Burera: Umugabo yishe umugore we, nawe ariyahura basiga uruhinja rw’ amezi abiri

Amakuru   Yanditswe na: Nsanzimana Ernest 1 December 2017 Yasuwe: 1682

Makuza Jean de la Paix wari ufite imyaka 28 y’ amavuko yishe umugore we Uwimana Marceline ku mwanya y’ ihangu bapfa ikintu kitamenyekanye nawe ahita yimanika mu mugozi arapfa.

Byabereye mu mudugudu wa Musama, Akagari ka Butare , umurenge wa Cyeru mu karere ka Burera kuri uyu wa Gatanu tariki 1 Ukuboza 2017.

Mwishwa wa Makuza, Uwiragiye Jacqueline wari wasuye uyu muryango niwe watangaje aya makuru. Uyu mukobwa w’ imyaka icyenda y’ amavuko wari uhetse umwana w’ amezi abiri wa ba nyakwigendera ku saa ba z’ amanywa ubwo ibi byabaga yavuze ko yumvise barimo kurwanira mu nzu ,agatabaza abaturanyi bahagera bagasanga bombi bamaze gushiramo umwuka.

Amakuru aguva ko Makuza yateye icyuma umugore we ku ijosi no mu gatuza yabona amwishe nawe agahita yiyahura akoresheje umugozi.

Nta wabashije kumenya icyo Makuza yapfuye n’ umugore we wari ufite imyaka 32 y’ amavuko. Abaturanyi babo bavuga ko bari babanye neza.

Abayobozi batandukanye barimo abashinzwe umutekano n’ umuyobozi w’ Akarere ka Burera wungirije ushinzwe imibereho myiza y’ abaturage Habyarimana Jean Baptiste bagarije abaturanyi ba Makuza n’ abo muryango wabo babasaba kujya birinda amakimbirane yo mu ngo kuko ahanini ariyo aba itandaro zo kwicana.

Imirambo ya ba nyakwigendera yajyanywe mu bitaro bya Butaro biherereye mu karere ka Burera gukorerwa isuzuma.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Narcisse Bimenyimana

    Umuti si uwo kwica hari ibibazo mwagana ubutabera.uwo mwanzuro yafashe uwomugabo ni uwakibwa.

    December 2017

Inzindi nkuru

U Rwanda rwatangiye guca imodoka zifite ibirahure byijimye

Umuvugizi w’Ishami rya Polisi rishinzwe umutekano wo mu muhanda Senior...
19 July 2018 Yasuwe: 1151 1

Inkengero za Nyungwe ziratekanye n’uwiyita Sankara azafatwa -...

Polisi y’uRwanda yamaganiye kure amakuru y’uko inkengero z’ishyamba rya...
18 July 2018 Yasuwe: 1842 0

Karongi: Uwari umuzamu w’ububiko bw’ibitabo muri Caritas yasanzwe aho...

Ntakirutimana Samuel w’imyaka 46 wakoraga akazi k’ubuzamu muri Caritas, mu...
17 July 2018 Yasuwe: 1295 0

Inyeshyamba za NLF zigambye ko arizo zagabye igitero cyishe abantu I...

Inyeshyamba ziyise National Liberation Force (NLF) ziyobowe na Paul...
17 July 2018 Yasuwe: 10360 5

Ingabo z’ u Rwanda zirizeza abanyarwanda ko abagabye igitero ‘I Nyaruguru...

Umuvugizi w’ingabo z’u Rwanda yavuze ko abagabye igitero I Nyarugukuru...
16 July 2018 Yasuwe: 5277 2

Rulindo: Imirambo ibiri y’ abasore yatoranguwe munsi y’ umuhanda

Abantu bataramenyekana bishe abasore bo mu mirenge ya Masoro na Ntarabana...
15 July 2018 Yasuwe: 2131 0