Kigali
startimes

Umuryango “Umwana ku Isonga” ntiwemera ibyo guhanisha umwana inkoni

Amakuru   Yanditswe na: Dusingizimana Remy 13 March 2020 Yasuwe: 662

Umuryango nyarwanda [coalition] utari uwa Leta “Umwana ku isonga” uharanira uburenganzira bw’umwana, uranenga ababyeyi bagiha ibihano bibabaza umubiri n’umutima abana babo birimo kubakubita n’ibindi.



Mu kiganiro umuhuzabikorwa wa Coalition Umwana ku Isonga, Maximilien Ruzigana yahaye abanyamakuru bari bitabiriye amahugurwa ku mategeko arengera uburenganzira bw’umwana,yavuze ko uyu muryango wabo utemera ibyerekeye guhanisha umwana kumukubita.

Yagize ati “Twebwe nka coalition Umwana ku Isonga ntitwemera igihano cyo gukubita umwana kuko sibyo gituma areka gukora amakosa.Inkoni ivuna igufa ntabwo ivura ingeso.”

Ruzigana yavuze ko umwana uhanishwa inkoni atubaha umubyeyi ahubwo amutinya mu gihe uganirijwe akerekwa amakosa ye adahawe ibihano bibabaza umubiri agirira icyizere ababyeyi be.

Ruzigana yavuze ko nubwo hari impinduka zagiye ziba mu rwego rwa politiki n’amategeko mu kwita ku burenganzira bw’umwana,ariko hakiri ingorane mu ishyirwa mu bikorwa ry’amategeko ahana abahonyora uburenganzira bw’umwana.

Yagize ati “Abafatanyabikorwa ba politiki irengera uburenganzira bw’umwana, n’ababyeyi ni n’abanyarwanda muri rusange.Abantu bamwe kubera imico,ibyo bakuriyemo hari benshi bataragera ku rwego rwo kumva ko umwana ari umuntu w’agaciro ngo bumve ko uwo mwana tubona ari muto,ikigero cy’imyaka cyose arimo ariwe muturage w’ejo hazaza.”

Uyu muyobozi yavuze ko kubyara ari kimwe no kurera ari ikindi ariyo mpamvu umwana akwiriye kwitabwaho agahabwa ibyo akeneye biri mu burenganzira bwe.

Jean Claude Niwe Rukundo ukora muri Komisiyo y’igihugu y’uburenganzira bwa muntu yabwiye abanyamakuru ko benshi mu bana batazi uburenganzira bwabo n’amategeko abarengera ariyo mpamvu hakenewe ubukangurambaga bwo kubafasha bakabusobanukirwa.

Niwe Rukundo yavuze ko ababyeyi bagomba gushishoza ku byerekeye ibyo bakorera abana babo kugira ngo batabangamira uburenganzira bwabo aho yanagarutse kuri bamwe babaha amazina abatera ipfunwe yemeza ko ibyo ari iyicarubozo.

Uburenganzira bw’umwana bushingiye ku bintu bine:

- Ibyo akorewe byose bigomba kuba ariwe bifitiye akamaro,

- Umwana agomba kubaho kandi agakorerwa ibituma atera imbere,

- Umwana ntagomba kurobanurwa

- Umwana agomba kugira uruhare mu bimukorerwa.

Mu mategeko, umwana n’umuntu wese utarageza ku myaka 18 y’amavuko.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Innocent

    Nibakomeze bice u Rwanda ngo ni za macoalition! Ubwo nabo bihangiye imirimo. Na bibiliya irabivuga kandi burya ngo urusha nyina w ’umwana imbabazi aba ashaka kumurya. Ninde wababeshye ko uhana umwana wawe umwanze?

    3 months ago

Inzindi nkuru

Covid-19: Habonetse abarwayi 08 n’abakize 08 mu Rwanda

Kuri uyu wa Mbere tariki ya 06 Nyakanga 2020, mu Rwanda habonetse abantu 08...
6 July 2020 Yasuwe: 990 0

Izindi Kaminuza 2 zambuwe uburenganzira bwo gukorera mu Rwanda

Kaminuza ya Christian University of Rwanda yashinzwe na Dr Pierre Damien...
6 July 2020 Yasuwe: 3699 0

Hakize abantu 44 bari barwaye COVID-19 mu Rwanda haboneka abandi 13 bashya...

Kuri iki Cyumweru tariki ya 05 Nyakanga 2020, mu Rwanda habonetse abantu 13...
5 July 2020 Yasuwe: 1089 1

RBC igiye gutangira gusuzuma COVID-19 abantu binjira mu mujyi wa...

Ikigo cy’igihugu gishinzwe Ubuzima [RBC] cyatangaje ko kigiye gutangira...
5 July 2020 Yasuwe: 516 0

Habonetse abantu 11 banduye Coronavirus mu Rwanda hakira abandi...

Minisiteri y’Ubuzima yatangaje ko mu bipimo 3,414 byafashwe uyu munsi tariki...
4 July 2020 Yasuwe: 857 0

RURA yatangaje igabanuka ry’ibiciro bya Lisansi na Mazutu

Urwego Ngenzuramikorere (RURA) rwatangaje ko guhera ku wa 4 Nyakanga...
3 July 2020 Yasuwe: 1252 0