skol
Kigali
startimes

Umujyi wa Kigali wahagaritse amasoko 2 yagaragayemo abarwayi benshi ba COVID-19

Amakuru   Yanditswe na: Dusingizimana Remy 16 August 2020 Yasuwe: 1990

Umujyi wa Kigali watangaje ko guhera kuri uyu wa Mbere tariki 17 Kanama 2020, amasoko abiri yo mu Mujyi wa Kigali agiye gufungwa mu gihe cy’iminsi 7 kubera kwirinda ikwirakwira rya COVID-19.


Ayo masoko yafunzwe n’irya Nyarugenge n’iryo kwa Mutangana i Nyabugogo yagaragayemo abarwayi benshi cyane ba Coronavirus uyu munsi ndetse no mu minsi 2 itambutse.MINISANTE yavuze ko abantu 80 babonetse i Kigali kuri uyuiki cyumweru biganjemo abo mu isoko rya Nyabugogo.

Umujyi wa Kigali wavuze ko abacuruza ibyokurya muri iri soko ryo kwa mutangana bari bumenyeshwe aho bari bwimurire ibikorwa byabo ndetse uvuga ko abacuruza ibintu bishobora kwangirika bari buhabwe igihe cyo kwimura ibicuruzwa byabo gusa kubyimura bizakorwa hakurikijwe amabwiriza yo kwirinda Covid-19.

Ubwo yari mu kiganiro Ishusho y’Icyumweru kuri RBA,Minisitiri w’Ubuzima,Dr.Ngamije Daniel yavuze ko mu barwayi babonetse mu minsi 2 ishize higanjemo abo muri aya masoko 2 yahagaritswe.

Yagize ati “Bose twagiye tubasanga ahantu habiri, mu isoko ry’Umujyi wa Kigali hariya Kigali City Market ndetse no ku isoko bakunda kwita kwa Mutangana ku bantu bacururizamo imbere na hariya hanze. Hari na bake twagiye tubona mu bigo bitandukanye, muri za minisiteri ariko nibura aho habiri muri iki cyumweru gishize niho hagaragaye abarwayi benshi.”

Nubwo serivisi nyinshi zafunguwe, abanyarwanda barasabwa kutirara ngo bumve ko icyorezo cyarangiye.

Bagirwa inama yo gukomeza kubahiriza amabwiriza yashyizweho mu kwirinda Coronavirus arimo kwambara agapfukamunwa buri gihe bavuye mu ngo, gukaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi, ndetse by’umwihariko uwiyumvamo ibimenyetso by’iki cyorezo birimo inkorora, guhumeka nabi, gucika intege n’ibindi, agahamagara umurongo utishyurwa wa 114 kugira ngo ahabwe ubufasha n’abaganga.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tuyisenge w’imyaka 23 yishe umugore we Claudine w’imyaka 32 bapfa...

Mu Mudugudu wa Mikingo, Akagari ka Mudakama, Umurenge wa Gataraga mu Karere...
19 September 2020 Yasuwe: 2506 0

Abandi bantu 2 bahitanwe na Covid-19 mu Rwanda handura abandi...

Kuri uyu Gatanu tariki ya 18 Nzeri 2020, Minisiteri y’Ubuzima yatangaje ko...
18 September 2020 Yasuwe: 2044 0

Umugabo w’imyaka 48 yabaye umuntu wa 23 Covid-19 yahitanye mu...

Kuri uyu Kane tariki ya 17 Nzeri 2020, Minisiteri y’Ubuzima yatangaje ko I...
17 September 2020 Yasuwe: 2241 0

Abantu 150,000 bamaze kwemererwa gukuramo inda mu Rwanda kuva muri...

Imiryango iharanira uburenganzira bwa muntu mu Rwanda ivuga ko kuva itegeko...
17 September 2020 Yasuwe: 1202 1

Habonetse abantu 10 banduye COVID-19 mu Rwanda hakira abandi...

Minisiteri y’Ubuzima yatangaje ko uyu munsi tariki ya 16 Nzeri 2020,mu...
16 September 2020 Yasuwe: 1235 0

IFOTO Y’UMUNSI:Perezida Kagame yagaragaye ateruranye ubwuzu bwinshi...

Nyakubahwa Perezida wa Repubulika,Paul Kagame,yashyize hanze ifoto ateruye...
16 September 2020 Yasuwe: 3555 1