skol
fortebet

Umunyarwandakazi w’imyaka 26 yabaye umuntu wa 26 uhitanywe na Covid-19 mu Rwanda

Yanditswe: Saturday 19, Sep 2020

featured-image

Sponsored Ad

skol

Kuri uyu Gatandatu tariki ya 19 Nzeri 2020, Minisiteri y’Ubuzima yatangaje ko Umunyarwandakazi w’imyaka 26 yahitanwe na Covid-19 I Kigali.Abantu 26 nibo bamaze guhitanwa na Covid-19 mu Rwanda.

Sponsored Ad

Abandi bantu 18 barimo ab’I Kigali:14 na Nyamagabe: 4 basanzwemo iyi ndwara mu bipimo 2,272 byafashwe, bituma umubare w’abamaze kwandura uba 4,689.

Uyu munsi kandi hakize abantu bashya 65 bituma umubare w’abamaze gukira iki cyorezo bose uba 2,10, abakirwaye ni 1,753.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Hagendewe ku bushakashatsi bwakorewe ku bana bato, abashakashatsi bo muri Brésil bagaragaje ko icyorezo cya Coronavirus gifite ubushobozi bucye cyane bwo gukwirakwira mu bice bigize ubwonko bwa muntu.

Mu bushakashatsi bwayobowe na Stevens Rehen, umuhanga mu bumenyamuntu, bwagaragaje ko n’ubwo Coronavirus idashobora gukwirakwira mu bwonko ngo ibwangize, ifite ubushobozi bwo gutera ubundi burwayi kuko ituma umubiri ukora ubudahangarwa bukabije, bukaba bushobora kwangiza uturemangingo tw’ubwonko.

Ubu bushakashatsi bwakorewe ku mwana w’umwaka umwe witabye Imana azize Coronavirus, bikaza kugaragara ko mu bwonko bwe harimo virus nke cyane, byerekana ko idashobora gukorera mu bwonko. Ibi ni byo byatumye aba bashakashatsi batanga umwanzuro ko Covid-19, idafite ubushobozi bwo gukwirakwira mu bwonko.

Icyakora, Covid-19 izwiho kuba ifitanye isano n’uturemangingo tw’ubwonko tuzwi nka ‘neuron’, nk’uko byagaragaye mu barwayi bayanduye bari hagati ya 30% na 60%. Ibi ni byo bituma umuntu wayirwaye atakaza ubushobozi bwo guhumurirwa, kumva uburyohe, ububabare bw’ubushye ndetse no kumva muri rusange.

Haracyari ugushidikanya ku ngaruka za Coronavirus ku bwonko, kuko nk’abashakashatsi bo muri kaminuza ya Yale yo muri Amerika bigeze kuvuga ko basanze Coronavirus ishobora kororokera mu bwonko, mu gihe hari abandi babihakana.

Ibitekerezo

  • Nonese iyi mibare y’abamaze gukira niyo?

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa