Abaturage batunze agatoki umugabo ucuruza urumogi afatanwa udupfunyika 7 000

Amakuru   Yanditswe na: Nsanzimana Ernest 13 August 2018 Yasuwe: 746

Polisi y’u Rwanda ikorera mu karere ka Rubavu ku itariki ya 08 Kanama yafashe uwitwa Nkundanyirazo Venuste w’imyaka 32 imufatanye urumogi rungana n’udupfunyika ibihumbi birindwi.

Yafatiwe mu murenge wa Gisenyi mu karere ka Rubavu nyuma y’uko abaturage ubwabo bamuketse ko ashobora kuba acuruza ibiyobyabwenge by’urumogi. Abaturage bakimara guha Polisi amakuru yagiye iwe aho atuye, bamubaza niba acuruza urumogi maze nawe ntiyazuyaza aremera ararubereka kuko ibimenyetso by’uko ruhishe iwe mu nzu Polisi yari ibifite.

Ubu Nkundanyirazu yashyikirijwe urwego rw’igihugu rushinzwe ubugenzacyaha-RIB aho afungiwe kuri Sitasiyo ya Polisi ya Gisenyi mu gihe uru rwego rugikora iperereza.

Ushinzwe imikoranire ya Polisi n’abaturage ndetse n’izindi nzego hagamijwe gukumira no kurwanya ibyaha, Chief Inspector of Police (CIP) Solange Nyiraneza, yagize ati” Abenshi mu bacuruza ibiyobyabwenge tubafata tugendeye ku makuru yizewe duhabwa n’abaturage. Turabasaba kudaceceka igihe babonye hari abishora mu ikoresha ry’ibiyobyabwenge, ndetse bakatwereka n’inzira zose babinyuzamo kugira ngo ayo makuru adufashe gukumira no kurwanya icyo cyaha”

Yakomeje agira ati:”Ibiyobyabwenge biri ku isonga mu byaha biboneka muri aka gace bitewe n’imiterere yako kuko abenshi dufata baba babyambutsa babivanye mu gihugu duhana imbibi, ariko muri iki gihe, byaragabanutse cyane kubera ubufatanye bukomeye bwa Polisi n’abaturage, kimwe n’imikwabu ikorwa yo kubifata ndetse n’ubukangurambaga ku bubi bwabyo.”

Yakomeje kandi agira ati:” Ni ngombwa ko umuntu wese agira uruhare mu kurwanya ibiyobyabwenge kuko bigira ingaruka ku baturage muri rusange, kubabikoresha, ndetse unasanga ari nayo ntandaro y’ibindi byaha nko gukubita no no gukomeretsa,gufata ku ngufu abagore n’abakobwa n’ibindi byaha.

CIP Solange Nyiraneza yasabye abaturage gukomeza kugira ubufatanye na Polisi n’izindi nzego batangira amakuru ku gihe y’abacuruza ibiyobyabwenge kugira ngo abo banyabyaha bafatwe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amwe mu mateka ya Rtd Hubert Gashagaza wamaze gushyingurwa [AMAFOTO]

Kuri uyu wa 20 Nzeli 2018 nibwo Rtd CSP Hubert Gashagaza yashinguwe mu...
20 September 2018 Yasuwe: 7687 1

Gicumbi: Umwarimu aravugwaho gusambanya umukobwa yigisha yitwaje kureba aho...

Mu karere ka Gicumbi kuri sitasiyo ya Polisi ya Byumba hafungiye umwarimu...
18 September 2018 Yasuwe: 7300 1

CSP Gashagaza uherutse gusezererwa muri polisi y’ u Rwanda yishwe n’ abagizi...

Urwego rw’ igihugu rw’ ubugenzacyaha RIB rwatangaje ko CSP Gashagaza Hubert...
18 September 2018 Yasuwe: 5391 2

Gasabo: Umugabo yatemaguye umugore we aramwica ngo yatinze ku...

Umugabo ukuze wo mu kagari Munini , Umudugudu Rudakabukirwa mu murenge wa...
18 September 2018 Yasuwe: 10468 2

Icyo ubuyobozi bw’ akarere ka Ruhango buvuga ku kibazo cy’ umupolisi ushinjwa...

Ubuyobozi bw’ akarere ka Ruhango ntabwo buvuga rumwe n’ abaturage ku mvano y’...
16 September 2018 Yasuwe: 6631 6

Kicukiro: Hatoraguwe umurambo w’ umugabo wishwe akurwamo amaso

Mu gitondo cyo kuri uyu wa Gatatu tariki ya 12 Nzeri 2018, mu gihuru kiri...
13 September 2018 Yasuwe: 3400 4