Gasabo: Umugabo yishe umugore babyaranye ngo yamwanduje SIDA

Amakuru   Yanditswe na: Nsanzimana Ernest 9 February 2018 Yasuwe: 2404

Umugabo w’ imyaka 27 wo mu karere ka Gasabo, I Gasogi mu kagari ka Rudashya, Umurenge wa Ndera, mu Mujyi wa Kigali yishe umugore bigeze kubana nk’ umugore n’ umugabo banafitanye umwana avuga ko yamuhoye ko yamwanduje SIDA

Umuvugizi wa Polisi y’ u Rwanda SSP Emmanuel yatangarije UMURYANGO ko Munyaneza Innocent utuye mu murenge wa Nyarugunga yatawe muri yombi nyuma yo kwica Mukeshimana Rebecca.

Yagize ati “Umugabo witwa Munyaneza uri mu kigero cy’ imyaka 27 twahawe amakuru ko yishe umugore witwa Mukeshimana Rebecca wari mu kigero cy’ imyaka 25 hafi 26. Amakuru tugitohoza ni uko baba bari bafitanye ibibazo.”

Mukeshimana yari umukozi wo mu rugo I Gasogi. Nyuma yo gutandukana na Munyaneza yahise ajya gukora akazi ko mu rugo.

Kuri uyu wa Gatanu tariki 9 Mutarama 2018 ahagana mu saa tanu z’ amanywa nibwo Munyaneza yasanze Mukeshimana baterana amagambo ahita amutera icyuma.

Hari amakuru avuga ko uyu Mukeshimana yabanaga n’ ubwandu bikaba ari nabyo byatumye Munyaneza amwica.

Umunyamabanga Nshingwabikorwa w’Umurenge wa Ndera, Iyamuremye Francois yatangaje ko Munyaneza yemereye ubuyobozi bw’ umurenge ko yishe Mukeshimana akavuga ko yamuhoye ko yamwanduje SIDA.

SSP Hitayezu yatangarije UMURYANGO ko amakuru y’ uko Nyakwigendera yari arwaye SIDA polisi yayabwiye gusa ngo amakuru nk’ aya yemezwa na muganga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble

    nibyagaciro abanyabyaha nkabo bagumba gukatirwa urwaburundu ndets. nundu wese akareberaho.

    10 February
  • chat_bubble

    nibyagaciro abanyabyaha nkabo bagumba gukatirwa urwaburundu ndets. nundu wese akareberaho.

    10 February

Inzindi nkuru

Gasabo: Umugabo yatemaguye umugore we aramwica ngo yatinze ku...

Umugabo ukuze wo mu kagari Munini , Umudugudu Rudakabukirwa mu murenge wa...
18 September 2018 Yasuwe: 4825 1

Icyo ubuyobozi bw’ akarere ka Ruhango buvuga ku kibazo cy’ umupolisi ushinjwa...

Ubuyobozi bw’ akarere ka Ruhango ntabwo buvuga rumwe n’ abaturage ku mvano y’...
16 September 2018 Yasuwe: 5912 6

Kicukiro: Hatoraguwe umurambo w’ umugabo wishwe akurwamo amaso

Mu gitondo cyo kuri uyu wa Gatatu tariki ya 12 Nzeri 2018, mu gihuru kiri...
13 September 2018 Yasuwe: 2773 4

Kigali: Igiti kinini cyaguye hejuru y’ imodoka Imana ikinga...

Iki giti cyarandutse biturutse ku mvura yaguye mu Mujyi wa Kigali irimo...
12 September 2018 Yasuwe: 1543 0

Rwamagana: Umugabo yitwikiye mu nzu n’ umugore we asiga urwandiko[AMAFOTO]

Umugabo witwa Munyaneza Seth w’imyaka 43 yohereje abana ku ishuri n’umukozi...
12 September 2018 Yasuwe: 9906 3

HUYE: Umunyerondo yishe umugabo amukubise ubuhiri mu mutwe

Mu ijoro ryakeye kuri uyu wa kabiri mu kagari ka Sovu mu murengewa Huye ho...
11 September 2018 Yasuwe: 2469 1