‘Abashaka u Rwanda barwifuriza ibibi barukurahe se?’ Perezida Kagame

Amakuru   Yanditswe na: Nsanzimana Ernest 11 December 2018 Yasuwe: 4527

Perezida w’ u Rwanda akaba n’ Umugaba w’ Ikirenga nyuma yo kureba ingabo z’ u Rwanda zimaze iminsi zitoza yavuze ko abifuriza u Rwanda ibibi batazibigeraho.

Yabivugiye mu kigo cya Gisirikare i Gabiro kuri uyu wa 11 Ukuboza 2018, ahabereye umuhango wo gusoza ikiciro cya nyuma cy’ imyitozo ikomatanyije y’ ingabo z’ u Rwanda zirwanira mu kirere, ku butaka n’ ingabo zahawe inyitozo ihambaye Special force.

Perezida Kagame yashimiye abasirikare bamaze iminsi bitoza ababwira ko abayobozi n’abanyarwanda babashimira kuko babaha icyizere bagakora, abahinzi bakeza, abatunze bakagwiza, abikorera bakunguka.

Yagize ati "Ubwitange mufite n’ubutwari bwanyu nibyo bibaha icyizere, niyo mpamvu turi hano".

Perezida Kagame yabwiye isi ngabo ko muri iki gihe ubutwari n’ ubwitange bidahagije ahubwo n’ ubumenyi ari ngombwa. Yababwiye ko ari mpamvu bamaze iminsi bitoza ashimangira ko ibyo bitoje bigaragaza ko ntawatekereza kugirira u Rwanda nabi ngo abigereho.

Ati "Isi turimo, ibihe tugezemo, ubutwari n’ubwitange ntabwo biba bihagije ariko nibyo byibanze kandi murabifite. Hagomba kongerwaho ubumenyi. Kumenya uko mukora umwuga mukawunoza byakunda bigasanga ubwitange n’ubutwari umuntu akaba yuzuye."

Yakomeje agira ati "Ingabo nk’izi ni ingabo zuzuye. Niyo mpamvu mumaze iminsi hano mwigishwa ibyo mwatweretse, byerekana ibyakorwa, ibyakoreshwa igihe bibaye ngombwa. Abashaka u Rwanda, barushakira ibibi, barukurahe se? Ntaho bafite barukura."

Umukuru w’ igihugu yavuze ko umushahara ingabo zihabwa udahagije agereranije n’ akazi bakora gusa abibutsa ko habaho gusaranganya ngo n’ indi mirimo ikorwe

"Ubundi umuntu arebye ibyo abantu bakora mu mvura, mu mashyamba, harimo gukomereka, harimo ibintu byinshi. Ntabwo ibyo mubona bigera aho tuvuga ngo birahagije. Uyu mwuga uvuze byinshi birenze umuntu kuko ari iby’igihugu. Biraturenze nk’abantu ku giti cyacu.

Umushara, ibikoresho, aho abantu baba, bishobora kongerwa. Ariko hagomba kuboneka n’ibijya mu bindi bikorwa, birasaranganywa bikajya mu burezi, ubuvuzi, gufasha abatishoboye, ibikorwa by’iterambere, n’ibindi.

Ibyo dukora bidusaba byinshi biruta ibyo dufite bituma dukoresha neza bike dufite kugira ngo dushobore kuba twakora akazi kanini karuse ibyo tuba dufite byo gukoresha.

Isasu ryose urashe urabara. Uko dukoresha ibyo dufite bigomba kugera ku ntego tuba twihaye. Ntabyo dufite byo gupfa ubusa. Tugomba gukoresha neza ibyo dufite tukagera ku biruta kure ibyo tuba dufitiye ubushobozi."

Perezida Kagame yavuze ko n’ igihe u Rwanda ruzaba rwarateye imbere umuco wo kudasesagura Abanyarwanda bakwiye kuwugumana.

Ati "Byaba mu bihe byashyize, ibizaza, n’igihe tuzaba twageze kuri byinshi, mu muco wacu nta byinshi byo kwangiza. Byongera kuri bwa bushobozi dukwiriye kuba dufite, tutabona uko tubyifuza.

Nta kazi katunanira na busa igihe ibitekerezo ari bizima, imico ari mizima. Nta kazi katunanira, nta na busa. Ibyo mwumva hirya na hino bizarangirira mu bitekerezo gusa".

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kimironko: N’ubwo Uwimbabazi yari yarishinganishije byarangiye...

Ku mugoroba wo kuwa wa gatandatu taliki 27/4/2019 nibwo abagenderaniraga...
11 May 2019 Yasuwe: 10389 3

Iperereza ku bwicanyi bwakorewe CSP Hubert Gashagaza (Rtd) na Alexia...

Mu ijoro ryo ku italiki 17 rishyira 18/9/2018 nibwo umurambo wa CSP Hubert...
29 April 2019 Yasuwe: 8439 4

Ko abaturage b’Amerika n’Uburayi basabwe kwitondera gusura u Rwanda bivuze...

Leta Zunze Ubumwe z’Amerika, Ubudage, Ubufaransa, Ubwongereza, Australia,...
26 April 2019 Yasuwe: 5712 2

HUYE:Kubwimana yitabye Imana hashize isaha imwe avuye guhabwa...

Nyakwigendera yitabye Imana kuri iki Cyumweru cya Pasika tariki 21 Mata...
22 April 2019 Yasuwe: 5631 0

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 13099 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7672 2