Gasabo: Umugabo yaguze umuhoro mushya atemagura umugore arahunga

Amakuru   Yanditswe na: Nsanzimana Ernest 21 June 2018 Yasuwe: 4146

Mu gitondo cyo kuri uyu wa Kane tariki 21 Kamena umugabo witwa Rutaganira Robert wo mu murenge Rusororo Akagari ka Nyagahinga mu mudugudu wa Gisharara zazindutse ajya kugura umuhoro mushya , atemagura umugore we akiva muri ‘douche’ arangije aracika azi ko amwishe.

Uyu mugabo atwara taxi voiture i Kanombe, umugore agakora ku bitaro bya gisirikare i Kanombe. Umugore yatemwe akiva mu bwogero akenyeye ‘essuie-mains’ gusa.

Rutaganira ngo umuhoro yatemesheje umugore we ni mushya, biravugwa ko yawuguze mu gitondo. Yatemye umugore we amuca igufa ry’umusaya, amutema ku ijosi, amutema amagufa y’akaboko yombi aracika, amutema no mu rubavu ahunga azi ko yamwishe.
Ku bw’amahirwe umugore yajyanywe kwa muganga agihumeka.
Umunyamabanga nshingwabikorwa w’Umurenge wa Rusororo Alfred Nduwayezu yabwiye Umuseke ubu bugizi bwa nabi bwakozwe muri iki gitondo kandi bari gushakisha uyu Rutaganira wahise ahunga.

Umwe mu baturanyi b’uyu muryango utifuje gutangazwa yavuze ko uyu mugore batemye akaboko ko kacitse neza hagasigara inyama nto (tissues) zifatanye gusa, kandi yakomeretse cyane mu rubavu no mu musaya.

Uyu muturanyi wabo avuga ko uyu ari umuryango ubusanzwe wifashije kandi ngo nta kintu bazi cyagaragarazaga ko umugabo ashobora kugirira nabi umugore we.

Uyu muturanyi wabo ati “Twabonaga basohoka mu modoka nta kibazo, ntitwari tuzi ibibera mu rugo imbere ko bashobora no gutemana, twatunguwe kandi tubabazwa cyane no kubona ibyabaye.”

Uyu mugabo Rutaganira na Kubwimana umugore we bafitanye abana umunani barimo n’uwiga muri Kaminuza.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Njye nibaza icyo ministère ifite umuryango mu nshingano icyo ibitekerezaho, kuko iri hohoterwa ribera mu ngo rirakabije kandi ikimbabaza ibi babikorera mu maso y’abo bibarutse. Bikomeje gutya generation iza ntacyo twaba tuyifashije. Murakoze

    June 2018
  • chat_bubble chantal

    birababaje cyane niyo yabayarakoze ibyaha binganagute ikicyemezo kiragayitse nukuri cyakoze uyumugabo naramuka abonetse bafate imyanzuro ikomeye

    June 2018
  • chat_bubble munyemana

    Namwe muribonera ubwanyu ko ibi bintu bikabije cyane.Niba mwibuka neza,mu kwezi gushize abagabo 4 bishe abagore babo,harimo wa musirikare (sergeant) w’i Rulindo wali avuye mu butumwa muli Sudan.Igihe cyose abantu bazakomeza kwanga gukurikiza amategeko y’imana dusanga muli Bible,nta mahoro isi izagira.Kugeza ku munsi imana yashyizeho ubwo izahindura ibintu (ibyakozwe 17:31).Soma Yeremiya 25:33 na Imigani 2:21,22 wumve uko izabigenza.Niwo muti wonyine kubera ko abantu bananiye imana.Bibeshya ko ubuzima gusa ari shuguri,amafaranga,politike,amashuli,…bakibagirwa gushaka imana:Baricana,bararwana,barasambana,bacuranwa ibyisi,…Soma Zefaniya 2:3 wumve ingaruka mbi zo kwibera mu byisi gusa ntushake imana mu gihe ugihumeka.Mujye mwibuka ibyabaye ku bantu bose bali batuye isi ku gihe cya NOWA.Harokotse abantu 8 gusa bumviraga imana.Ni Yesu ubwe wabyivugiye.Ntabwo ari amakabya-nkuru.

    June 2018

Inzindi nkuru

Iperereza ku bwicanyi bwakorewe CSP Hubert Gashagaza (Rtd) na Alexia...

Mu ijoro ryo ku italiki 17 rishyira 18/9/2018 nibwo umurambo wa CSP Hubert...
29 April 2019 Yasuwe: 8700 4

Ko abaturage b’Amerika n’Uburayi basabwe kwitondera gusura u Rwanda bivuze...

Leta Zunze Ubumwe z’Amerika, Ubudage, Ubufaransa, Ubwongereza, Australia,...
26 April 2019 Yasuwe: 5823 2

HUYE:Kubwimana yitabye Imana hashize isaha imwe avuye guhabwa...

Nyakwigendera yitabye Imana kuri iki Cyumweru cya Pasika tariki 21 Mata...
22 April 2019 Yasuwe: 5729 0

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 14136 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7700 2

Hari amakuru avuga ko Maj Sankara Callixte yafashwe akaba yaranagejejwe i...

Kuva mu gitondo cyo kuri uyu wa mbere hatangiye gukwirakwiaa amakuru ku...
15 April 2019 Yasuwe: 37348 17