Umubyeyi utwite yemerewe gukomeza konsa umwana yazavuka agasangira ibere na...

Inzobere nyarwanda mu bijyanye no konsa zivuga ko umubyeyi ugize ibyago byo...
5 August 2018 Yasuwe: 1525 0

MINISANTE irizeza Abanyarwanda ko Ebola itazinjira mu Rwanda

Minisiteri y’ Ubuzima mu Rwanda MINISANTE yaburiye Abanyarwanda ko Icyorezo...
2 August 2018 Yasuwe: 248 0

Kamuzinzi, hashize imyaka 3 avumbuye agafoto yafotorewe mu nkambi...

Kamuzinzi Eric wo mu Karere ka Rusizi mu myaka itatu ishize nibwo yabonye...
1 August 2018 Yasuwe: 4018 0

MINISANTE yasubije mu kazi umuforomo wahaye umurwaza amaraso ngo age...

Minisiteri y’Ubuzima (Minisante) yasubije mu kazi umuforomo wo mu bitaro bya...
29 July 2018 Yasuwe: 4780 1