skol
Kigali
startimes

U Rwanda rwakiriye inkunga y’imashini 100 zifasha abantu guhumeka rwahawe na USA

Amakuru   Yanditswe na: Dusingizimana Remy 30 July 2020 Yasuwe: 731

U Rwanda rwakiriye inkunga ya Leta zunze Ubumwe za Amerika y’imashini 100 zifasha abarwayi guhumeka kuri uyu wa Kane tariki ya 30 Nyakanga 2020.


Izi Mashini zatanzwe na Perezida Donald Trump aziha Perezida Paul Kagame mu rwego rwo gufasha u Rwanda gukomeza guhangana n’icyorezo cya #COVID19 kimaze guhitana abantu 5 mu Rwanda.

Muri uyu muhango Leta Zunze Ubumwe za Amerika zihagarariwe na Ambasaderi Peter Vrooman na ho ku ruhande rw’u Rwanda hari Minisitiri w’Ubuzima,

Izi mashini zizwi ku izina rya Zoll Portable Critical Care zakorewe muri Leta zunze ubumwe z’Amerika zifasha abarwayi ba Covid-19 barembye guhumeka.

Kuwa 04 Mata 2020, Amerika yahaye u Rwanda inkunga ya miliyoni y’amadorali yo kurufasha guhangana na coronavirus.

Mu mpera z’uko kwezi kwa Mata nabwo hari andi makuru yatangajwe na Ambasade ya Leta zunze ubumwe za Amerika mu Rwanda, avuga ko Leta zunze ubumwe za Amerika (USA) zongeye guha u Rwanda inkunga ya miliyoni enye z’amadolari ya Amerika, hafi miliyari enye z’amafaranga y’u Rwanda, yo gufasha kurwanya icyorezo cya COVID-19.

Miliyoni eshatu z’amadolari (miliyari 2.8 z’amafaranga y’u Rwanda) yatanzwe mu buryo butaziguye n’ikigo cyo muri Amerika gishinzwe kurwanya no gukumira indwara (CDC) ashyirwa mu Kigo cy’Igihugu gishinzwe Ubuzima mu Rwanda (RBC).

Aya mafranga akoreshwa mu kongerera laboratwari ubushobozi n’umutekano, ndetse akanakoreshwa mu gutanga amahugurwa ku bajyanama b’ubuzima mu turere twose 30.

Hari kandi akabakaba miliyari y’amafaranga y’u Rwanda yatanzwe n’Abanyamerika, binyuze mu kigo cya Leta zunze ubumwe za Amerika gishinzwe iterambere mpuzamahanga (USAID), azongerwa kuri miliyoni y’amadolari y’inkunga yatanzwe mbere binyuze muri gahunda yiswe ‘Ingobyi’, yatangajwe ku ya 4 Mata 2020, ndetse akazanakoreshwa mu kwita ku mpunzi ziri mu Rwanda.

Mu myaka 20 ishize, Leta zunze ubumwe za Amerika zashoye miliyari 1.5 y’amadolari ya Amerika mu bikorwa by’ubuzima rusange mu Rwanda, ubufasha bwafashije u Rwanda kuzamura umusaruro w’ubuzima ku bibazo byinshi birimo malariya, igituntu, ndetse n’agakoko gatera SIDA.





Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Covid-19 yahitanye umuntu wa 50 mu Rwanda abandi 46 barayandura

Minisiteri y’Ubuzima yatangaje ko kuri uyu wa Gatatu tariki ya 02 Ukuboza...
2 December 2020 Yasuwe: 1272 0

Minisiteri ya siporo yatangaje ibisabwa ku bakorera imyitozo muri...

Inama y’Abaminisitiri yabereye muri Village Urugwiro yabaye kuwa Gatanu...
2 December 2020 Yasuwe: 1014 0

Abantu 14 banduye COVID-19 mu Rwanda abandi 28 barayikira

Minisiteri y’Ubuzima yatangaje ko uyu munsi tariki ya 01 Ukuboza 2020...
1 December 2020 Yasuwe: 792 0

Covid-19 yahitanye umugore w’imyaka 40 I Kigali abandi 15 barayandura

Minisiteri y’Ubuzima yatangaje ko uyu munsi tariki ya 30 Ugushyingo...
30 November 2020 Yasuwe: 1051 0

Umugore w’imyaka 25 yahitanwe na Covid-19 mu Rwanda abandi 28...

Minisiteri y’Ubuzima yatangaje ko uyu munsi tariki ya 29 Ugushyingo...
29 November 2020 Yasuwe: 1672 1

Abaganga bahembwa na Leta bemerewe gukorera ahantu harenze hamwe no mu...

Minisiteri y’Ubuzima yatangaje ko yemereye abaganga basanzwe bahembwa na...
29 November 2020 Yasuwe: 1983 0