Abakekwaho kwiba BK ya Buhanda bakanica umukozi wayo barafashwe

Amakuru   Yanditswe na: Nsanzimana Ernest 6 November 2017 Yasuwe: 5089

Polisi y’ u Rwanda ikorera mu ntara y’ amagepfo yatangaje ko yamaze guta muri yombi abantu barindwi bakekwaho kwica umukozi wa banki ya Kigali ishami rya Buhanda mu karere ka Ruhango bakaniba amafaranga ataramenyekana umubare.

Umuyobozi wa polisi mu ntara y’amagepfo ACP Gilbert Rwampungu Gumira yatangarije UMURYANGO ko polisi yataye muri yombi abantu barindwi bakekwaho kwiba iyi banki no kwica umukozi wayo.

ACP Gumira yavuze ko muri barindwi bafashwe umwe ariwe utarashyikirizwa ubushinjacyaha.

Yagize ati “Twafashe abantu barindwi bakekwaho kwiba BK ya Buhanda no kwica umukobozi wayo. Batandatu dosiye zabo twamaze kuzishyikiriza ubushinjacyaha umwe ntabwo dosiye ye turashyikiriza ubushinjacyaha kuko yafashwe nyuma”

Tariki 24 Ukwakira 2017 nibwo abantu bitwaje intwaro binjiye muri iyo banki iherereye mu Karere ka Ruhango, bica umwe mu bakozi bayo, abandi batatu barakomereka.

UMURYANGO washatse kumenya abakekwa abaribo n’ aho bakuye intwaro bakoresheje ACP Gumira avuga ko ayo makuru adashaka ko yahita atangazwa kuko yumva yabangamira ubutabera.

Umukozi wa BK witwa Muhawenimana Quesie w’imyaka 32 yarashwe n’abo bagizi ba nabi ahita ahasiga ubuzima, naho Umuyobozi w’iryo shami Sylvain Rubayita; Alphonse Muhayimana umwungirije na Evariste Kagama wari umurinzi barakomereka bajyanwa mu bitaro.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Ngoga Girbert

    Imana ishimwe kabisa. Babakanire urubakwiye abo bagizi ba nabi

    1 month ago

Inzindi nkuru

Imvubu yari yarabujije abaturage kuvoma yakuwe mu idamu iratwikwa

Ingabo z’ u Rwanda na polisi y’ u Rwanda bahuriye mu gikorwa cyo gukiza...
12 December 2017 Yasuwe: 2244 1

RDF yatangiye gusimbuza abasirikare bari mu butumwa bw’amahoro

Abasirikare ba Batayo ya 53 ni bo bagiye gusimbura bagenzi babo ba Batayo...
10 December 2017 Yasuwe: 1088 0

Gen. Kabarebe na Gen. Patrick bagiranye ibiganiro n’intumwa ya...

Kuri uyu wa kane tariki ya 07 Ukuboza 2017 Intumwa idasanzwe y’Umunyamabanga...
7 December 2017 Yasuwe: 1186 0

Evode Imena wari ugiye kumara umwaka akurikiranyweho ibyaha yagizwe...

Urukiko rwisumbuye rwa Nyarugenge rwagize umwere Imena Evode wahoze ari...
7 December 2017 Yasuwe: 1766 0

Kigali: Abajura babiri muri bane bateye umuturage batawe muri...

Ku mugoroba wo kuri uyu wa 3 Ukuboza nibwo mu karere ka Nyarugenge mu...
6 December 2017 Yasuwe: 2031 1

‘Mu myaka ine: Abagabo 122 bishe abagore, abagore 61 bica abagabo’...

Imibare igaragazwa na Polisi y ‘ u Rwanda igaragaza ko abagore ari bo benshi...
6 December 2017 Yasuwe: 426 0