Gakenke: Umugabo baheruka ajya gufata amafaranga bongeye kumubona yapfuye

Amakuru   Yanditswe na: Nsanzimana Ernest 2 November 2018 Yasuwe: 3913

Umugabo witwa NIYONZIMA Jean Pierre bamusanze mu mugezi wa Gaseke uherereye mu murenge wa Rusasa mu karere ka Gakenke ari mu mufuka yapfuye.

Amakuru atangwa n’abaturanyi n’abo mu muryango we, avuga ko uyu NIYONZIMA Pierre wasanzwe mu mazi yamaze gupfa bamuherukaga ku wa Kabiri ubwo yavaga mu rugo agiye gufata amafaranga agera ku bihumbi 250 yari yasaguriwe ku cyamunara yari aherutse guterezwa.

Niyonzima yavuye gufata ayo mafaranga ahitira mu kabari k’ahitwa muri Gaseke katari kure y’aho yari asanzwe atuye. Bikekwa ko yishwe avuye muri ako kabari.

NSABIMANA Samuel, Umunyamabanga Nshingwabikorwa w’ Akagari ka Rumbi uyu nyakwigendera yari atuyemo yemeza ko mu bimenyetso bigaragarira amaso ari uko uyu nyakwigendera yishwe kuko bamusanze azirikiye mu mufuka ndetse.

NSABIMANA avuga ko uwamuroshye Niyonzima yamushyizeho ibuye kugira ngo yibire hasi mu mazi.

Abatuye muri aka gace bavuga ko uyu atari we muntu wa mbere uhiciwe muri ubu buryo, ahubwo ngo bisa nk’ibintu bimaze kuhaba akamenyero kuko ngo mu myaka itatu ishize muri aka gace hamaze kwicirwa abantu batanu muri ubu buryo, ari na byo baheraho basaba inzego z’umutekano ko zahitaho by’umwihariko.

Babwiye TV1 ko ubwicanyi muri aka gace burimo gufata indi ntera kuko Niyibizi yishwe, hakaba hari n’ umukobwa bishe bashyize mu igunira nk’ uko Niyonzima yishwe.

Umunyamabanga Nshingwabikorwa w’ Umurenge wa Rusasa, RUHASHYA Charles ntiyemenya n’ abaturage bavuga ko ubwicanyi bumaze kuba akamenyero muri aka gace kuko avuga ko mu myaka itatu amaze ayobora uyu murenge ari ubwa mbere bibaye.

Yagize ati “Mu myaka 3 irengaho nk’ ukwezi mpamaze ni ubwa mbere habaye ubwicanyi bukoranywe ubugome. Wasanga byarabaye nko mu myaka 5, 6 kubera ko ari iby’ umuntu yitangariza akagira ngo ni nko mu myaka 3”

Abaturage basaba ko habaho amasaha y’ utubari kuko ngo Gaseke bageza saa sita bagipima bikaba byaba itandaro y’ ubwicanyi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 6231 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2107 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 1948 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1846 0

‘Abashaka u Rwanda barwifuriza ibibi barukurahe se?’ Perezida...

Perezida w’ u Rwanda akaba n’ Umugaba w’ Ikirenga nyuma yo kureba ingabo z’ u...
11 December 2018 Yasuwe: 4045 0

Umukandida ushyigikiwe na Perezida Kabila wa Kongo ibihano bye...

Umuryango w’Ubumwe bw’Uburayi wahamishijeho ibihano ku bategetsi bo muri...
11 December 2018 Yasuwe: 642 0