Gakenke: RITCO yakoze impanuka ihitana 3 ikomeretsa 17

Amakuru   Yanditswe na: Nsanzimana Ernest 13 November 2017 Yasuwe: 2903

Abantu batatu bapfuye 17 barakomereka ubwo imodoka ya Sosiyete itwaraba abagenzi yakoreraga impanuka mu karer ka Gakenke saa mbili z’ijoro kuri iki Cyumweru tariki ya 12 Ugushyingo 2017.

Iyi mpanuka yabereye ahazwi nko ‘Muri Buranga’, habereye impanuka y’imodoka itwara abagenzi ya sosiyete ya Ritco abantu batatu bitaba Imana abandi 17 barakomereka.

Byabereye mu Mudugudu wa Burego, Akagari ka Buranga, Umurenge wa Nemba. Imodoka yakoze impanuka yari ifite purake ya RAD 578J, inkomere zahise zijyanwa mu Bitaro bya Nemba biherereye mu Murenge wa Nemba

Umuvugizi wa Polisi ishami rishinzwe umutekano wo mu muhanda,
CIP Emmanuel Kabanda, yatangaje ko hataramenyekana impamvu yateye iriya mpanuka kubera ko ngo hagikorwa iperereza.

Cyakora, CIP Kabanda avuga ko iperereza ry’ibanze ryerekana ko iyi mpanuka yatewe no kugenda nabi kw’umushoferi; ibintu bihuzwa no kuba ‘nta kinyabiziga bahuriye mu muhanda’, ati “Amakuru y’ibanze dufite nuko nta kinyabiziga na kimwe yahuye na cyo ngo kimugonge, impamvu zashakirwa mu miterere ya muntu wenda ni ho umuntu yashakira, ariko byose byatewe no kugenda nabi mu muhanda.”
Imodoka yagonze umukingo..

Mu gusobanura uko iriya mpanuka yagenze, CIP Kabanda avuga ko imodoka yaturukaga mu Karere ka Rubavu yerekeza mu Mujyi wa Kigali, ikaba yakoreye impanuka mu ruhande rw’iburyo; ibintu byayirinze kwibirindura munsi y’umuhanda aho byashobokaga ko impanuka yari kurushaho kugira ubukana.

Yagize ati “Yarenze [imodoka] umuhanda igonga umukingo mu ruhande rw’iburyo, yagonze yitura hasi, hahise hapfa abantu babiri; ntabwo hapfuye benshi, nubwo n’abo nabo bidakwiye, hageze kwa muganga abagera muri 18, bagezeyo nyuma y’aho haje gupfa undi umwe.”

CIP Kabanda atangaza ko umubare w’abantu bari bari muri iriya modoka utaramenyekana kubera ko ngo hahise hitabwa ku kugeza kwa muganga inkomere, gusa avuga ko harimo abantu ‘benshi’, ati “Biracyari mu iperereza; icyo twihutiye gukora ni ubutabazi, ibindi ubwo muri iki gitondo birakomeza, hari ugupima, hari ugusubira aho impanuka yabereye gushaka n’andi makuru atamenyekanye.”

Dutunganya iyi nkuru ntibyadukundiye kuvugisha ubuyobozi bw’Ibitaro bya Nemba ngo tumenye uko inkomere 17 zihoherejweyo zimeze.

Hagataho, Polisi y’igihugu ihamagarira abatwara ibinyabiziga kubahiriza amategeko y’umuhanda kugira ngo bakumire impanuka.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imvubu yari yarabujije abaturage kuvoma yakuwe mu idamu iratwikwa

Ingabo z’ u Rwanda na polisi y’ u Rwanda bahuriye mu gikorwa cyo gukiza...
12 December 2017 Yasuwe: 2603 1

RDF yatangiye gusimbuza abasirikare bari mu butumwa bw’amahoro

Abasirikare ba Batayo ya 53 ni bo bagiye gusimbura bagenzi babo ba Batayo...
10 December 2017 Yasuwe: 1110 0

Gen. Kabarebe na Gen. Patrick bagiranye ibiganiro n’intumwa ya...

Kuri uyu wa kane tariki ya 07 Ukuboza 2017 Intumwa idasanzwe y’Umunyamabanga...
7 December 2017 Yasuwe: 1203 0

Evode Imena wari ugiye kumara umwaka akurikiranyweho ibyaha yagizwe...

Urukiko rwisumbuye rwa Nyarugenge rwagize umwere Imena Evode wahoze ari...
7 December 2017 Yasuwe: 1777 0

Kigali: Abajura babiri muri bane bateye umuturage batawe muri...

Ku mugoroba wo kuri uyu wa 3 Ukuboza nibwo mu karere ka Nyarugenge mu...
6 December 2017 Yasuwe: 2053 1

‘Mu myaka ine: Abagabo 122 bishe abagore, abagore 61 bica abagabo’...

Imibare igaragazwa na Polisi y ‘ u Rwanda igaragaza ko abagore ari bo benshi...
6 December 2017 Yasuwe: 433 0