Bamwe mu bakozi bo muri banki zo mu Rwanda baravugwaho gukorana n’abajura

Amakuru   Yanditswe na: Nsanzimana Ernest 19 January 2018 Yasuwe: 1487

Mu gihe ubujura bukoranye ikoranabuhanga bukomeje gufata indi ntera mu Isi banki nkuru y’ u Rwanda yavuzeko ko hari abakozi b’ amabanki akorera mu Rwanda bakorana n’ abajura bakoresha ikoranabuhanga ngo basahure banki.

Ibi byakomojweho kuri uyu wa Gatanu mu nama yahuje polisi, amabanki atandukanye ndetse na banki nkuru y’ u Rwanda BNR.

Izi nzego zagaragaje ko ubujura bukoresheje ikoranabuhanga burimo gufata indi ntera uko ikoranabuhanga rikomeza gutera imbere. BNR yavuze ko mu mwaka ushize wa 2017 yaburijemo ibitero miliyoni 8 by’ amashakaga kwiba amabanki yo mu Rwanda.

Guverineri wa Banki nkuru y’ u Rwanda John Rwangombwa yabwiye itangazamakuru ko ubujura bukoranye ikoranabuhanga bukwiye guhagurikirwa kuko u Rwanda rutabaye maso ubu bujura bushobora kuzabuteza ikibazo gikomeye.

Ati “Nk’igihugu ni ngombwa ko dufatanya n’inzego zitandukanye kugira ngo dukumire iki kibazo. Nk’uko nabigaragaje, abantu bagerageza kwinjira muri sisiteme z’amabanki yacu, icyo nakwita atake (attack) bigera kuri miliyoni 8 ariko icyiza ni uko dushobora kubikumira. Hari ikigo kimwe bagerageje kwinjiramo bashaka no gutwara amafaranga ariko dukoranye na polisi bishobora guhagarikwa.”

Muri iyi nama hagaragajwe ko abajura bakoresha ikoranabuhanga hari igihe bakorana n’ abakozi ba banki.

Guverineri Rwangombwa, yatanze urugero rwa banki imwe mu gihugu, aho umukozi wayo yakoranye n’abajura bakiba Miliyoni 900 z’amanyarwanda. Gusa ngo ntibyaje kumuhira kuko umukozi mugenzi we yaje kubimenya, abimenyesha BNR, ikorana na Polisi, ku bufatanye bw’izo nzego zombie, ayo mafaranga aragarurwa.

ACP Peter Karake ushinzwe itumanaho no kugenza ibyaha bikoresha ikoranabuhanga avuga ko amabanki yose atabonekamo abakozi bashobora kuba bakorana n’abajura.

Yagize ati “Ntabwo ari amabanki yose kandi mu bigo ibyo ari byo byose habamo abantu bashobora kugira iyo ngeso. Mu byo twavuganye ni uko hajyaho n’ingamba zo kugenzura abo bantu bagira uwo muco wo kuba batanga amabanga y’ibigo byabo cyangwa batanga konti z’abantu kugira ngo amafaranga yibwe. “

Umwe mu bitabiriye iyi nama wo mu kigo cy’imari Goshen Finance Ltd, avuga ko ubujura bw’ikoranabuhanga butarabageraho ariko bakaba bagiye kwisuzuma ngo barebe ko ntaho bwamenera.

Yagize ati “Icya mbere ni ukubanza tukireba ubwacu, tukareba ubumenyi bw’abakozi bacu tugakurikizaho kureba politiki dufite niba koko zirengera ikigo, hanyuma tukareba n’ibikoresho dufite, kuko na byo ni ingenzi, abantu binjitra kuko muba mufite ibikoresho biciriritse. Hanyuma tugakorana n’izindi nzego, haba mu guhana amakuru ndetse no kwiga, tukamenya n’abo byagezeho aho byaturutse. Kuba bitaratugeraho si uko turi ibitangaza.”

Izi nzego zisaba buri munyarwanda kwirinda kurinda neza umubare w’ ibanga wa konti ye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bugesera : Umurwayi wo mu mutwe yishe se umubyara amutemaguye

Mu murenge wa Kamabuye umusaza witwa Munyankumburwa Emmanuel, w’imyaka 66,...
16 October 2018 Yasuwe: 791 0

Iburengerazuba: Polisi yafashe abakekwaho kunyereza arenga miliyoni 3Frw...

Polisi mu Burengerazuba yakoze umukwabu wo gufata abacuruzi babiri bakomoka...
15 October 2018 Yasuwe: 237 1

Visi Perezida w’ Ishyaka rya Victoire Ingabire yatorotse gereza

Umuyobozi wungirije w’ ishyaka FDU inkingi ritaremererwa gukorera mu Rwanda...
8 October 2018 Yasuwe: 6852 2

Bugesera: Ahahoze Intaragahanga hiciwe umuntu akebwe ijosi

Mu murenge wa Kamabuye , umukobwa uri mu kigero cy’imyaka 25 utaramenyekana...
4 October 2018 Yasuwe: 1824 1

Bugesera: Umusaza wahishe imyumbati ine mu myenda bamubonye...

Umusaza w’ imyaka 56 y’ amavuko wari warafatanyije na bagenzi be guhinga...
1 October 2018 Yasuwe: 2496 0

Kamonyi: Umugore yishe umwana yabyaramye n’ umugabo batabana

Umubyeyi witwa Mukashyaka Clenie akurikiranyweho icyaha cyo kwica umwana we...
1 October 2018 Yasuwe: 1210 0