skol
startimes

Hakajijwe ingamba zo kurinda COVID-19 abari mu butumwa bwo kubungabunga amahoro nyuma y’urupfu rw’umupolisikazi

Amakuru   Yanditswe na: Dusingizimana Remy 4 June 2020 Yasuwe: 1464

Abapolisi b’u Rwanda bari mu butumwa bwo kubungabunga amahoro mu gihugu cya Sudani y’Epfo bakomeje kuzuza inshingano zabo zo kurinda amahoro muri iki gihugu ari nako bakomeza kubahiriza amabwiriza y’ishami ry’umuryango w’abibumbye ryita ku buzima (OMS), amabwiriza ajyanye no kwirinda Koronavirusi.


Umuvugizi wa Polisi y’u Rwanda, Commissioner of Police (CP) John Bosco Kabera avuga ko n’ubwo hari umupolisikazi uherutse guhitanwa na Koronavirusi ari mu butumwa bw’umuryango w’abibumbye bwo kugarura amahoro mu gihugu cya Sudani y’Epfo, ingamba zo kurinda aba bapolisi zirimo gukazwa.

Yagize ati "Polisi y’u Rwanda ibabajwe n’urupfu rwa PC Mbabazi Enid wari kumwe na bagenzi be mu butumwa bwo kurinda amahoro muri Sudani y’Epfo ahitwa i Malakal. Twihanganishije umuryango we, kandi turaha agaciro ukwitanga atizigama byamuranze mu mirimo y’umutekano w’igihugu cye ndetse no mu bindi bihugu.

CP Kabera yakomeje avuga ko Polisi y’u Rwanda ku bufatanye n’izindi nzego bizeza umutekano abari mu butumwa bwo kubungabunga amahoro cyane cyane babigisha uko icyorezo cya COVID-19 gikwirakwira no kukirinda.

Ati "Turimo gukora ibishoboka byose kugira ngo abari mu butumwa bwo kubungabunga amahoro bagume batekanye kandi turabizeza umutekano. Turimo kubigisha uko iki cyorezo gikwirakwira ndetse n’uburyo bwa nyabwo bwo kukirinda. "

Mu butumwa bwa Komiseri wa Polisi uhagarariye abapolisi bari mu butumwa bw’umuryango w’abibumbye muri Sudani y’Epfo, Unaisi L. Vuniwaqa yavuze ko babajwe n’inkuru y’urupfu rwa mugenzi wabo Mbabazi Enid.

Yagize ati "Twababajwe cyane n’inkuru y’urupfu rwa mugenzi wacu Mbabazi Enid. Twese muri rusange nk ’intumwa z’umuryango w’abibumbye twifatanyije n’umuryango we mu kababaro, turaha agaciro umusanzu yatangaga muri ubu butumwa ndetse no ku baturage b’igihugu cya Sudani y’Epfo muri rusange. "

Yakomeje avuga ko mu izina ry’abari muri ubu butumwa, bifuza kohereza ubutumwa bw’akababaro banasengera roho ye ngo iruhukire mu mahoro. Imigisha y’Imana ishobora byose igere ku muryango ndetse n’abanyarwanda bose bari mu butumwa bwo kubungabunga amahoro hano muri Sudani y’Epfo.

Lt. Col Mikhail Bychikhin, umuhuzabikorwa w’abapolisi bari mu butumwa bw’umuryango w’abibumbye muri Sudani y’Epfo yihanganishije abapolisi b’u Rwanda babuze mugenzi wabo.

Intumwa idasanzwe y’umunyamabanga mukuru w’umuryango w’abibumbye mu butumwa bw’amahoro muri Sudani y’Epfo, David Shearer mu butumwa bwe bwo kurwanya icyorezo cya COVID-19 mu kurinda abari mu butumwa bwo kubungabunga amahoro aherutse gutangaza muri Mata, asaba umuntu wese uzajya yumva arwaye cyangwa afite ibimenyetso bya Koronavirusi nko kugira umuriro, inkorora, guhumeka nabi cyangwa guhumeka bigoranye bagomba kujya baguma aho baba, bagahamagara abaganga bashinzwe kubakurikirana.

Yanasabye ko harebwa niba abakozi bashobora gukorera akazi aho baba batiriwe bajya mu biro, aho biri ngombwa bagakorera mu rugo mu rwego rwo kwirinda ko abantu bahura bakegerana.

David Shearer yashimangiye ko amabwiriza y’ishami ry’umuryango w’abibimbye ryita ku buzima avuga ko abantu bagomba gukaraba intoki kenshi gashoboka bakoresheje amazi meza n’isabune cyangwa bagakoresha umuti wabugenewe wo gukaraba mu ntoki, bakirinda gusuhuzanya, bagahana intera hagati yabo, bagatera imiti ibikoresho kenshi gashoboka, bakirinda inama cyangwa zaba ari ngombwa bakareba icyumba kigali bihagije ku buryo hagati y’umuntu n’undi haba metero.

RBA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umuyobozi wa Gereza ya Gicumbi, CSP IYABURUNGA arafunzwe

Ubuyobozi bw’Urwego rushinzwe imfungwa n’abagororwa, RCS, bwemeje ko uwari...
28 September 2020 Yasuwe: 1515 0

RIB yafunze umugore wamenye amazi ashyushye ku mugabo we bikamuviramo...

Urwego rw’Igihugu rushinzwe Ubugenzacyaha (RIB) rwatangaje ko rwafunze...
26 September 2020 Yasuwe: 2458 0

Kamonyi: Umugore yarumye udusabo tw’intanga tw’umugabo we bimutera gushaka...

Ikibazo cy’abagore bari kuruma imyanya y’ibanga y’abagabo babo gikomeje gufata...
24 September 2020 Yasuwe: 3723 0

Nyagatare: Umugore yarumye igitsina cy’umugabo we bafitanye amakimbirane...

Umugabo witwa Ugayurwe Joel wo mu mudugudu wa Kabirizi akagari ka Mbare...
23 September 2020 Yasuwe: 3242 1

Gicumbi: Umugabo arakekwaho gusambanya umwana we w’imyaka 16

Umugabo witwa Ndahayo w’imyaka 44 y’amavuko wo mu Kagari ka Gasharu mu...
23 September 2020 Yasuwe: 2232 2

RIB yataye muri yombi Gitifu wa Busogo ukekwaho gukomeretsa bitari ku...

Urwego rw’Igihugu rw’Ubugenzacyaha rwamaze guta muri yombi RIB Bwana...
23 September 2020 Yasuwe: 1257 1