Kigali

Umubyeyi utwite yemerewe gukomeza konsa umwana yazavuka agasangira ibere na mukuru we

Amakuru   Yanditswe na: Nsanzimana Ernest 5 August 2018 Yasuwe: 1605

Inzobere nyarwanda mu bijyanye no konsa zivuga ko umubyeyi ugize ibyago byo gusama umwana yonsaga akiri muto adakwiye kumukura ku ibere ahubwo ko aguma kumwonsa kugeza undi avutse bakaba banasangira ibere.

Ibi Dr Mucumbitsi Alex ukora mu Kigo Mbonezamikurire y’ abana na Dr Habarurema Nicodème Umukozi mu Kigo cy’ Ubuzima RBC , ushinzwe ubuzima bw’ umwana n’ umubyeyi babitangarije mu kiganiro kubaza bitera kumenya cyatambutse kuri Radiyo Rwanda kuri uyu wa 5 Kanama 2018.

Izi nzobere zagaragaje ko kuba umubyeyi asamiye ku kiriri bidakwiye gutuma ahita ahagarika konsa umwana, ko ahubwo yakomeza akamwonsa byaba na ngombwa umwana uzavuka agakomeza gusangira ibere na mukuru we.

Dr Habarurema Nicodème yagize ati “Usanga umubyeyi ahura n’ ikibazo yasamira ku kiriri abantu bakuru bakamubwira ngo nta mubyeyi wonsa atwite, bigatuma ahita akura umwana ku ibere akamwohereza kwa sekuru. Nyirakuru kubera gukunda umwana we akajya amuha kubyo ariyeho kandi atarageza igihe cyo kurya akenshi biba ari ikijumba n’ ibindi ugasanga umwana arwaye bwaki kubera kutabona indyo yuzuye”

Yakomeje agira ati “Ubushakashatsi bwagaragaje ko umubyeyi utwite ashobora gukomeza akonsa, byaba na ngombwa umwana uzavuka agasangira ibere na mukuru we. Umubyeyi apfa kuba arya indyo zifite intungamubiri ku buryo zituma abona amashereka ahagije ba bana bombi”

Uyu muganga yakomeje avuga ko hari abitwaza ko umwana wonka nyina atwite arwara impiswi bigatuma bahita bamukura ku ibere. Ibi ngo sibyo ahubwo baba bagomba gukomeza kurimuha.

Ati “Impamvu umwara wonkejwe n’ umubyeyi utwite arwara impiswi ni uko hari imisemburo y’ uwo mubyeyi iba yiyongereye kuko atwite. Iyo akomeje akonsa uwo mwana ageraho akamenyera”

Dr Habarurema na Dr Mucumbitsi bavuze ko iyo umugabo aganirije umugore we arimo konsa bituma amashereka yiyongera kuko ngo iyo umugore yigunze cyangwa ari mugahinda gakabije bituma abura amashereka.

Umubyeyi yemerewe konsa umwana atabyaye….

Izi nzobere zavuze ko igihe umubyeyi abyaye akagira ibibazo byo kutabasha konsa, umwana ashobora kurereshwa imfashabere cyangwa akaba yahabwa undi mubyeyi akamwonsa igihe muganga yapimye niba uwo mubyeyi nta ndwara adwaye ashobora kwanduriza umwana mu mashereka.

Ubushakashatsi bwagaragaje SIDA nk’ imwe mu ndwara zishobora kwandurira mu mashereka

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umushoferi wari wasinze yateje impanuka Karuruma umunyonzi n’umugenzi...

Imodoka y’ikamyo nini yo mu bwoko bwa HOWO yakoze impanuka ahagana saa 6:45...
17 October 2018 Yasuwe: 2627 0

Umugore wabyaye afite imyaka 14 araburira abakiri bato

Umubyeyi w’abana 8 ukomoka mu Murenge wa Kagogo mu Karere ka Burera, ubu...
15 October 2018 Yasuwe: 1277 1

‘Ntabwo dufora niyo mpamvu dukora ubushakashatsi’ Dr Ndimubanzi

Minisiteri y’ ubuzima yirinze gutangaza niba ifite icyizere ko...
10 October 2018 Yasuwe: 471 0

Gisagara: Ababyeyi bazirika umwana w’ imyaka ine ku ntebe si uko...

Umuryango utuye mu mudugudu wa Karugumya ,Akagali ka Kigarama, Umurenge wa...
9 October 2018 Yasuwe: 2409 0

Nyarugenge: Umubyeyi w’ umwana ufite uburwayi bw’ amayobera arasaba ubufasha...

Umubyeyi witwa Niyongere Liziki utuye murenge wa Kimisagara arasaba Leta y’...
6 October 2018 Yasuwe: 3110 2

Rusizi: Umugabo yasambanyije abana be abangiza imyanya myibarukiro

MURWANASHYAKA Gaspard usanzwe ari umushoferi wa Taxi Voiture,utuye mu...
2 October 2018 Yasuwe: 3389 0