skol
Kigali
startimes

Umugabo wo mu mujyi wa Kigali yabaye umuntu wa 06 wahitanwe na Coronavirus mu Rwanda

Amakuru   Yanditswe na: Dusingizimana Remy 8 August 2020 Yasuwe: 3480

Minisiteri y’Ubuzima yatangaje ko kuri uyu waa Gatandatu tariki ya 08 Kanama 2020 umuntu wa 06 yahitanwe na Coronavirus mu Rwanda mu gihe abantu 6 bose bo mu mujyi wa Kigali banduye Coronavirus bahuye n’abanduye.


Abamaze kwandura Coronavirus mu Rwanda bose ni 2,134.Uyu munsi kandi hakize abantu 3 bituma umubare w’abantu bamaze gukira bose baba 1,300.Abakirwaye ni 828.Abamaze gupfa ni 6.

MINISANTE yatangaje ko uyu muntu wapfuye yari umugabo w’imyaka 51 wari utuye i Kigali.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Nubwo umubare w’abandura Covid-19 ku mugabane wa Afurika ugenda wiyongera umunsi ku munsi, Ikigo Nyafurika gishinzwe kurwanya no gukumira indwara, Africa CDC kigaragaza ko umubare w’ibipimo bifatwa kuri uyu mugabane ukiri hasi dore ko ibihugu 10 byonyine birimo n’u Rwanda byihariye 80% by’abanyafurika bose bapimwe covid-19.

Africa CDC ivuga ko mu baturage ba Afurika barenga miliyari, abamaze gupimwa Covid-19 ari miliyoni icyenda gusa, kandi nabo biganje mu bihugu bike birimo u Rwanda rwamaze gufata ibipimo 289,153 byasize byemeje ko abagera ku 2128 banduye Covid-19, Afurika y’Epfo, Nigeria, Ghana, Maroc, kenya, Ethiopia, Uganda, Ibirwa bya Maurice na Misiri.

Kuba ubushobozi bwo gupima abantu benshi bukiri hasi, nibyo uyu muryango uheraho uvuga ko n’umubare w’abanduye iki cyorezo muri Afurika ushobora kuba urenga uwo ubuyobozi butangaza.

Impamvu iki kigo gitangaza zituma ibipimo bikiri hasi ku mugabane wa Afurika harimo ubukene bwa guverinoma zimwe na zimwe, ibibazo by’umutekano muke ndetse na zimwe muri guverinoma z’ibihugu zinangira zikanga kwishyira ku karubanda.

Africa CDC itangaje ibijyanye n’umubare w’ibipimo bito bifatwa muri Afurika, mu gihe hashize iminsi mike umubare w’abanduye icyorezo cya Covid-19 muri Afurika urenze miliyoni imwe naho abo imaze guhitana bo bakaba bari hejuru y’ibihumbi 21.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyamasheke: Umugore yahawe inka nyuma yo gushyira mu kato umugabo we...

Ubuyobozi bw’ Akarere ka Nyamasheke bwashyikirije umuryango wa Habarugira...
23 September 2020 Yasuwe: 3005 0

Abantu 16 banduye Coronavirus mu Rwanda abandi 18 barayikira

Minisiteri y’ubuzima yatangaje ko uyu munsi tariki ya 22 Nzeri 2020,abantu...
22 September 2020 Yasuwe: 879 0

Komisiyo y’Uburenganzira bwa muntu yasuye Rusesabagina aho afungiye...

Komisiyo y’Igihugu y’Uburenganzira bwa Muntu yatangaje ko yasuye Bwana Paul...
22 September 2020 Yasuwe: 11155 0

Umugabo w’imyaka 58 yabaye umuntu wa 27 wishwe na Covid-19 mu...

Kuri uyu Mbere tariki ya 21 Nzeri 2020, Minisiteri y’Ubuzima yatangaje ko...
21 September 2020 Yasuwe: 1800 0

Abantu 51 bakize Coronavirus mu Rwanda mu gihe abandi 21 bayanduye

Minisiteri y’Ubuzima yatangaje ko uyu munsi tariki ya 20 Nzeri 2020,mu...
20 September 2020 Yasuwe: 1364 1

Umunyarwandakazi w’imyaka 26 yabaye umuntu wa 26 uhitanywe na Covid-19 mu...

Kuri uyu Gatandatu tariki ya 19 Nzeri 2020, Minisiteri y’Ubuzima yatangaje...
19 September 2020 Yasuwe: 4067 1