skol
Kigali
startimes

Umubyeyi w’imyaka 76 yabaye umuntu wa 19 wahitanwe na Covid-19 mu Rwanda

Amakuru   Yanditswe na: Dusingizimana Remy 6 September 2020 Yasuwe: 2563

Kuri iki Cyumweru tariki ya 06 Nzeri 2020, hatangajwe umuntu wa 19 wishwe na COVID-19 mu Rwanda. Uwabuze ubuzima akaba ari umubyeyi w’imyaka 76 wo mu Mujyi wa Kigali.


MINISANTE yatangaje kandi ko mu bipimo 3,481 byafashwe uyu munsi,habonetse abarwayi bashya 25 ba Covid-19 barimo ab’I Kigali 16 (bapimwe mu bibasiwe kurusha abandi), Rusizi:4, Rubavu:3, Rwamagana:1, Kirehe:1.Abamaze kwandura bose ni 4,374.

Uyu munsi kandi hakize abantu bashya 36 bituma umubare w’abamaze gukira iki cyorezo bose uba 2,235, abakirwaye ni 2,120.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Abahanga muri siyansi bo mu Burusiya batangaje raporo ya mbere ku rukingo rwabo rwa coronavirus, bavuga ko amagerageza y’ibanze agaragaza ko rutuma ubwirinzi bw’umubiri bukanguka.

Raporo yabo yasohotse mu kinyamakuru cy’ubushakashatsi mu buvuzi cya The Lancet.

Ivuga ko buri muntu wakoreweho ubwo bushakashatsi yagize abasirikare b’umubiri bo kurwanya iyo virusi kandi ko nta ngaruka zikomeye rwagize ku baruhawe.

Kugira ngo ubushakashatsi busohoke mu binyamakuru (journals) nk’icyo, bubanza kugenzurwa n’abandi bahanga bo muri urwo rwego (peer-reviewed).

Mu kwezi gushize kwa munani, leta y’Uburusiya yahaye uruhushya urwo rukingo ngo rukoreshwe imbere mu gihugu.

Uburusiya bwabaye igihugu cya mbere gitanze urwo ruhushya ku rukingo rwa coronavirus, mbere yuko uko rwakozwe bitangazwa.

Inzobere zivuga ko abageragerejweho urwo rukingo rw’Uburusiya ari bacye cyane kuburyo bitagaragaza niba ari ingirakamaro kandi niba nta kibazo rwateza ku buzima.

Ariko ubutegetsi bw’Uburusiya bwashimagije ibyatangajwe muri iyo raporo y’ubushakashatsi, buvuga ko ari igisubizo ku bahinyura (banenga) urukingo rw’Uburusiya.

Bamwe mu nzobere z’i Burayi n’Amerika bagaragaje impungenge ku muvuduko w’ubwo bushakashatsi bw’urukingo rw’Uburusiya, bavuga ko abashakashatsi b’Uburusiya bashobora kuba barimo gusimbuka ibyiciro by’ingenzi.

Mu kwezi gushize kwa munani, Perezida Vladimir Putin w’Uburusiya yavuze ko urwo rukingo rwanyuze mu nzira zose z’igenzurwa zisabwa ndetse ko umwe mu bakobwa be na we yahawe urwo rukingo.

Iyo raporo ivuga iki?

Amagerageza abiri y’urwo rukingo rwitwa Sputnik-V, yakozwe hagati y’ukwezi kwa gatandatu n’ukwezi kwa karindwi uyu mwaka, nkuko ikinyamakuru cy’ubushakashatsi mu buvuzi The Lancet cyabitangaje.

Buri gerageza rwakorewe ku bantu 38 batarwaye, bemeye ku bushake ko barugeragerezwaho.

Buri muntu ahabwa doze (dose) y’urwo rukingo, nuko nyuma y’ibyumweru bitatu yongerwa indi doze yarwo yo gushimangira doze ya mbere.

Abo baruhawe - bafite hagati y’imyaka 18 na 60 y’amavuko - bagenzuwe mu gihe cy’iminsi 42. Bose bagize abasirikare b’umubiri mu gihe cy’ibyumweru bitatu.

Zimwe mu ngaruka zihuriweho cyane urwo rukingo rwabagizeho, ni ukurwara umutwe no kubabara mu ngingo.

Abo bahawe urwo rukingo ntabwo baruhawe mu buryo bwo gutomboza (random), bivuze ko nta buryo bwa ’placebo’ (bw’umuti utari nyakuri) bwakoreshejwe, ndetse abo bose bari babizi neza ko barimo guhabwa urukingo.

Iyo raporo y’ubushakashatsi igira iti:

"Amagerageza manini, amara igihe kirekire arimo no kugereranya ’placebo’, ndetse n’ukundi kugenzura biracyenewe kugira ngo hagaragare ko nta kibazo ruteza mu gihe kirekire kandi ko ari ingirakamaro mu kurinda ubwandu bwa Covid-19".

Icyiciro cya gatatu cy’amagerageza kizakorerwa ku bantu 40,000 babyemeye ku bushake "bo mu byiciro bitandukanye by’imyaka kandi bo mu matsinda atandukanye afite ibyago byo kwandura", nkuko ikinyamakuru The Lancet cyabitangaje.

Urukingo rw’Uburusiya rukoresha amoko ya virusi ya ’adenovirus’ - virusi ubusanzwe itera ibicurane - agafasha gukangura ubwirinzi bw’umubiri.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 72 banduye Covid-19 mu Rwanda abandi 28 barayikira

Minisiteri y’Ubuzima yatangaje ko uyu munsi tariki ya 26 Ugushyingo 2020,...
26 November 2020 Yasuwe: 1098 0

Abantu 76 bakize Covid-19 mu Rwanda abandi 29 barayandura

Minisiteri y’Ubuzima yatangaje ko uyu munsi tariki ya 25 Ugushyingo 2020,...
25 November 2020 Yasuwe: 1177 0

Inyubako zizatuzwamo abari batuye muri Bannyahe ziri mu Busanza zamaze...

Inyubako za mbere zizatuzwamo abantu ba mbere mu batuye mu midugudu igize...
25 November 2020 Yasuwe: 2773 0

Abantu 44 bakize Covid-19 mu Rwanda abandi 24 barayandura

Minisiteri y’Ubuzima yatangaje ko uyu munsi tariki ya 24 Ugushyingo 2020,...
24 November 2020 Yasuwe: 1098 0

Perezida Kagame yakiriye Irage yahawe n’umubyeyi w’Intwaza uherutse...

Kuri uyu wa Kabiri tariki 24 Ugushyingo 2020, nibwo Umuyobozi w’Umuryango...
24 November 2020 Yasuwe: 2680 0

RBC igiye gutangira gupima COVID-19 ikoresheje imbwa

Ikigo cy’Igihugu cyita ku Buzima (RBC) gitangaza ko mu kwezi kumwe kizaba...
24 November 2020 Yasuwe: 766 0