Bugesera: Umusaza wahishe imyumbati ine mu myenda bamubonye yapfuye

Amakuru   Yanditswe na: Nsanzimana Ernest 1 October 2018 Yasuwe: 2545

Umusaza w’ imyaka 56 y’ amavuko wari warafatanyije na bagenzi be guhinga imyumbati bamusanze yapfuye nyuma y’ uko afashe imyumbati ine akayihisha mu myenda.

Uyu musaza wari utuye mu mudugudu Gakindo , Akagari ka Kagenge mu murenge wa Mayange mu karere ka Bugesera ngo yari asanzwe azwiho akageso ko kwiba ndetse hariho gahunda y’ uko niyongera gufatwa yibye bazamujyana mu kigo ngororamuco.

Habineza Slyveri, ku wa Gatanu nibwo yibye iyi myumbati. Abakekwaho kumwica barimo abagabo babiri n’ umugore umwe bamaze gutabwa muri yombi bakaba bafungiye kuri RIB sitasiyo ya Nyamata nk’ uko UMURYANGO wabitangarijwe n’ umwe mu bagenzacyaha bakorera mu ntara y’ Iburasirazuba.

Umurambo wa nyakwigendera Habineza wajyanywe mu bitaro bya ADEPR Nyamata ngo ukorerwe isuzuma mbere y’ uko uhabwa benewo ngo bawushyingure.

Umuyobozi w’ akarere ka Bugesera Mutabazi Richard yabwiye Radiyo Flash ko uyu musaza yari azwiho ingeso yo kwiba.

Yagize ati “Iyo turebye muri raporo y’ umudugudu dusanga uwo musaza yari azwiho iyo ngeso yo kwiba… inama y’ umutekano mu mudugudu yari yarateranye bamufatira icyemezo ko nibongera kumva yibye bashobora kuba bamujyana mu bigo ngororamuco nubwo yaba angana gutya ariko icyo gihe yafatwa nk’ inzererezi kubera iyo myitwarire”

Abatawe muri yombi bemera ko bakiranye nawe bamwambura iyo myubati ya gitaminsi yari yibye cyakora ntibemera ko bamukubise. Bavuga ko bamusize ari muzima , nyuma abantu baza kumubona yapfuye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 5459 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 7793 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2430 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 2313 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1937 0

‘Abashaka u Rwanda barwifuriza ibibi barukurahe se?’ Perezida...

Perezida w’ u Rwanda akaba n’ Umugaba w’ Ikirenga nyuma yo kureba ingabo z’ u...
11 December 2018 Yasuwe: 4128 0