Kigali

Uwakize indwara yo kujojoba arasaba abayirwaye kutayihishira

Amakuru   Yanditwe na: Nsanzimana Ernest 17 May 2017 Yasuwe: 852 0

Umwe mu babyeyi 9 bakize indwara yo kujojoba izwi ku izina rya fistule arasaba abayirwaye kutayihishira aka wa mugani w’ Ikinyarwanda ngo “ushaka gukira indwara arayirata”.

Uyu mubyeyi utuye mu karere Nyaruguru, avuga ko yabyariye mu bitaro bya Munini bihereye muri ako karere, akabyara bamuteruye mu nda umwana wapfuye, hanyuma akagira ikibazo cyo kujojoba.

Avuga ko yatinyaga kujya aho abantu bari kubera ko yagiraga impumuro itari nziza bitewe n’ ubwo burwayi. Uyu mubyeyi avuga ko ikibazo cye yakibwiye umujyanama w’ ubuzima, ari nabyo byamubereye inzira yo gukira.

Ati “Nagiye kubona mbona umujyanama w’ ubuzima ansanze mu rugo arambwira ngo hari abantu bazaza kutureba mu bitaro bya Munini njyayo, batujyana ku bitaro bya Ruhengeli, barambaga ubu narakize”

Yakomeje ati “Mu muryango wanjye naho narihezaga, guhora umuntu ajojoba niyo wamesa kajana uba unuka, inama nagira abarwaye iyi ndwara ni ukutabyihererana kuko iyo indwara uyihishe ntuyikira”

Mukabaganwa Epiphanie uyobora ikigo nderabuzima cya Mushubi mu karere ka Nyamagabe yavuze ko indwara ya fistule iterwa n’ ibintu bitandukanye.

Ati "Fistule ni indwara ifata abadamu ishobora kuterwa n’ uko umwana yatinze kuvuka kandi atari bunavuke none aho yashize umutwe agira ngo asohoke hakabora, iyi ndwara ikunze gufata umuntu ubyaye akiri muto."

Iyi ndwara irangwa n’ uko umusarane n’ inkari biyoba bikajya bisohokera aho bitakagombye kunyura, ugasanga nk’ inkari zirimo gusohokera ahagenewe kunyura umusarane, cyangwa umusarane urimo gusohokera mu mwanya w’inkari.

Umuntu urwaye iyi ndwara iyi myanda ihora isohoka ntabwo agira umwana wo kujya kwihagarika cyangwa kwituma.

Mu karere ka Nyaruguru ababyeyi 23 nibo bari bafite ikibazo cyo kujojoba muri Nzeli 2016, 14 baravuwe ku buntu, 9 barakira naho batatu biranga. 9 basigaye bazavurwa muri uku kwezi kwa Gicurasi 2017.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rubavu/ Nyundo: Ku mugezi wa Sebeya hatoraguwe umurambo w‘uruhinja

Murenge wa Nyundo hatoraguwe umurambo w’uruhinja hafi y’inkengero z’umugezi...
18 September 2017 Yasuwe: 481 1

Burera: Inkuba yahitanye umukobwa, imvura isiga imiryango idafite aho...

Ku cyumeru tarkiki ya 17 nzeri 2017, imvura idasanzwe yaguye mu Karere ka...
18 September 2017 Yasuwe: 577 0

Abaganga ntibemeranya n’abajya gukuza abana babo ibyinyo

Inzego z’ubuzima mu Rwanda, zivuga ko zigihura n’ikibazo cy’imyumvire...
18 September 2017 Yasuwe: 200 0

Kirehe: Hatangijwe gahunda yo gutera imiti yica imibu mu ngo...

Igikorwa cyo gutera umuti wica imibu mu nzu z’abaturage mu karere ka Kirehe...
18 September 2017 Yasuwe: 119 0

Gatsibo hamenwe litiro 8 480 z’inzoga zitwa Isimbi,Musanze hamenwe litiro 20...

Mu mpera z’icyumweru gishize Polisi y’u Rwanda yaganirije abatuye umurenge wa...
17 September 2017 Yasuwe: 572 1

Abaganga bihariye bagiye gusuzuma abagororwa nyuma y’uko Umugabo afunzwe...

Mu gitondo cyo kuri uyu wa gatanu, umugabo witwa Hagenimana Ismael yafatiwe...
17 September 2017 Yasuwe: 1918 0