Emmanuel Kamanzi uyobora EDCL ari mu maboko ya polisi

Amakuru   Yanditswe na: Nsanzimana Ernest 4 September 2017 Yasuwe: 838

Polisi y’ u Rwanda yatangaje ko ifunze Emmanuel Kamanzi wari umuyobozi w’ikigo gishinzwe ingufu, Energy Utility Corporation Limited (EDCL).

Uyu muyobozi yatawe muri yombi ku wa Gatandatu tariki 2 Nzeli 2017, akurikiranyweho gutanga amasoko ya leta mu buryo bunyuranyije n’amategeko ndetse no gukoresha nabi umutungo wa Leta.

Ashinjwa gutanga isoko ry’ ibikoresho by’amashanyarazi (10 defective transformers and 400 electric poles) by’agaciro ka USD 45000 na USD 280000 buri bikoresho.
Polisi y’u Rwanda ivuga ko Kamanzi yafashwe mu rwego rwo gushyira mu bikorwa politiki yo kutihanganira ruswa no kunyereza umutungo wa Leta, biri mu bibangamira iterambere ry’igihugu n’imibereho y’abaturage.

Emmanuel Kamanzi anashinjwa icyaha cyo kurigisa umutungo gihanwa n’ingingo ya 325 iteganya ko ugihamijwe ahanishwa igifungo kuva ku myaka irindwi (7) kugeza ku myaka icumi (10) n’ihazabu y’amafaranga yikubye inshuro kuva kuri ebyiri (2) kugeza kuri eshanu (5) z’agaciro k’umutungo warigishijwe cyangwa wononwe.


Kamanzi Emmanuel uyobora EDCL.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Muhanga: Ya mabandi yitwaza intwaro amaze gukomeretsa bane mu cyumweru...

Hashize iminsi abaturage bo mu karere ka Gisagara na Nyaruguru bugarijwe n’...
14 July 2018 Yasuwe: 2216 0

‘Witegura intambara ariko udashaka ko iba’ Perezida Kagame

Perezida w’ u Rwanda akaba n’ umugaba w’ ikirenga w’ ingabo z’ u Rwanda...
13 July 2018 Yasuwe: 4086 0

Kigali: Moto yahiriye mu muhanda irakongoka nyirayo atega indi...

Moto yari igeze I Nyarutarama yerekeza kui Kinamba kuri uyu wa 11 Nyakanga...
12 July 2018 Yasuwe: 1667 0

Gisagara: Amabandi yitwaje intwaro yagabye agatero akomeretsa gitifu w’...

Nyuma y’aho mu kwezi kwa 3 umwaka ushize wa 2017 mu kagali ka Muyira mu...
10 July 2018 Yasuwe: 5833 2

Ngoma: Umushoferi w’ ikamyo yarangaye agonga umumotari n’ uwo yari ahetse...

Ikamyo ikora mu muhanda ujya i Kirehe yagonze umumotari n’uwo yari ahetse...
10 July 2018 Yasuwe: 3380 1

Umusore yafatanywe urumogi mu rukweto ashaka kurwinjiza muri Gereza ya...

Polisi mu karere ka Nyarugenge ifatanyije n’abacungagereza bakorera muri...
9 July 2018 Yasuwe: 746 0