skol
startimes

Bugesera: Umusore yasanzwe mu mugozi yapfuye bivugwa ko yiyahuye kubera igihombo

Amakuru   Yanditswe na: Dusingizimana Remy 29 June 2020 Yasuwe: 1321

Umusore w’imyaka 19 wari utuye mu Kagari ka Gatamba mu Murenge wa Mayange mu Karere ka Bugesera, yasanzwe mu mugozi yapfuye mu rukerera rwo kuri uyu wa mbere tariki 29 Kamena 2020 bivugwa ko yimanitse mu mugozi abitewe n’igihombo yagize mu bucuruzi bw’amafi yakoraga.


Umunyamabanga Nshingwabikorwa w’Umurenge wa Muyange, Ephraim Sebarundi yabwiye UMUSEKE dukesha iyi nkuru ko uyu musore wiyahuye yitwa Pascal Niyonsenga,ko yari asanzwe abana na Nyirakuru.

Sebarundi avuga ko amakuru y’ibanze bahawe na Nyirakuru, witwa Esperance Mukakarera ari uko umwuzukuru we yazindutse mu gitondo ajya ku kazi yakoraga, arangura anacuruza amafi nk’uko bisanzwe.

Ngo yari amaze igihe abwira abantu ko yahombye ndetse ko akazi agiye kugahagarika.

Ati: “Amakuru y’ibanze twabonye avuga ko uriya musore ukiri muto yari asanzwe acuruza amafi ariko akaba yari aherutse kubwira Nyirakuru ko yahombye, ko agiye kurekera aho gucuruza.”

Sebarundi yakomeje avuga ko yari amaze iminsi abwira abantu ko yahombye amafaranga yose yari afite, ngo ku buryo wabonaga afite agahinda kenshi.

Amakuru avuga ko uyu musore yabwiye abagize umuryango we ko atagifite amafaranga yo gukomeza gucuruza amafi, ndetse ngo ejo yabibwiye nyirakuru n’umugore wa nyirarume.

Ephraim Sebarundi avuga ko Urwego rw’Igihugu rw’Ubugenzacyaha rwageze aho byabereye bajyana umurambo kuwupima.

Sebarundi yavuze ko umuryango w’uyu musore wari ubayeho nk’abandi baturage bose, batunzwe no guhinga ubwo yabazwaga niba imibereho y’umuryango we itabaye intandaro yo kwiyahura.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Gicumbi: Umugabo arakekwaho gusambanya umwana we w’imyaka 16

Umugabo witwa Ndahayo w’imyaka 44 y’amavuko wo mu Kagari ka Gasharu mu...
23 September 2020 Yasuwe: 1899 2

RIB yataye muri yombi Gitifu wa Busogo ukekwaho gukomeretsa bitari ku...

Urwego rw’Igihugu rw’Ubugenzacyaha rwamaze guta muri yombi RIB Bwana...
23 September 2020 Yasuwe: 1078 1

Gicumbi: Umumotari waziritse umwana kuri moto yatawe muri yombi

Urwego rw’Igihugu rw’Ubugenzacyaha (RIB) ruravuga ko rufunze umugabo wo mu...
21 September 2020 Yasuwe: 2850 0

Rutsiro: Polisi yafashe abagizi ba nabi bari bamaze kuroha mu mazi abarobyi...

Kuwa Gatandatu tariki ya 19 Nzeri 2020 abapolisi bo mu ishami rishinzwe...
21 September 2020 Yasuwe: 4383 0

Ngoma:Abagabo 2 baturikanywe n’ingunguru bari batetsemo kanyanga barashya...

Abagabo 2 bo mu kagari ka Kibatsi mu murenge wa Rukira wo mu karere ka...
17 September 2020 Yasuwe: 1658 0

Nyagatare: Polisi yafashe abantu 27 bari kunywa inzoga y’inkorano yitwa...

Polisi ikorera mu Karere ka Nyagatare, Umurenge wa Katabagemo mu Kagari ka...
17 September 2020 Yasuwe: 783 0