Tariki 13 Mata 2018 Ikinyarwamakuru UMURYANGO cyabagejejeho inkuru y’ Umunyarwandakazi Uwase Bernadette wari uzwi ku izina rya Muganga wiciwe mu gihugu cya Malawi. Umuryango w’ uyu mukobwa wongeye gutangariza iki kinyamakuru ko hari amakuru avuga ko Nyakwigendera Bernadette yishwe n’ umukunzi we Nsengiyumva Jean Claude uvuka ahahoze ari Perefegitura ya Kibungo

Sponsored Ad

Taliki ya 05/04/2018 nibwo Uwase Bernadette wabaga muri Malawi yaburiwe irengero. Ngo yahamagawe na Nsengiyumva Jean Claude bivugwa ko yari umukunzi mu rukerera mbere y’ amasaha uyu mukobwa yari asanzwe agira mu kazi.

Umuryamgo w’ uyu mukobwa uvuga ko Nyakwigendera Bernadette yari yatindanye n’ uyu musore mu ijoro ryari ryabanje bahana gahunda y’ uko mu gitondo bajyana kugura imodoka kuko umukobwa yari yagurishije iyo yari asanganywe.

Uti “…Muri uko gutindana iryo joro bari bafitanye gahunda ko bucya bagura imodoka kuko Muganga yari yagurishije iyo yari asanganywe. Ayo mafaranga hamwe nayo yaramaze iminsi acuruza, uwo mugizi wanabi yarayatwaye aramwica anashinyagurira umurambo we Kuko atifuzaga ko umenyekana.”

Amakuru ikinyamakuru UMURYANGO cyamenye ni uko Nsengiyumva yamaze gutabwa muri yombi na polisi ya Malawi.

Umurambo wa Bernadette wabonywe n’ abana barimo basenya inkwi mu ishyamba rya Namitete ahagana ku muhanda ujya Zambia, bahamagara polisi ariyo yahakuye uwo murambo.

Ababonye umurambo wa Bernadette bavuga ko abamwishe bamukase bimwe mu bice by’ umubiri bakanamwangiza mu ishura ngo umurambo we utazamenyekana.

Abo mu muryango wa nyakwigendera babonye umurambo taliki 10/04/2018 bawusanze mu buruhukiro bw’ibitaro bya Saint Gabriel Hospital. Nyakwigendera yashyinguwe 13/04/2018.

Uwase Bernadette yakomokaga mu karere ka Nyamasheke. Yavutse tariki 15 Gashyantare 1990 amashuri yisumbuye yayize muri G.S. St Joseph Nyamasheke. Yishwe ateraguwe ibyuma.