Bugesera: Umwana yasuye Polisi bamwambika umwenda wayo

Amakuru   Yanditswe na: Nsanzimana Ernest 23 June 2018 Yasuwe: 5397

Abanyeshuri biga mu ishuri ribanza rya Rafiki foundation basuye sitasiyo ya polisi ya Nyamata abapolisi babasaba kwirinda ibyaha ndetse umwe muri bo bamwambika umwenda ubusanzwe wambarwa n’ umupolisi ushinzwe umutekano wo mu muhanda.

Aba basuye polisi mu rwego rwo kumenya ibikorwa n’imikorere bya Polisi y’u Rwanda, tariki ya 20 Kamena abanyeshuri biga mu mwaka wa kane (4) n’uwa gatanu (5) bagera kuri 60 bo mu ishuri ribanza rya Rafiki Foundation School riri mu Kagari ka Nyamata Ville, Umurenge wa Nyamata, ho mu karere ka Bugesera, bakoreye urugendoshuri kuri Sitasiyo ya Polisi ya Nyamata basobanurirwa bimwe mu bikorwa na Polisi y’u Rwanda na Serivisi zitangirwa kuri iyi Sitasiyo.

Bageze kuri Sitasiyo ya Polisi ya Nyamata, bakiriwe n’Umuyobozi wayo, Inspector of Police (IP) Clement Ndayiragije ndetse n’abandi bapolisi bakorana, babasobanurira imikorere ya Polisi muri rusange, bababwira ko na bo nk’abana bakwiye kwirinda ibyaha, kandi ko bagomba kubirwanya birinda ibiyobyabwenge n’ibindi byatuma bata ishuri.

IP Ndayiragije yabasabye kwirinda abantu bashobora kubashora mu ngeso mbi nko gukoresha ibiyobyabwenge kuko bishobora kubashora mu ngeso mbi bikaba byatuma bava mu ishuri bagahinduka inzererezi.

Yarababwiye ati,"Mwirinde abantu bashobora kubashuka bakaba babangiriza ubuzima. Mukwiye kwirinda no kurwanya ikintu cyose gishobora kwangiza ahazaza hanyu".

Yakomeje asaba abo banyeshuri kwitandukanya n’icyitwa ikiyobyabwenge aho kiva kikagera n’ibindi byose byaba intandaro yo kudakurikirana neza amasomo yabo, abasaba kugira uruhare mu kubungabunga umutekano, ariko cyane cyane batanga amakuru y’ibyaha bishobora gukorerwa ku ishuri kugira ngo habeho kubikumira bitaraba.

IP Ndayiragije kandi yasobanuriye abo banyeshuri uko bakoresha umuhanda, abasaba kujya bashishoza mu gihe bagiye kwambukiranya umuhanda kugira ngo birinde impanuka.

Yababwiye ko mu gihe bagiye kwambukiranya umuhanda bajya bambukira ahagenewe abanyamaguru, bakirinda kwambukira aho babonye hose.
Nyuma y’uru rugendoshuri, Umuyobozi wungirije w’iki kigo witwa Gahizi Bonheur, yavuze ko bafashe gahunda yo kuzana abana barera gusura Sitasiyo ya Polisi ya Nyamata, kugira ngo aba bana bazakure bazi ko umutekano utareba Polisi gusa, ahubwo ko na bo ubareba, kandi bagomba kubimenya bakiri bato.
Gahizi yashimye Polisi ku bumenyi n’inama yahaye abo banyeshuri, abasaba gukurikiza impanuro bahawe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwamagana: Urujijo ku kishe abanyeshuri 5 bo mu kigo kimwe mu kwezi...

Ababyeyi barerera ku kigo cy’amashuri cya Murambi giherereye mu murenge wa...
19 July 2018 Yasuwe: 4230 0

U Rwanda rwatangiye guca imodoka zifite ibirahure byijimye

Umuvugizi w’Ishami rya Polisi rishinzwe umutekano wo mu muhanda Senior...
19 July 2018 Yasuwe: 1221 1

Inkengero za Nyungwe ziratekanye n’uwiyita Sankara azafatwa -...

Polisi y’uRwanda yamaganiye kure amakuru y’uko inkengero z’ishyamba rya...
18 July 2018 Yasuwe: 1920 0

Karongi: Uwari umuzamu w’ububiko bw’ibitabo muri Caritas yasanzwe aho...

Ntakirutimana Samuel w’imyaka 46 wakoraga akazi k’ubuzamu muri Caritas, mu...
17 July 2018 Yasuwe: 1318 0

Inyeshyamba za NLF zigambye ko arizo zagabye igitero cyishe abantu I...

Inyeshyamba ziyise National Liberation Force (NLF) ziyobowe na Paul...
17 July 2018 Yasuwe: 10532 5

Ingabo z’ u Rwanda zirizeza abanyarwanda ko abagabye igitero ‘I Nyaruguru...

Umuvugizi w’ingabo z’u Rwanda yavuze ko abagabye igitero I Nyarugukuru...
16 July 2018 Yasuwe: 5324 2