skol
Kigali
startimes

Umugore w’imyaka 70 yahitanywe na COVID-19 mu Rwanda abandi 85 barayandura

Amakuru   Yanditswe na: Dusingizimana Remy 15 December 2020 Yasuwe: 4302

Minisiteri y’Ubuzima yatangaje ko uyu munsi tariki ya 15 Ukuboza 2020,Covid-19 yahitanye umugore w’imyaka 70 wo mu karere ka Rubavu aba uwa 57 uhitanwe n’iki cyorezo mu Rwanda.


MINISANTE yavuze ko abantu 85 basanzwemo ubwandu bwa COVID-19 mu bipimo 2,294 byafashwe, mu gihe abandi 40 bayikize mu masaha 24 yashize.

Abanduye basanzwe I Kigali: 30 (Abagenzi binjira mu gihugu, bahise bashyirwa mu kato), Musanze: 39 (Itsinda ry’abibasiwe kurusha abandi), Rubavu: 8, Karongi: 3, Rusizi: 3, Ruhango: 1, Huye: 1.

Kuva ku wa 14 Werurwe 2020 ubwo umurwayi wa mbere yabonekaga mu Rwanda hamaze gufatwa ibipimo bya Coronavirus 673,517, byasanzwemo 6,832 banduye.

Abantu 6,036 bamaze gukira covid-19 ndetse barasezerewe nyuma yo gupimwa bagasangwa nta bwandu bagifite mu mibiri yabo mu gihe 739 bakiri kwitabwaho.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Minisiteri y’Ubuzima yatangaje ko hari abaganga bo mu bitaro by’Akarere ka Musanze banduye Covid-19, isaba abari muri uyu mwuga bose kwitwararika bubahiriza amabwiriza yashyizweho ari nako barinda abarwayi babagana.

Mu kiganiro Minisitiri w’Ubuzima, Dr Daniel Ngamije, yagiranye na Radio Rwanda yavuze ko mu mibare y’abandura Covid-19 ikomeje kwiyongera mu Rwanda harimo n’iy’abaganga.

Ati “Tugenda tubona hamwe na hamwe abaganga n’abaforomo banduye Covid-19 ariko si benshi cyane uko bigaragara ugereranyije n’uko byigeze kuba bimeze muri Kanama.”

“Ni mu bitaro bimwe na bimwe nk’ibya Musanze, muri rusange basa n’aho badohoye muri gahunda zo kwirinda.”

Yakomeje avuga ko abakozi bo kwa muganga bahawe amabwiriza yongera kubasaba kurushaho kwirinda Covid-19. Ati “ Bahawe amabwiriza abasaba kurushaho kwirinda Covid-19 kuko bafite ibikoresho byo kwirinda […] ayo mabwiriza yose nibayubahirize bajye bamenya ko umuntu ubagannye kwa muganga ashobora kuba arwaye bamwakire neza ariko bazi ko bagomba kwirinda ko yabanduza cyangwa niba nabo banduye ko bamwanduza.”

Minisitiri Dr Ngamije yavuze ko ubu abakozi bo kwa muganga bahawe ibikoresho bishobora kubafasha kwipima Covid-19.

Umujyi wa Musanze ni umwe mu ho inzego z’ubuzima zagaragaje cyane nk’ahibasiwe n’iki cyorezo, aho ubwandu buri ku kigero cya 13%. Ibi byatumye Inama y’Abaminisitiri yateranye ejo hashize iwuha umwihariko ishyiraho ingamba zihariye zigomba kuwugenga.

Mu ngamba zihariye zafatiwe Umujyi wa Musanze harimo ko ingendo zibujijwe guhera saa moya z’ijoro kugeza saa kumi za mu gitondo mu gihe ahandi zibujijwe guhera saa mbiri z’ijoro, harimo kandi ko inama zibujijwe mu gihe cy’ibyumweru bitatu uhereye ku itariki ya 15 Ukuboza 2020.

Izi ngamba zigena kandi ko muri uyu mujyi imihango yo gushyingura itagomba kurenza abantu 30 mu gihe mu bindi bice by’igihugu ari 50.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Benjamin

    Muraho! Pfizer and BioNTech ntabwo urukingo se? Ko nabonye muvuga ngo nta muti nta n’urukingo?
    Mudusobanurire kandi murakoze turabakunda cyaneee!

    1 month ago

Inzindi nkuru

Abantu 5 bahitanwe na Covid-19 mu Rwanda abandi 194 barayandura

Minisiteri y’Ubuzima yatangaje ko uyu munsi tariki ya 14 Mutarama...
14 January 2021 Yasuwe: 4273 0

U Rwanda rufite ibyuma bifite ubushobozi bwo gukonjesha inkingo zose za...

Ikigo cy’Igihugu cy’Ubuzima (RBC) kivuga ko kugeza ubu u Rwanda rufite ibyuma...
14 January 2021 Yasuwe: 3275 0

Abanduye Covid-19 mu Rwanda bamaze kurenga ibihumbi 10,ihitana...

Minisiteri y’Ubuzima yatangaje ko uyu munsi tariki ya 13 Mutarama...
13 January 2021 Yasuwe: 4028 0

Padiri Twagirumukiza wayoboye College Christ Roi y’i Nyanza yahitanwe na...

Padiri Twagirumukiza Herménégilde uri mu bagize uruhare mu gushinga ishuri...
13 January 2021 Yasuwe: 4788 0

Umugabo w’imyaka 55 yabaye umuntu 125 uhitanwe na Covid-19 mu Rwanda, 166...

Minisiteri y’Ubuzima yatangaje ko uyu munsi tariki ya 12 Mutarama...
12 January 2021 Yasuwe: 4194 0

Abantu 4 bahitanwe na Covid-19 mu Rwanda abandi 154 barayandura

Minisiteri y’Ubuzima yatangaje ko uyu munsi tariki ya 11 Mutarama...
11 January 2021 Yasuwe: 4295 0