Amajyepfo:Babiri bafatanwe ibikoresho byo mu nzu bibye

Amakuru   Yanditswe na: Iyamuremye Janvier 17 February 2018 Yasuwe: 757

Polisi y’u Rwanda ikorera mu turere twa Nyamagabe na Huye yataye muri yombi abagabo babiri bafatiwe mu cyuho bagerageza kwiba ibikoresho bitandukanye bapfumuye amazu, isaba abaturage kujya batanga amakuru ku gihe kugirango abakoze ibyaha bitandukanye babashe gufatwa.

Ibi byabaye kuri uyu wa kane tariki 15 Gashyantare, aho Polisi y’u Rwanda ikorera mu karere ka Nyamagabe yafatanye umusore witwa Hagenimana Emmanuel alias Kidamage Televiziyo nini n’umuzindaro mu gihe mugenzi we witwa Nkurunziza Idi we yafatiwe mu karere ka Huye yibye amafaranga y’u Rwanda ibihumbi ijana na makumyabiri ( 120 000frw) Telefoni, n’ibindi bikoresho byo munzu bitandukanye.

Umuvugizi wa Polisi y’u Rwanda mu Ntara y’Amajyepfo Chief Inspector of Police (CIP) Emmanuel Kayigi avuga ko aba bombi bakurikiranyweho ubujura buciye icyuho aho binjiye mu nzu bakiba ibikoresho bitandukanye.

Yagize ati: ‘’ Uyu Hagenimana Emmanuel yinjiye mu nzu y’umuturanyi we akoresheje urufunguzo rw’urucurano abasha kwiba ibikoresho bitandukanye birimo Televiiziyo,Umuzindaro n’ibindi naho Nkurunziza Idi we, yacunze ku jisho umuturanyi we witwa Maniriho yinjira mu nzu ye yiba amafaranga ibihumbi 120.’’

CIP Emmanuel Kayigi akomeza avuga ko iby’ubu bujura byamenyekanye bitewe n’amakuru abaturage bahaye abibwe nabo bakayageza kuri Polisi ibikorwa byo kubashakisha bigahita bitangira.

Yagize ati : ‘’ Abapolisi bacu bari mukazi mu gihe cya n’ijoro bahura na Hagenimana atwaye bimwe muri biriya bikoresho agiye kubigurisha niko kubihuza n’amakuru abaturage bari baduhaye tumuta muri yombi. Nkurunziza Idi wibye amafaranga we, yafashwe n’abaturage hanyuma baramudushyikiriza, kuko bamubonye agura ibintu bitandukanye birimo inkweto nshya, imyenda, mbese yiyitaho ku buryo budasanzwe, bagira amakenga y’aho yaba yakuye amafaranga kuko basanzwe bamuzi.’’

CIP Kayigi asoza asaba abaturage guhora bagira amakenga mu gihe babonye abantu batazi neza mu mudugudu batuyemo ndetse bakanihutira kumenyesha Polisi mugihe hari uwibwe kugirango iperereza ritangire ababikoze babashe gufatwa n’ibyibwe bibashe kugaruzwa. Cyakora kandi, yanasabye abaturage kwirinda kwandarika ibikoresho byabo ndetse bakajya babika neza imfunguzo zabo, bagakinga inzu neza kuko iyo bidakozwe biha icyuho abajura bityo bikaborohera kwiba.

Ingingoya 300 yo mu gitabo cy’amategeko ahana ibyaha mu Rwanda, iteganya ko Umuntu wese ukora ubujura budakoreshejwe kiboko cyangwa ibikangisho ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda yikubye inshuro kuva kuri ebyiri (2) kugeza kuri eshanu (5) z’agaciro k’icyibwe cyangwa kimwe gusa muri ibyo bihano.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 14871 2

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 6436 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 9072 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 3678 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 4209 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1983 0