addresiya
Kigali
startimes

Uyu mubyeyi arashinja abaganga bo mu bitaro bya Muhima kumurangarana bikamuviramo umwana yaratwite kumupfira mu nda

Amakuru   Yanditswe na: Martin Munezero 26 December 2018 Yasuwe: 3166

Ibitaro bya Muhima mu Mujyi wa Kigali birimo gukurikirana ikibazo cy’umugore ukomoka mu Karere ka Kamonyi, wari utwite umwana w’umuhungu akaza kumupfira mu nda, agashinja abaganga ko bamurangaranye.



Uwo mugore avuga ko yageze mu bitaro bya Muhima saa kumi zo mu rukerera rwo ku wa Gatandatu tariki 22 Ukuboza 2018, ari ku bise.

Yatangarije Igihe ko abaganga bahise bamujyana mu cyumba babyariramo. Gusa ngo ntibahise bamumubyaza, babanje kumubaza icyemezo kimwohereza ku bitaro bikuru (transfert), bagituma umugabo we ku Kigo Nderabuzima kiri hafi aho ariko ntiyahita iboneka.

Yagize ati:

“Bakingeza aho babyarira barandangaranye, nkababwira ngo bandebere ndi kubabara, bambwira ko batambyaza nterekanye ‘transfert’ cyangwa ngo ndihe 100%, ndabyemera ariko barabyanga kuko umugabo yari atari yazana iyo transfert ku buryo babikoze nyuma umwana yamaze kumpfira mu nda.”

Uyu mubyeyi avuga ko yifuza ko aba baganga bakurikiranwa kugira ngo ibyo bakoze bitazasubira ukundi.

Umugabo we avuga ko kubona transfert ku Kigo Nderabuzima byamugoye, ngo banze kuyimuha kuko atari kumwe n’umugore we nubwo yabasobanuriraga ko yamaze kugera mu cyumba babyariramo, ndetse ko atabasha kugenda.

Umuyobozi w’Ibitaro bya Muhima, Dr Nkubito Pascal, yemeza ko ikibazo cy’uyu muryango yakimenye ndetse ko batagiye kugikurikirana.

Yagize ati:

“Ni byo yaje nta ‘transfert’ afite, abaganga baramwakira nyuma bayituma umugabo we, agiye ku Kigo Nderabuziba banga kuyimuha kandi umugore we yari ari ku gise.”

Yakomeje agira ati:

“Ikiriho ubundi hakorwa Ubugenzuzi tugakurikirana aho ikosa ryabereye n’icyariteye byaba ngombwa igihano kigatangwa, iyobyagaragaye ko abaganga aribo babigizemo uruhare.”

Uyu Muyobozi yashimangiye ko bazakurikirana iki kibazo mu buryo bwimbitse, uwaba yarakoze amakosa akayabazwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble GSE

    Ariko ni ryari abanyarwanda tuzarambirwa imvugo y’abategetsi bamwe (kuko abakora batyo si abayobozi nyakuri) ngo: "Twarabimenye tugiye kubikoraho", "Twarabimenye twatangiye kubikoraho" ?

    December 2018

Inzindi nkuru

Perezida Kagame yifurije Abayisilamu umunsi mwiza wa Eid Mubarak

Perezida Paul Kagame yifurije abayoboke b’Idini ya Islam umunsi mwiza wo...
24 May 2020 Yasuwe: 269 0

Abantu 4 basanganywe Coronavirus mu Rwanda abandi 5 barayikira kuri uyu wa...

Minisiteri y’Ubuzima yatangaje ko kuri uyu wa Gatandatu tariki ya 23...
23 May 2020 Yasuwe: 740 0

BOSENIBAMWE Aimé wayoboraga NRS yitabye Imana azize uburwayi

Uwari umuyobozi mukuru w’ikigo cy’igihugu gishinzwe igororamuco (National...
23 May 2020 Yasuwe: 6559 2

Rwamagana: Abana 4 barohamye mu Kiyaga cya Gatoki ubwo barimo kurya...

Abana bane bo mu Mudugudu wa Kanserege, mu Kagari ka Kibare, Umurenge wa...
23 May 2020 Yasuwe: 1470 0

Abantu 5 bakize Coronavirus mu Rwanda umuntu umwe arayandura kuri uyu wa...

Minisiteri y’Ubuzima yatangaje ko uyu munsi mu Rwanda habonetse umuntu...
22 May 2020 Yasuwe: 704 0

COVID-19: Habonetse abantu 6 banduye Coronavirus mu Rwanda mu gihe hakize...

Minisiteri y’Ubuzima yatangaje ko uyu munsi tariki ya 21 Gicurasi 2020,mu...
21 May 2020 Yasuwe: 624 0