Kigali

U Rwanda rwahawe igihembo mpuzamahanga rukesha Drones zigeza amaraso ku barwayi

Amakuru   Yanditswe na: Nsanzimana Ernest 3 September 2017 Yasuwe: 901

Ambasaderi w’ u Rwanda muri Danmark yakiriye igihembo cyagenewe u Rwanda na kampani ikora drones u Rwanda rurimo kwifashisha mukugeza amaraso ku barwayi kwa muganga.

Iki gihembo kizwi nka INDEX AWARD gihambwa umuntu cyangwa sosiyete ya/wahize abandi mu guhanga udushya. Icy’ uyu mwaka (Index award 2017) ya cyatanzwe ku wa Gatanu tariki 1 Nzeli mu mujyi wa Copenhagen muri Denmark.

Mu mpera za 2016 nibwo Leta y’u Rwanda yatangije uburyo bwo gutwara amaraso ku bitaro biherereye mu duce twa kure aho byari bigoye kuyahageza n’imodoka.

Ubu buryo bwatangijwe na Perezida Paul Kagame tariki 14 Ukwakira 2016 mu Karere ka Muhanga.

Minisitiri w’Ubuzima, Dr. Diane Gashumba, yavuze ko ari iby’agaciro kuba u Rwanda ruhawe icyo gihembo kuko bigaragaza ubushake bw’u Rwanda mu gukoresha ikoranabuhanga harengerwa ubuzima.

Yagize ati “Kuba u Rwanda rwarabaye igihugu cya mbere ku isi mu gukoresha indege zitagira abapilote mu gutwara amaraso atabara indembe kwa muganga, rukaba rubonye iki gihembo ni ikimenyetso kigaragaza imbaraga n’ubushake bwinshi ubuyobozi bw’Igihugu cyacu bushyira mu guteza imbere imitangire ya serivisi hakoreshejwe ikoranabuhanga mu rwego rwo kubungabunga ubuzima bw’abanyarwanda.”

Minisitiri w’Ubuzima yongeyeho ko “gukoresha ikoranabuhanga ry’indege zitagira abapilote mu gutwara amaraso bituma ubuzima bw’Abanyarwanda barwaye bagakenera amaraso bayabona ku gihe gito cyane, akarokora ubuzima bwabo. Nta gushidikanya ko bizadufasha kugabanya imfu cyane cyane iz’abana n’ababyeyi”.

Ambasaderi w’u Rwanda muri Denmark ufite icyicaro muri Suwede, Christine Nkulikiyinka wakiriye iki gihembo, yatangaje ko ari ikimenyetso cy’agaciro ubuyobozi bw’u Rwanda buha ubuzima bw’abaturage barwo.

Yagize ati “Turashimira ubuyobozi bwacu bureba kure, buharanira ko ubuzima bwa buri munyarwanda bugomba guhabwa agaciro. Leta y’u Rwanda ikora ibishoboka byose mu kubonera ibisubizo ibibazo byose byagaragaye.”

Igihe cyatangaje ko ku cyiciro cya nyuma u Rwanda rwahatanaga n’abandi bantu 14 ariko birangira arirwo ruhembwe.

Gukoresha drones mu kugeza amaraso kwa muganga bimaze gutangizwa mu bitaro 12 mu Rwanda birimo ibya Kabgayi, Nyanza, Muhororo, Gitwe, Kirinda, Gakoma, Gikonko, Kaduha, Kabaya, Shyira, Ruhango na Ruli.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Guverineri Mufurukye yasabye gushyira imbaraga mu kurwanya inzoga...

Umuyobozi w’Intara y’Uburasirazuba Fred Mufurukye yasabye abaturage gufatanya...
21 November 2017 Yasuwe: 339 0

Bugesera: Amadorali umukobwa yibye I Kigali akoze ku muryango wose barapfa...

Mu mudugudu wa Rusenyi mu Kagari ka Nyamigina Mu murenge wa Mareba mu...
21 November 2017 Yasuwe: 5294 0

Guverineri Gatabazi yahagurukiye abenga inzoga zitemewe n’amategeko

Mu ntara y’amajyaruguru habaye inama yahuje guverineri Gatabazi JMV...
20 November 2017 Yasuwe: 190 0

Musanze: Bamaze imyaka itanu bavoma ibirohwa kubera ubuyobozi bwatinye...

Abatuye mu kagari ka Bikara mu murenge wa Nkotsi ho mu karere ka Musanze,...
17 November 2017 Yasuwe: 276 0

Rulindo: Banze gushyingura 3 batarabona uwabaroze

Abantu batatu bo mu muryango umwe bitabye Imana ku munsi w’ejo tarki ya 15...
17 November 2017 Yasuwe: 1313 0

Umujyi wa Kigali ugiye kongera ubukangurambaga ku kurwanya itabi

Umujyi wa Kigali n’abafatanyabikorwa bawo bavuga ko bagiye kongera ingufu mu...
16 November 2017 Yasuwe: 277 0