Abasabye Perezida Kabila kuva ku butegetsi bahamagajwe mu rukiko

Amakuru   Yanditswe na: Nsanzimana Ernest 19 January 2018 Yasuwe: 461

Repubukila iharanira Demukarasi ya Congo yasohoye za hamagara (convocations) zisaba abayoboke ba kiliziya gatolika bateguye imyigaragambyo isaba Perezida Joseph Kabila kuva ku butegetsi kwitaba ubutabera

Muri izo hamagara ntabwo abahamagajwe bamenyesheje icyatumye bahamagarwa ahubwo babwiwe ko icyo bahamagariwe bazakimenyeshwa bagezeyo.

Amakuru aturuka muri Congo aravuga ko abateguye iyo myigaragambyo ubu bihishe mu mugi wa Kinshasa ndetse ko barindiwe umutekano n’ abasirikare b’ Umuryango w’ Abibumbye bari mu butumwa bw’ amahoro muri RDC, MONUSCO.

Iryo huriro ry’ abayoboke ba kiliziya gatolika bateguye iyo myigaragambyo ryongeye guhamagarira abanyekongo kuzitabira imyigaragambyo iteganyije ku Cyumweru tariki 21 Mutarama 2018, yo gusaba Leta ya Congo gushyira mu bikorwa ibyo yemeranyije na Kiliziya gatolika tariki 31 Ukuboza 2016.

Mu bagize iryo huriro harimo abarimu bigisha muri za Kaminuza, n’ impirimbanyi z’ uburenganzira bwa muntu, n’ abandi. Iri huriro risaba Perezida Kabila gutangaza ku mugaragaro ko atazatanga kanditatire mu matora y’ umukuru w’ igihugu kuko itegeko nshinga ritabimwemerera.

Manda ebyiri Perezida Kabila yemerwa n’ itegeko nshinga zarangiye mu mpera za 2016, kuva icyo gihe kugeza ubu nta matora ya Perezida wa Repubulika araba muri RDC. Abari ku ruhande rwa Kabila bavuga ko habuze ingengo y’ imari yo gutegura ayo matora gusa abatavuga rumwe nawe bakabifata nko gutinza amatora nkana ngo akunde agume ku butegetsi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Wa mwana w’ inshuke washimutiwe Kicukiro habonetse umurambo we

Nakabonye nyina w’ umwana washimuswe Mu murenge wa ZAZA wo mu karere ka...
19 May 2018 Yasuwe: 8664 3

Kigali: Umupolisi yarashe umumotari arapfa

Umumotari utaramenyekana amazina yarasiwe n’ umupolisi I Kabuga mu mujyi wa...
19 May 2018 Yasuwe: 6964 10

Karongi: Ku kagari hibwe ibendera umuturage utazwi akoresha amayeri...

Ibendera ry’igihugu ryari rimanitse ku kagari ka Bukiro Umurenge wa Murundi...
19 May 2018 Yasuwe: 3984 0

Rusizi: Umunyemari yateye ubwoba umunyamakuru amubuza gutangaza akarengane...

Abaturage bo mu murenge wa Bugarama ,mu karere ka Rusizi baturanye...
18 May 2018 Yasuwe: 4245 1

Kicukiro: Nakabonye umwana we yarashimuswe

Umubyeyi witwa Nakabonye wo mu kagari ka Nyakabanda Umurenge wa Niboye mu...
17 May 2018 Yasuwe: 2684 2

Nyaruguru: Umusore yakase nyina ijosi avuye gukura ibijumba

Umusore wo mu murenge wa Munini mu karere ka Nyaruguru yatawe muri yombi...
15 May 2018 Yasuwe: 2188 3