Huye: Batatu baburiye umwuka mu kigega cy’ amazi Polisi ihagoboka batarapfa

Amakuru   Yanditswe na: 9 January 2017 Yasuwe: 1841

Abantu batatu basigaga irangi mu kigega cy’ amazi giherere mu murenge wa Rusatira mu karere ka Huye babuze umwuka wo guhumeka (oxygene) polisi ibatabara batarapfa.

Ibi byabaye mu gitondo cyo kuri uyu wa mbere tariki 9 Mutarama 2017 ahagana mu ma saa tatu. Abahuye n’ ikibazo ni Hakizimana Valens, Hakizimana Alex na Habanabashaka Gérôme bakoreraga Kampani NIE Ltd.

Ubwo bagiraga ikibazo cyo kubura umwuka abaturage bahise babimenyesha polisi , ishami rya polsi rishinzwe gutabara ‘Fire brigade’ rihagera batarashiramo umwuka ribajyana kwa muganga.

Mu kiganiro umuvugizi wa polisi y’ u Rwanda mu ntara y’ amajyepfo CIP André Hakizimana yagiranye n’ Umuryango yavuze ko uko ari batatu batabawe bagahita bajyanwa mu bitaro bya kaminuza y’ u Rwanda ishami rya Butare CHUB ashimangira ko ubuzima bwabo bumeze neza.

CIP Hakizimana yasabye abaturage kujya bihutira gutabaza polisi ku kibazo bahuye nacyo icyo ari cyose aho kibereye aho ariho hose.

Yagize ati “Icyo abaturage bakwiriye kumenya ni uko ikibazo bagira icyo aricyo cyose polisi iba iri tayari kubatabara. Haba mu mazi, haba ku butaka, ni ukuvuga ngo polisi iba ihari kurinda umutekano w’ abantu n’ ibintu byabo aho ariho hose”.

Ikigega cyasigwagamo irangi ni ikigega cy’ amazi cyari kimaze igihe kidakoreshwa, cyasigwagamo irangi mu rwego rwo kugisukura ngo cyongere gishyirwemo amazi bundi bushya. Ni ikigega cyo munsi y’ ubutaka.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Impunzi z’ Abanye- Congo zasohotse inkambi zirigaragambya

Mu gitondo cyo kuri uyu wa Kabiri tariki 20 Gashyantare 2018 impunzi...
21 February 2018 Yasuwe: 1830 0

EAC: Abasirikare b’inzobere mu buvuzi biyemeje kunoza ireme ry’ubuvuzi

Abasirikare b’inzobere mu buvuzi bo mu bihugu bigize umuryango wa Afurika...
20 February 2018 Yasuwe: 431 0

Amajyepfo:Babiri bafatanwe ibikoresho byo mu nzu bibye

Polisi y’u Rwanda ikorera mu turere twa Nyamagabe na Huye yataye muri yombi...
17 February 2018 Yasuwe: 703 0

Kirehe: Gitifu afunzwe acyekwaho gutera inda umwana w’ imfubyi wamukoreraga...

Umugabo w’ imyaka 35 uyobora kamwe mu tugari two mu karere ka Kirehe yatawe...
16 February 2018 Yasuwe: 1560 0

Ngoma: Hari amafarumasi yafatiwemo imiti yarengeje igihe

Ubuyobozi bw’ akarere ka Ngoma bwakoze igenzura busanga amwe mu mafarumasi...
14 February 2018 Yasuwe: 331 0

Gakenke: Igisasu cyakomerekeje batanu aho bivugwa ko hahoze ibirindiro bya...

Abaturage batanu muri 150 barimo bahanga umuhanda mu Murenge wa Kivuruga mu...
13 February 2018 Yasuwe: 1269 0