skol
Kigali
startimes

Umujyi wa Kamembe uri kugaragaramo abarwayi ba COVID-19 benshi wasubijwe muri gahunda ya #Guma mu rugo

Amakuru   Yanditswe na: Dusingizimana Remy 4 June 2020 Yasuwe: 2402

Minisiteri y’Ubutegetsi bw’igihugu yamaze gutangaza ko umujyi wa kamembe wasubijwe muri gahunda ya Guma mu rugo kubera umubare w’abanduye Coronavirus ukomeje kuhaboneka.


Nyuma y’aho ku munsi w’ejo mu karere ka Rusizi, habonetse abantu 13 biyongera ku bandi benshi bari babonetse guhera ku cyumweru gishize,MINALOC yasohoye itangazo ribuza abaturage kuva mu rugo mu rwego rwo kubarinda Coronavirus.

Iryo tangazo ryasinyweho na Minisitiri,Prof.Shyaka Anastase, rigira riti “ Guhera uyu munsi, Umujyi wa Kamembe, niukuvuga Imirenge ya Kamembe, Nyakarenzo,Mururu n’igice cya Gihundwe, ushyizwe muri gahunda ya Guma Mu Rugo (lockdown) izamara nibura ibyumweru 2.”

Ku cyumweru tariki ya 31 Gicurasi 2020,Minisiteri y’ubuzima yatangaje ko mu karere ka Rusizi habonetse abantu batanu banduye Coronavirus,bituma hafatwa umwanzuro wo gusubika gahunda yo gufungura ingendo zihuza intara n’umujyi wa Kigali no gutwara abantu kuri moto.

Imyanzuro y’Inama y’abaminisitiri yateranye kuwa 02 Kamena 2020,yemeje ko ingendo zihuza intara zose n’umujyi wa Kigali no gutwara abantu kuri moto bisubukuwe uretse mu karere ka Rusizi na Rubavu.

Nyuma y’abantu 5 basanganwe Coronavirus mu karere ka Rusizi ku cyumweru,inzego z’ubuzima zahise zijya gushakisha abantu bahuye nabo ndetse mu minsi yakurikiyeho habonetse n’abandi banduye iki cyorezo bashyirwa mu kato.

Abaturage benshi bo mu mujyi wa Kamembe bagize ubwoba ubwo bamenyaga ko habonetse abanduye Coronavirus, basaba ko inzego z’umutekano zahagurukira ikibazo cy’abajya muri Repubulika iharanira Demokarasi ya Congo baciye mu nzira zitemewe.

Abatuye mu mujyi wa Rusizi batangaje ko nyuma y’abantu 5 bagaragaye bwa mbere i Kamembe,byabateye kwitwararika amabwiriza yo kwirinda iki cyorezo ndetse ngo buri wese agiye kuba ijisho rya mugenzi we bamagane ibigare by’abantu bakunze kubona ijoro rije bagatangira gukora ibikundi byo kuganira.

Ingendo ziva n’izerekeza mu Karere ka Rusizi na Rubavu zarahagaritswe mu rwego rwo kwirinda ko icyorezo cya Coronavirus cyakwirakwira.

ITANGAZO MINALOC YASHYIZE HANZE:


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble alias

    Iki kinyagwa ko cyasaze cyasizoye. Mana tabara abawe.

    3 months ago

Inzindi nkuru

Umunyarwandakazi w’imyaka 26 yabaye umuntu wa 26 uhitanywe na Covid-19 mu...

Kuri uyu Gatandatu tariki ya 19 Nzeri 2020, Minisiteri y’Ubuzima yatangaje...
19 September 2020 Yasuwe: 2898 1

Tuyisenge w’imyaka 23 yishe umugore we Claudine w’imyaka 32 bapfa...

Mu Mudugudu wa Mikingo, Akagari ka Mudakama, Umurenge wa Gataraga mu Karere...
19 September 2020 Yasuwe: 4993 0

Abandi bantu 2 bahitanwe na Covid-19 mu Rwanda handura abandi...

Kuri uyu Gatanu tariki ya 18 Nzeri 2020, Minisiteri y’Ubuzima yatangaje ko...
18 September 2020 Yasuwe: 2129 0

Umugabo w’imyaka 48 yabaye umuntu wa 23 Covid-19 yahitanye mu...

Kuri uyu Kane tariki ya 17 Nzeri 2020, Minisiteri y’Ubuzima yatangaje ko I...
17 September 2020 Yasuwe: 2270 0

Abantu 150,000 bamaze kwemererwa gukuramo inda mu Rwanda kuva muri...

Imiryango iharanira uburenganzira bwa muntu mu Rwanda ivuga ko kuva itegeko...
17 September 2020 Yasuwe: 1273 1

Habonetse abantu 10 banduye COVID-19 mu Rwanda hakira abandi...

Minisiteri y’Ubuzima yatangaje ko uyu munsi tariki ya 16 Nzeri 2020,mu...
16 September 2020 Yasuwe: 1243 0