skol
Kigali
startimes

Umuntu wa 17 yahitanywe na COVID-19 mu Rwanda abandi 76 barayandura

Amakuru   Yanditswe na: Dusingizimana Remy 2 September 2020 Yasuwe: 2222

Minisiteri y’Ubuzima yatangaje ko umubyeyi w’imyaka 71 wo mu karere ka Rusizi yabaye umuntu wa 17 wahitanwe na Covid-19 mu Rwanda.

Iyi Minisiteri yanatangaje ko mu bipimo 5,792 byafashwe uyu munsi habonetsemo abantu 76 bashya banduye iki cyorezo gikomeje koreka isi yose.

Abanduye barimo ab’I Kigali 47 (abahuye n’abanduye, Rusizi:21 (abanduye mu bibasiwe kurusha abandi) Gisagara:4, Rubavu:3, Huye:1 .

Kuva Covid-19 yagera mu Rwanda kuwa 14 Werurwe 2020,abamaze kuyandura bose ni 4218.

Uyu munsi kandi hakize abantu bashya 27 bituma umubare w’abamaze gukira iki cyorezo bose uba 2,071.Abakirwaye ni 2,130.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Umuntu wigeze kurwara Coronavirus, afite amahirwe menshi yo kutongera kuyirwara, kuko umubiri we wubaka ubudahangarwa burwanya agakoko gatera Covid-19, ku buryo ashobora kuyigiraho ubudahangarwa.

Ni ubushakashatsi bwakozwe na deCode Genetics, laboratwari yo mu gihugu cya Iceland. Kari Stefansson, umuyobozi wayo, yavuze ko ibi bishobora kuba bifite icyo bisobanuye ku nkingo ziri gukorwa hirya no hino ndetse ko n’ubwirinzi bwa muntu nyuma yo kwandura Coronavirus.

Ni ubushakashatsi bwakorewe ku bantu 30 000. Muri bo, 56% bapimwe Coronavirus, abandi 14% ntibapimwa ariko bishyira mu kato nyuma yo guhura n’abantu banduye Coronavirus, mu gihe abandi 30% basigaye byagaragaye ko bigeze kurwara Coronavirus nyuma yo gupimwa abasirikari b’umubiri wabo.

Mu bantu 1 215 basanzwemo Coronavirus, 91% bagaragaje ko umubiri wabo wubatse ubudahangarwa bwo guhangana na Coronavirus mu mezi abiri nyuma yo kwandura, biza gukomeza gutyo kugera ku mezi ane yakurikiyeho.

Ibi bisobanuye ko hari amahirwe menshi y’uko umuntu wigeze kwandura Coronavirus, adashobora kongera kuyandura mu buryo bworoshye.

Aba bashakashatsi ariko bavuga ko aya makuru akwiye kwitonderwa, kuko yakorewe ku bantu bo mu gace kamwe, bityo ko atashingirwaho no ku bantu batuye mu bice by’Isi bihuza abantu b’amoko atandukanye.

Ni ubushakashatsi bwanyuze mu kinyamakuru The England Journal of Medicine kuri uyu wa kabiri.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Habineza François yishwe atemaguwe n’umugore we afatanyije n’abakobwa be...

Mu gitondo cyo kuri uyu Gatatu tariki ya 23 Nzeri 2020, umugabo witwa...
24 September 2020 Yasuwe: 1169 0

Abantu 41 banduye Covid-19 mu Rwanda barimo abashoferi bambukiranya...

Minisiteri y’ubuzima yatangaje ko uyu munsi tariki ya 23 Nzeri 2020,abantu...
23 September 2020 Yasuwe: 1469 1

Nyamasheke: Umugore yahawe inka nyuma yo gushyira mu kato umugabo we...

Ubuyobozi bw’ Akarere ka Nyamasheke bwashyikirije umuryango wa Habarugira...
23 September 2020 Yasuwe: 4165 0

Abantu 16 banduye Coronavirus mu Rwanda abandi 18 barayikira

Minisiteri y’ubuzima yatangaje ko uyu munsi tariki ya 22 Nzeri 2020,abantu...
22 September 2020 Yasuwe: 886 0

Komisiyo y’Uburenganzira bwa muntu yasuye Rusesabagina aho afungiye...

Komisiyo y’Igihugu y’Uburenganzira bwa Muntu yatangaje ko yasuye Bwana Paul...
22 September 2020 Yasuwe: 11888 0

Umugabo w’imyaka 58 yabaye umuntu wa 27 wishwe na Covid-19 mu...

Kuri uyu Mbere tariki ya 21 Nzeri 2020, Minisiteri y’Ubuzima yatangaje ko...
21 September 2020 Yasuwe: 1806 0