Rwamagana: Umugabo yitwikiye mu nzu n’ umugore we asiga urwandiko[AMAFOTO]

Amakuru   Yanditswe na: Nsanzimana Ernest 12 September 2018 Yasuwe: 10174

Umugabo witwa Munyaneza Seth w’imyaka 43 yohereje abana ku ishuri n’umukozi yifungirana munzu n’umugore we Kayitesi Jeannette w’imyaka 35 arayitwika barashya barakokongoka ,imodoka ya polisi yatabaye izimya inzu ariko isanga bose bamaze gushya bapfuye.

Byabereye mu Mudugudu wa Biraro, Akagari ka Cyanya, Umurenge wa Kigabiro ho mu Karere ka Rwamagana mu gitondo cyo kuri uyu wa 12 Nzeli 2018.

Abaturanyi bakeka Munyaneza ko yishe umugore we Kayitesi Jeannette, bari bafitanye abana babiri, atwite n’uwa gatatu, na we akitwikira mu nzu. Ibi ngo babishingira kukuba umurambo w’ umugore wari uzingiye mu byenda uri mu cyumba gifungishije ingufuri 3.

Abaturanyi bavuga ko bumvise ikintu giturika bakabona inzu itangiye kugurumirana. Nyuma baje kumenya ko ari ijerekani ya lisani yari ituritse.

Amakuru avuga ko uyu mugabo yabyutse akohereza umukozi ku isoko, akanasohora ibyangombwa by’ ubutaka n’ imyenda y’ ishuri y’ abana be. Ngo yanasize hanze urwandiko asaba umugore w’ inshuti y’ uyu muryango kuzamumenyera abana.

Umuyobozi w’Umudugudu wa Biraro yavuze ko uyu muryango wari usanganywe amakimbirane, aho baraye batonganye.

Tariki 7 Nzeri nabwo ubuyobozi bwavuye muri uru rugo guhosha amakimbirane bari bagiranye, busiga bubunze basubiranye.

Kayitesi Jeannette ngo yashinjaga umugabo gusambana n’ umukozi ndetse ubuyobozi bwari bwasabye ko uyu mukozi yirukanwa ntibyakorwa.

Hari amakuru avuga ko uyu mugore yaba yacaga inyuma umugabo we naho abandi bakavuga ko umugabo ngo yaba yananizaga umugore kuko yanakoraga muri kaminuza ya UNLAK ariko ngo akazi akakareka urugo rugatungwa n’umugore wari umudozi.


Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Munyemana

    Nibyo koko,abantu bashaka UBUTANE barimo kwiyongera mu nkiko.Nkuko duhora tubivuga,biraterwa nuko abantu bakuba na zero inama duhabwa n’imana binyuze kuri Bible.Ndabasabye musome Abefeso 5.Imana isaba abashakanye kuba “umubiri umwe” nkuko Itangiriro 2:24 havuga.Imana isaba abashakanye gukundana no kubabarirana.
    Tukirinda gucana inyuma.Tukirengagiza amakosa,tukagirana imishyikirano,etc…Ndetse imana idusaba gufata umugore wacu nk’umubiri wacu.Tukamenya ko bagira intege nke kandi ko tuzabana muli paradizo.Imana yita abagore “weak vessels” (inzabya zoroshye).Urugero,bashukika vuba mu busambanyi.Nta kindi cyadufasha nka Bible.Niyo yonyine ihindura umuntu kuko yandikishijwe n’umuremyi wacu.Kuraho bya bindi bamwe bavuga ngo imana itwemerera gutunga abagore 4.Ibyo ni IRARI ry’umubiri,rigamije kwishimisha gusa.
    Kuki se ADAMU itamuhaye abagore benshi?Nuko yashakaga ko baba “umubiri umwe”.

    3 months ago
  • chat_bubble kiki

    uyumugabo ndamwemeye kbsa nintwari mukagendana nisawa kbsa

    3 months ago
  • chat_bubble Bosco

    Iyo uburinganire bwumviswe nabi buzana ingaruka. Zimwe murizo ni ubwicanyi mu miryango. Hari abagabo babona ko batazabona ubutabera (kuko bubogamiye Ku bagore) bakabwishakira bakora ishyano.

    3 months ago

Inzindi nkuru

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 1413 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1654 0

‘Abashaka u Rwanda barwifuriza ibibi barukurahe se?’ Perezida...

Perezida w’ u Rwanda akaba n’ Umugaba w’ Ikirenga nyuma yo kureba ingabo z’ u...
11 December 2018 Yasuwe: 3839 0

Umukandida ushyigikiwe na Perezida Kabila wa Kongo ibihano bye...

Umuryango w’Ubumwe bw’Uburayi wahamishijeho ibihano ku bategetsi bo muri...
11 December 2018 Yasuwe: 561 0

Perezida Kagame yitabiriye isozwa ry’ imyitozo ikomatanyije y’ ingabo z’ u...

Perezida w’ u Rwanda, Paul Kagame akaba n’ Umugaba w’ Ikirenga w’ Ingabo z’ u...
11 December 2018 Yasuwe: 4430 0

Rubavu: 7 bikekwa ko ari FDLR baguye mu gitero bagabye ku ngabo z’ u...

Abarwanyi, Ubuyobozi bw’ Akarere ka Rubavu bukeka ko ari abo mu mutwe wa...
10 December 2018 Yasuwe: 5232 0