Bugesera: Ahahoze Intaragahanga hiciwe umuntu akebwe ijosi

Amakuru   Yanditswe na: Ubwanditsi 4 October 2018 Yasuwe: 1891

Mu murenge wa Kamabuye , umukobwa uri mu kigero cy’imyaka 25 utaramenyekana umwirondoro yasanzwe yishwe bikekwa ko yaba yakebwe ijosi , kuko umurambo we wari kumwe n’icyuma gisize amaraso.

Byabereye mu murenge wa Kamabuye ,Akagari ka Kampeka umudugudu wa Byimana , uvuye ku isantere y’ubucuruzi ya Kamabuye utangiye igice cy’ishyamba rya Gako. Umurambo wa Nyakwigendera wabonetse mu gitondo cyo kuri uyu wa 4 Ukwakira 2018.

Umuturage witwa Munezero Pacifique, umwe mu bantu babonye umurambo wa nyakwigendera ari mu kazi ko gutwara abagenzi yatangaje ko uyu muntu yishwe.

Munezero yavuze ko basanzwe iruhande rw’ umurambo wa nyakwigendera hari icyuma kiriho amaraso ariho bahera bavuga ko uyu mukobwa yaba yishwe akebwe ijosi. Aba baturage bahise babimenyesha ubuyobozi bw’ inzego z’ ibanze.

Umwe mu bagenzi utifuje ko amazina ye atangazwa yatangarije Umuryango ko n’ubundi ari ahantu hateye ubwoba kuko nta bantu bahatuye ku buryo kuhaca umuntu ari umwe no ku manywa biba biteye ubwoba, kandi ko kuva kera hahoze ari indiri y’amabandi yari azwi n’intaragahanga gusa ubu akaba atari akihaba.

Umunyamabanga nshingwabikorwa w’ umusigire w’ Umurenge wa Kamabuye Mukarumanzi Epiphanie yavuze ko ayo makuru bayamenye gusa avuga ko bakirimo gukora iperereza ry’ibanze nta byinshi yahita abivugaho.

Yagize ati “ Biracyagoye kuko ubu turi hafi y’aho byabereye ariko ubu ntacyo nahita mbivugaho turacyakora iperereza”

Uyu muhanda kuko uca mu gice kinini cy’ishyamba wakunze kugaragaramo urugomo , ku buryo nta muntu upfa kuwucamo wenyine. Mu bihe binyuranye hajyaga hapfira abantu gusa ntibyari biherutse.

Author : Ubwanditsi

Ibitecyerezo

  • Log in

    Amategeko n'amabwiriza birkurikizwa


  • chat_bubble Hitimana

    Inkuru ibabaje cyane.Birashoboka cyane ko abantu bamwishe babanje kumurongora ku ngufu.Bisigaye byeze kumva abakobwa bakiri bato bishwe,akenshi babanje kubarongora.Sex izatuma millions nyinshi z’abantu Babura ubuzima bw’iteka.

    October 2018

Inzindi nkuru

Iperereza ku bwicanyi bwakorewe CSP Hubert Gashagaza (Rtd) na Alexia...

Mu ijoro ryo ku italiki 17 rishyira 18/9/2018 nibwo umurambo wa CSP Hubert...
29 April 2019 Yasuwe: 8756 4

Ko abaturage b’Amerika n’Uburayi basabwe kwitondera gusura u Rwanda bivuze...

Leta Zunze Ubumwe z’Amerika, Ubudage, Ubufaransa, Ubwongereza, Australia,...
26 April 2019 Yasuwe: 5859 2

HUYE:Kubwimana yitabye Imana hashize isaha imwe avuye guhabwa...

Nyakwigendera yitabye Imana kuri iki Cyumweru cya Pasika tariki 21 Mata...
22 April 2019 Yasuwe: 5752 0

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 14308 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7701 2

Hari amakuru avuga ko Maj Sankara Callixte yafashwe akaba yaranagejejwe i...

Kuva mu gitondo cyo kuri uyu wa mbere hatangiye gukwirakwiaa amakuru ku...
15 April 2019 Yasuwe: 37392 17