skol
startimes

Gatsibo: Umugabo yiyahuye nyuma yo gukubita umugore we amushinja kumuca inyuma

Amakuru   Yanditswe na: Dusingizimana Remy 21 November 2020 Yasuwe: 2295

Umugabo wo mu Karere ka Gatsibo mu Murenge wa Gitoki, akekwaho gukubita umugore n’abana be hanyuma akimanika mu mugozi agapfa, aho bivugwa ko yabitewe n’uko ngo umugore we yajyaga amuca inyuma.


Ibi byabaye mu ijoro ryakeye tariki ya 20 Ugushyingo 2020 mu Mudugudu wa Sata mu Kagari ka Karubungo mu Murenge wa Gitoki.

Umunyamabanga Nshingwabikorwa w’Umurenge wa Gitoki, Mushumba John, yabwiye IGIHE ko uyu mugabo yiyahuye nyuma yo kumara igihe kinini afitanye amakimbirane n’umugore we ashingiye ku kumuca inyuma.

Yagize ati “Ni umuryango wari ufitanye amakimbiranye, bafitanye abana babiri bakuru, rero umugabo yafuhiraga umugore we rimwe akavuga ko amuca inyuma, ubuyobozi bukajyayo bukabagira inama umugabo ntabyumve bagakomeza gushwana.”

Yakomeje agira ati “N’ijoro rero umugabo ubwo yari atashye yakubise umugore we aramukomeretsa anafata abana be arabakubita anabasohora mu nzu ubundi yikingirana mu nzu, ubuyobozi bwahageze bubanza kujya kuvuza umugore n’abana ku kigo Nderabuzima mu gitondo rero ubwo bazaga gufata wa mugabo nibwo bakomanze babura umuntu ukingura.”

Gitifu yakomeje avuga ko abashinzwe umutekano mu Mudugudu n’ubuyobozi bahise bahamagara Umunyamabanga Nshingwabikorwa w’Akagari bakamubwira uko bimeze nyuma ngo bakomeje guhengereza basanga yimanitse mu mugozi.

Gitifu yasabye abaturage kwirinda kwihanira no kumva amabwire ahubwo bakagana ubuyobozi bukabafasha mu gihe bafite ibyo batumvikanyeho.

Ati “Umuntu iyo afitanye amakimbirane n’undi ntabwo bikwiriye kurangizwa n’uko amukubita, ubuyobozi bubereyeho gukemura ibibazo by’abaturage nta mpamvu yo kwihanira cyangwa ngo umuntu yiyahure, ubuyobozi burahari bushobora kubafasha hatabayeho ko umwe avutsa undi ubuzima.”

Yasabye kandi abaturage kujya babatungira agatoki imiryango ifitanye amakimbirane bukayiba hafi bitaragera aho kwicana.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Biravugwa ko Sergeant Robert ukekwaho gusambanya umwana we yatorokeye muri...

Sergeant Major Kabera Robert uzwi mu muziki nka “Sergeant Robert” uri...
24 November 2020 Yasuwe: 5386 0

Kigali: Abagabo 3 bafatanwe ibyapa byo ku muhanda bagiye kubigurisha

Ubuyobozi bw’Umujyi wa Kigali bwatangaje ko abagabo 3 bafashwe na Polisi y’u...
23 November 2020 Yasuwe: 3101 0

Umuhanzi Sergeant Robert ari gushakishwa kubera icyaha cyo gusambanya...

Umusirikare akaba n’umuhanzi Sergeant Major Kabera Robert wamenyekanye nka...
23 November 2020 Yasuwe: 5308 0

Rubavu:Abantu 52 bafashwe barenze ku mabwiriza yo kwirinda Covid-19 bari...

Polisi y’u Rwanda ikorera mu karere ka Rubavu,mu Murenge wa Gisenyi yafashe...
22 November 2020 Yasuwe: 1546 0

Rubavu: Polisi yafashe ukekwaho gukwirakwiza urumogi yigize...

Polisi y’u Rwanda ikorera mu Karere ka Rubavu mu Murenge wa Busasamana mu...
22 November 2020 Yasuwe: 3952 0

Gatsibo: Umugabo yiyahuye nyuma yo gukubita umugore we amushinja kumuca...

Umugabo wo mu Karere ka Gatsibo mu Murenge wa Gitoki, akekwaho gukubita...
21 November 2020 Yasuwe: 2295 0