Gen. Ibingira yasimbuwe ku buyobozi bw’ Inkeragutabara azisize ku murongo

Amakuru   Yanditswe na: Nsanzimana Ernest 20 November 2018 Yasuwe: 4961

Perezida wa Republika akaba n’Umugaba w’Ingabo w’Ikirenga yagize Maj Gen Aloys Muganga umugaba w’agateganyo w’Inkeragutabara, Minisiteri y’ingabo z’u Rwanda yabitangaje kuri uyu wa 20 Ugushyingo 2018.

Maj. Gen. Muganga asimbuye General Fred Ibingira wari uyoboye uwo mutwe guhera mu 2010.

General Ibingira azibukwa nk’umwe mu bagize uruhare mu kugarura ikinyabupfura n’isura nziza y’Inkeragutabara zigizwe n’abahoze ari abasirikare ariko bakaza gusezererwa. Inkeragutabara zubaka amazu menshi mu gihugu kandi aho zikoze hose usanga abaturage bashima imikorere yazo.

Muri Mutarama uyu mwaka nibwo Maj General Aloys Muganga yazamuwe mu ntera avanwa ku ipeti rya Brigadier General agirwa Major General, bamwe mu bazamuriwe rimwe kuri iri peti ubu bakaba baranahawe imyanya mu buyobozi bw’ingabo z’igihugu, abo bakaba barimo na Minisitiri mushya w’Ingabo, Maj General Albert Murasira.

Iteka rya Perezida rigena imiterere n’inshingano zihariye bya buri kiciro mu bigize ingabo z’u Rwanda rivuga ko Inkeragutabara zigizwe n’abanyarwanda binjira muri uwo mutwe ku bushake bujuje ibiteganywa n’iri teka, n’abandi batoranywa mu bahoze mu ngabo bujuje n’ibiteganywa n’iri teka.

Mu gihe cy’intambara, cy’ibyago bigwiririye igihugu, kubera impamvu z’amahugurwa cyangwa mu bindi bihe byose bibaye ngombwa, abagize Inkeragutabara bashobora guhamagarirwa kujya mu mitwe ikora akazi ka gisirikare ku buryo buhoraho cyangwa bagategekwa n’abategetsi babifitiye ububasha gukora indi mirimo.

Inkeragutabara zishobora guhamagarwa zose hamwe cyangwa zimwe muri zo. Umugaba w’Ikirenga w’Ingabo niwe ubifitiye ububasha.

Iri teka rivuga ko mu buzima bwabo bwa buri munsi, abagize Inkeragutabara bemerewe nta zindi mbogamizi gukora imirimo ya gisivile iyo ariyo yose bihitiyemo hubahirijwe ibiteganywa n’amategeko.

Gen Ibingira yari umuyobozi w’Inkeragutabara kuva mu 2010

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Hari amakuru avuga ko Maj Sankara Callixte yafashwe akaba yaranagejejwe i...

Kuva mu gitondo cyo kuri uyu wa mbere hatangiye gukwirakwiaa amakuru ku...
15 April 2019 Yasuwe: 32485 15

Kwibuka 25: RIB yasabye abaturarwanda kwitwararika ibyaha by’ingengabitekerezo

Mu butumwa Urwego rw’Igihugu rw’Ubugenzacyaha (RIB) rwageneye abaturarwanda...
4 April 2019 Yasuwe: 792 1

Kayonza: Umusilikari yasanze ku rugo rwe hamanitse umusaraba wanditseho...

Ku urugo rwa SSgt Rubango hari hamanitse umusaraba wanditseho uwitwa...
28 March 2019 Yasuwe: 13162 1

Imbwa 16 nizo Polisi y’u Rwanda yungutse zizayifasha mu gucunga...

Kugira ngo umutekano w’abantu n’ibyabo urusheho kugenda neza, Polisi y’u...
17 January 2019 Yasuwe: 2534 0

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 16150 2

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 6855 1